{ الـحـيـاة حـظـوظ )

[مهدي الحبابي]

بدون أي مقدمات رضاكم هو هدفي ومبتغاي


جديده

أسج الفكـر واقـطـف زماليق نبت الـروض = جـزال المعـاني بـكر والفكر يطـبعـها
وأخيل الجـزل من بعـد لا منه قـام يـنـوض = وبيـوت الجزالة مـا جهلنا مراجعـهـا
وانا داري ان الهزل ما يمكن انه يعـوض = عـن الجزل والساحة تخوف بواقعها
بها يحجب الكامل وعكسه يجي مفروض = ولو كانت أعلومه من الناس جامعها
ومن قال كلمة حـق لازم يجي مبغـوض = ويـنبــذ من اللي قـد فرضها ملمـعـها
فرضها وهي ما تعرف الفتل والمنقوض = وصارت على الساحة طوال مذارعها
عبادٍ مـكاسبهـا بـعـرض العباد تخـوض = وهـذي مـدينـتهـم وهـذي شـوارعهـا
وهـذي مداهـيل الذهـيبه وذاك الحـوض = تكـسر مـن أقـدام الهـمـل يا مقرعـهـا
وهذي رسوم أمجاد عصرِِ غدا مقروض = عـليه العـيون القشر تذرف مـدامعـها
وانأ والله إني داري أن الحياة حظـوض = ومـقاسيـم وأرزاقِِ مـن الله مـوزعـهـا
وما يكـتبـه ربـي بـياتـي عـلي مـفـروض = ومكـاتـيب رب البيت غصبِِ نطاوعها
مـلاذي وبـأرفـع له يـديني بلا معــروض= وطـلـبـته يـديـني فـارغـه لايــرجـعـها

ومن قال كلمة حق لازم يجي مبغـوض
وينبذ من اللـي قـد فرضهـا ملمعهـا

مهدي الحبابي

كلمة حق قصيده رائعه ونظم مميز وقاف جميل

صح لسانك وعلا شانك والله يعافيك على هذا الجمال

تقبل مروري وتحياتي

[مبارك أبوظهير]

مهدي الحبابي



صح لسانك .. وقلبك وفكرك .. أبدعت لاهنت



عيدك مبارك .. وكل عام وأنت بخير



غلااااااااااااااااي



م ن

[سناعيس]

صح لسانك أخوي مهدي
وبيض الله وجهك على هذه الجزله


تحياتي

[عبدالله راشد الثويني]

وانأ والله إني داري أن الحياة حظوض
ومقاسيـم وأرزاقِِ مـن الله موزعهـا

سبحانه موزع الارزاق
تسلم على ها الابيات التي تدل على إبداعك
صح لسانك وصح فكرك ولا هنت يا الغالي
تحيتي لك
نطمع بجديدك

[الطامي]

مهدي الحبابي
لاهنت وصح السانك
جزلة من جزل

[الجابر]

صح لسانك المبدع اخي الكريم

تملك ما لا يملكه الكثار في مجال الشعر

لك سحر من نوع اخر

أعجبتني تلك الرائعة

شكرااااااااااااااااااااااااااا ااااا اخي علي الشعر الروعة
يسلمووووووو

[منيع]

مـلاذي وبأرفـع لـه يدينـي بــلا مـعـروض=وطـلـبـتـه يـديـنــي فــارغــه لايـرجـعـهــا

الاخ الشاعر مهدي الحبابي
ابيات رائعه
ومن توجهه الى الله لايرجع خائباًابداً
تحياتي وتقديري

[علي محمد العتيبي]

وما يكتبه ربي بياتي علـي مفـروض
ومكاتيب رب البيت غصـبِِ نطاوعهـا
ملاذي وبأرفع له يديني بـلا معـروض
وطلبتـه يدينـي فارغـه لايرجعـهـا


ياسلام عليك يالحبابي
ابداع في ابداع
لله درك من رائع
صح لسانك لين ترضى


اعجابي واحترامي