هذا زمن ياجوج يمكن وماجوج

[هترل]

من لا يعرف الحر يشويه فروج = ومن لا يعرف الذيب يهمل نعاجه
من عقب هترل صار يالعود دبوج = اثر الزمن لا شان يظهر عجاجه
اصبح كريم النفس هالوقت مرجوج = يمشي وبين الناس طافي سراجه
هذا يكزه وذاك من حوله يدوج = وفلان لا شافه تكدر مزاجه
هذا زمن ياجوج يمكن وماجوج = كلٍ بعرفه راح يطلب خراجه
الهند فيها هنود ما حولها زنوج = وديارنا فيها مقيم الخواجه
ابعد تراني يابيض الوجه مزعوج = القلب صابه جرح يصعب علاجه
الوقت رمه والليالي غدن عوج = والديك اصبح تحت حكم الدجاجه

[الطائر المهاجر]

لسانك حصانك لايخليك بالدوج = اربطه ماله داعي بالهواجه

صح لسانك
ولاهنت
تحياتي

[الراقي]

نص اكثر من راائع
صح السانك مداد

[هترل]

المشاركة الأصلية كتبت بواسطة الطائر المهاجر

لسانك حصانك لايخليك بالدوج = اربطه ماله داعي بالهواجه

صح لسانك
ولاهنت
تحياتي

ههههههههه
الله يكفينا شرك يالعود
صح بدنك وشكرا لمرورك المشرف
ودي

[داعي الشوق]

ههههههههههه سلامة الديك
و صح لسانك هترل

مصافحه قويه يالشاعر

مع تحياتي

[هترل]

المشاركة الأصلية كتبت بواسطة الراقي

نص اكثر من راائع
صح السانك مداد

الراقي صح بدنك يالنشمي
شكرا لمرورك المشرف لاهنت
ودي

[حرف وشعر]

ههههههه صحيح المنطوق

نص باذخ بالحيل

[ساهر الليل]

نص هجومي ملغم بشظايا نوويه

هههههههههههههههههههههه

من طول الغيبات جاب الغنايم

صح لسانك هتررررل عل المداعبه الجميله

والله يديم المحبه بين الجميع

تحياتي وتقديري

[منيع]

ابيات جميلة
شكرا لك
تحياتي

[الطامي]

هتررل
صح السانك
رائعة جدا
لاهنت