:: يا فرحة الميلاد ومع دمعة الموت :: اه

[صالح سعود]

قليل من كتبنا .. ففي القلوب اكثر مما تتحمل الصدور .. وتسطر السطور ..

لغزه .. مهد العزه أهدي هذه القصيدة المتواضعة ..

يا فرحة الميلاد مع دمعة الموت = الفرق واضح بين حزه وحزه
لو بحت الأصوات ما يكتم الصوت = صوت(ن) من أعماق الضماير مفزه
وحتى النفوس يشوتها حزنها شوت = وصدور هز أعماقها الحزن هزه
وعيون حتى دمعها صار مصموت = كل ما يسيل الدمع قامت تدزه
أطفت مصابيح الفلك لحظة سكوت = مرت على العالم وهي مشمئزه
ولا تغير شيء بإحساس مبتوت = إلا الضمير الحي قامت تحزه
العام نبكي جرح والآلام بيروت = واليوم نبكي جرح والآلام غزه
نظرة حزن في عيون مبلي ومكبوت = والعالم العاجز عنه مسكتزه
مع عنفوت طاغي وكافر وطاغوت = هذا يصفق له وهذا يوزه
ذبحة طفل و احراقت جسور وبيوت = عنها السلام اللي يقولوا منزه
ذاك السلام اللي على صفحة النوت = اللي على الصفحات عيني تقزه
من يذبح الاطفال و يقطّع القوت = ودك بيدك يموت وانته تتزه
حنا الحماس ان كنت في خوفك تموت = وحنا الكرامه والفخر والمعزه
الحور مطلبنا ونأكل من التوت = وميعادنا الجنه وفيها انتنزه
ويا ليتني قسامي اليوم وأموت = وسط الوغى في داخل حدود غزه

اخوكم - صالح سعود

[مبروك بن ماضي]

الاخ الشاعر / صالح سعود
قصيدة جزله ومعبره عن شعور الجميع
احاسيس صادقه بمعانات اخواننا في غزه
الله ينصرهم ويثبت اقدامهم
سجل اعجابي وتقبل تحياتي

[صالح سعود]

مشرفناالغالي
الشاعر مبروك بن ماضي

شكرا لك لمرورك المبجل المشرف

وكلنا لغزة وكلنا غزة

والجرح واحد
ونحن الجسد الواحد

[الحــ فهد ــربي]

صالح بن سعود

صح لسآآآنكـ مدد بلا عدد ...

قصيدهـ تلامس النبض ..

وماهي غريبه على النشاما الي شراوك يسجلون مواقفهم من العدوان الاسرائيلي ..

[محمد عبدالله البدراني]

العزيز الموقر صالح سعود سلمه الله


قصيده جميله ومعبره


لله دررررك ياصالح


وموقف سجل هنا شعرا من شاعر بطل عبر بجديه وحماس عن موقف كل مسلم



مليون صح السانك

وبيض الله وجهك



تحيتي وتقديري

[الـزلـزال]

العام نبكي جـرح والآلام بيـروت=واليوم نبكي جـرح والآلام غـزه
نظرة حزن في عيون مبلي ومكبـوت=والعالـم العاجـز عنـه مسكتـزه

صالح سعود

نزف شعري مميز ومتقن

من شاعر عذب ومعبر


أبدعت غالينا في وصف الحال الأليم

ليس بأيدينا سوى الدعاء لكل مظلوم

بان يزيل ظلمه وينصره

صح لسانك ملايين ملايين

ولك فائق تحياتي

[الطائر المهاجر]

صح لسانك واعتلى شأنك
نص رائع من شاعر رائع
لاهنت
تحياتي واحترامي

قصيده راائعه

وابداااع بكل المقااييس

صح الله لساانك مليون ولا يسدون

لا هنت


موج القصيد

[داعي الشوق]

صح لسانك يالشاعر صالح سعود

قصيدة تترجم شعور كل مسلم و عربي و انسان عاقل

تحيتي لك و صح لسانك مليووووووووون

دمت بخير

،،،،،،،،،،،،،

[زهرة اللوتس]

سلمت وسلم فكرك
جزلة من شاعر جزل
صح لسانك وبيض الله وجهك
لك مني
اطيب المنى

زهره