ساق كنه انمبوب

[ناصر عبيد الهواوي]

الناس راحوا شمال وجا مراح الربع يم الجنوب=يالله تجعل مراح الخير للي من شمال اجنبو
واشوف ضول البشر بالسوق من بدري وهب الهبوب=ما ادري على وضعهم باقين والايوم هب ذهبو
واشوف كل ٍ معه ختمه وياسم في عراض الجنوب=للوضح رغبة وبعض الناس في شعل البكار ارغبو
وانا هوى خاطري في بكرة ٍ عفراء رزان ٍ لعوب=ابا اكتب الشيك مبلغ حر للملاك كان ارغبو
قفو بها صوب عني هالسنة واليوم ان رحت صوب=تكفون يافزعتي جهزت للطرقة جيوب اركبو
خلو بعضكم من الطايف وطراف اتربة والهضوب=وناس ٍ يدوجون باطراف القصيم ومن قبه غربو
اوصافها واضحات ٍ للبيب وخاليات العيوب=واللي يقولون بكرتك اصبحت فاطر هبو واكذبو
شناح هيفاء نحيلة خصردمجا ساق كنه انمبوب=ترفة قدم لو سمع منطوقها الرهبان يمكن صبو
بين الخماخم وعاتقها مشمن به تذوب القلوب=لو تطرح الشال في ملعب كبار القوم كان العبو
مع وجنة ٍناعمة تظفي عليها ناعسات الهدوب=لوهو خزرني وانا واقف ونادا جيت يمه حبو
انا من فراقها بي ساعر ٍجا له بجوفي شبوب=ولع حريقة بخلجان الضماير صار يقبا قبو

من حرقتي قمت اعب الماء بثلجه واتبع الكوب كوب=مايبرده ..والاطباء مانفعني كثر ماطببو
واقول للقلب تب وش عاد باقي قال عنهم ما اتوب=ولا اطيع هرج العواذل فيه مهما جمعو واضربو

[داعي الشوق]

	ابو عبيد ، شاعر من الطراز الأول دائما رائع يالهواوي صح لسانك مليووون لك أسلوب خاص و رائع لا يتــقــنــه سواك صح لسانك مدد بلا عدد إعجابي و احترامي لك ،،،،،،،،،،،،،،،،،،،،،

[صنداح الزلامى]

ناصر عبيد الهواوي

صح لسانك واعتلا شانك

جزل جزل ياناصر اعجابي الشديد

لك واحترامي ودمت بخير

[صعبة المنال]

من حرقتي قمت اعب الماء بثلجه واتبع الكوب كـوب
مـايـبــرده ..والاطــبـــاء مـانـفـعـنـي كــثـــر مـاطـبـبــو
واقول للقلب تب وش عـاد باقـي قـال عنهـم مـا اتـوب
ولا اطيـع هـرج العـواذل فيـه مهمـا جمـعـو واضـربـو


الله يبرد على قلبك
رووعة وصف واحسااااس
دوم خيال الشاعر خصب

سلمت وصح لسااانك

صعوووب

[نجم الإبداع]

الله الله

صح لسانك ياناصر

مصافحه وافيه وطاروق عسر

لاهنت يابحر

لاهنت

تقبل مروري

وتقديري

[ناصر عبيد الهواوي]

حتى على الحجز انا ممنون لك ياداعي الشوق..........والا الزلامي انا واياه ابونا رجل واحد
سعود بن عم له بالذايرات وشرٌده ذوق.............وصنداح شاعر كبير ال منزله مانيب جاحد
ماتاردون الغدير الى لقيتو ا ماه مطروق...........يوم إن ورادها هالوقت بين الناس واجد
مع جزيل الشكر والتقدير

[ناصر عبيد الهواوي]

مع شكري لللاخت صعبة على مرورها الذى اسعد به
الا انها مشكورة نقلت بيت لاحظت انه سقطت منه كلمة (ما اقدر) بدونها يصبح الشطر مكسور
وبغيت اعدل ما استطعت للتنبه على ذلك وللجميع جزيل الشكر

[ناصر عبيد الهواوي]

شاعرنا القدير فلاح بن منشار الغالي
الف شكر يسرني مرورك كثيرا وما تدونه شهادة اعتز بها
تحياتي وتقديري

[زهرة اللوتس]

اوصـافـهـا واضـحــات ٍ للـبـيـب وخـالـيــات الـعـيــوب
واللـي يقولـون بكرتـك اصبحـت فـاطـر هـبـو واكـذبـو

شنـاح هيفـاء نحيلـة خصردمجـا سـاق كـنـه انمـبـوب
ترفـة قـدم لـو سمـع منطوقهـا الرهبـان يمـكـن صـبـو

بيـن الخماخـم وعاتقـهـا مشـمـن بــه تــذوب القـلـوب
لـو تطـرح الشـال فـي ملعـب كبـار القـوم كــان العـبـو


الهواوي سلمت وصح لسانك
جزلة من شاعر جزل
لاهنت وبيض الله وجهك
تحية طيبة

زهرة

[ترانيم المطر]

واقول للقلب تب وش عـاد باقـي قـال عنهـم مـا اتـوب=ولا اطيـع هـرج العـواذل فيـه مهمـا جمـعـو واضـربـو
واقول للقلب تب وش عـاد باقـي قـال عنهـم مـا اتـوب=ولا اطيـع هـرج العـواذل فيـه مهمـا جمـعـو واضـربـو

صح لسانك واعتلا شانك
ابيات رائعة
من شاعر مميز

لا جديد سوى الإبداع

سلمت وسلم تميزك

وإبداعك

تقبل من التحيه أغلاها ودمت بود