انـــــــــــــشودة الـــــــــــــحزن

[احمد الجريفاني]

اظلمت في عيني الدنيا ولا ادري وين اروح=قل نوم وظلم قـوم وكثـر لـوم ومضيعـه
ما اشوف الا الغرابيل اختفى برقـن يلـوح=لو تهيـا للسعـاده درب اكيـد ابـي اتبعـه
كل ما داويت جرح بجرح تظهر لي جروح=ادري ان اللي بكاسي سم اسمـي واجرعـه
ضاع عمري منصف لغيري لعذالي نصـوح=سقم حال وضيق بال وسـوء فـال مجمعـه
كني بسجن انفـرادي مغلـق بالفيـن لـوح=لا امل عفـون قريـب ولا تفيـد القرقعـه
ما تهنيت بـدلال ولا خبـر عنـي شفـوح=ولا شقيت بجمع مال الستر نفسـي مطمعـه
مثل عصفورن يحسدونه على ريشـن وروح=لا نبت ريشه يطيـر وسقـم حالـه يمنعـه
وش تفيد لعيني الدمعـه وقلبـي لـو ينـوح=اشهد اني مع همومي ضعت وسط المعمعـه
با الغثى وقتي كريم وباالهنا حظي شحـوح=اصبحت حالي مثل معمي عيونـه بصبعـه
ما ظلمت ولا سلمت ولا خلط طبعي بجـوح=دايمـن بيبـان قلبـي للخلايـق مشرعـه
كان جنبي من تناجيني قبـل تنـوي نـزوح=فارقت وامسيت هايم كـل مرقـاب اطلعـه
لا هناة ولا غنـاة ولا مشاطرنـي مـزوح=ما به الا نـزف مجروحـن وروح ملوعـه
كنت اطرز للاماني ثوب وابني له صـروح=ما تصورت القريـر يجيـه يومـن يفجعـه
كيف تصبح قمتي با الامس تحلم با السفـوح=وكيف تصبح جنتي با الامس نـار مولعـه
اشحذ الفرحه من الاحزان قالت يا لحوح=فرحتك لوهو بيدي حبل ملزوم اقطعه
لا نوى وقتك يهينك ما تقـدم لـك شـروح=من حكم مسبق عليك تظـن قلبـه يردعـه
اشهد ان الموت راحه واشهد ان الصمت بوح=السكوت دواي اظنه فـي زمـان الجعجعـه

[الطائر المهاجر]

غفر الله لها ورحمها وتقبلها في فردوسه الأعلا
وجمعك بها في مقر رحمته
كان جنبي من تناجيني قبـل تنـوي نـزوح
فارقت وامسيت هايـم كـل مرقـاب اطلعـه

وافيه من وافي
صح لسانك وقلبك
ولاهان راسك
ولي عوده تليق بها
تحياتي الطيبة

[نجم الإبداع]

الله الله


صح لسانك شاعرنا احمد الجريفاني

مصافحه رائعه من شاعر متمكن

لاهنت

تقبل مروري

وتقديري

[منيع]

ماشاء الله
ابيات رائعه وجزله
وهذا الشعرالذي نبحث عنه
بارك الله فيكم
تحياتي وتقديري

[صعبة المنال]

بوح من القلب

صح لسااااااااانك

صعوووب

[دايود صالح الخلف]

ابو فراس !

رحمها الله واسكنها فسيح جناته

مؤلم ان تفارق من كان بلسما ً لجروحك !

صح لسانك ولاهنت

استاذ كبير ونحتفي فيه جميعنا

تحيتي

[ام العمده]

صح لسانك واعتلا شانك

لاهان راسك

ابدعت بهذه الرائعه

دمت بخير

الشاعر احمد الجريفاني

قصيدة متوشحه بسواد الحزن

رائعة بكلماتك ومتألقه بمشاعرك

رحمها الله والهمك الصبر والسلوان

شكراً ابوفراس

تحياتي لك

[الـزلـزال]

كان جنبي من تناجيني قبـل تنـوي نـزوح=فارقت وامسيت هايـم كـل مرقـاب اطلعـه
لا هنـاة ولا غنـاة ولا مشاطرنـي مـزوح=ما به الا نـزف مجروحـن وروح ملوعـه

احمد الجريفاني
قصيدة رائعه ومتقنه
من شاعر رائع وعذب ومميز
شاهدنا فيها حزن عميق
جمعك الله باحبابك في جنات النعيم
صح لسانك ملايين ملايين
ولك فائق تحياتي وتقديري

[سناعيس]

الشاعر القدير احمد الجريفاني
مليون صح لسانك على هذه الباذخه
ومن فرط اعجابي بها حاولت تسجيلها بصوتي
ولكنني على مايبدوا افسدتها برداءة الصوت
ولكنني على كل حال تغنيت بها مجرد احساس معجب

http://up.fatahilah.com/up//uploads/ded55834d1.mp3
لاهنت وبيض الله وجهك

تحياتي