تحدي وتسليه ...

[كاسب نفسي]

السلام عليكم ورحمة الله وبركاته

الحقيقه الموضوع يمكن له مواضيع مشابهه له ويمكن يكون احد جاب الفكره قبلي او فكره مشابهه لها بحكم اني عضو جديد لكن الفكره طرت في بالي وقلت اطرحها لكم ..

الموضوع باختصار اني راح اقول كلمه والكلمه هذي راح ابتدي فيها شطر بيت واكملها حتى تجي بيتين واذا خلصت اجيب كلمه ثانيه واللي يدخل بعدي يجيب بيتين تكون بدايتها اللي الكلمه اللي انا اخترتها واذا خلص يترك كلمه للعضو اللي بعده عشان يبتدي فيها .... اتوقع انه راح يكون فيها تفاعل وحماس وتحدي ..

البدايه عندي وراح ابدأ بكلمة ( أمسيت ) مثلاً

أمسيت دمع العين عقبك مذاريف *** والحال من عقبك عليه التماســي
عزاي يا زين الغنادير بالكيــــــــف *** لا سلهمت عيني وجاها النعاسي

ارجو اني وفقت في طرح الفكره وتوضيحها ..

تقبلو تحياتي وطرحي ....

الكلمه للعضو اللي بعدي هي ( يا صاحبي )

[الطائر المهاجر]

فكره جيده
خاصة وانها لم تشترط السير بنفس القافيه او البحر
ولكن اعتقد لو اشترطت استخدام كلمة وردت في البيتين يمكن يصير افضل

ياصاحبي وشلون جيت الفطاحل=قل لي عن اللي قال تاتي إلى العود
حنا لفينا من جميع السواحل = وبكل القبايل بيتنا اليوم مشدود

اللي بعدي الكلمة المختاره :
الفطاحل

[كاسب نفسي]

طيب يا دكتور وين البيتين اللي كتبتها انت انا تاركلك كلمه شكلك ما قريتها هههه

[الطائر المهاجر]

طيب جبت الكلمه (ياصاحبي) في بداية البيت الأول ، ما يكفي

[كاسب نفسي]

الفطاحل مزبن ابيات كــل الشـــواعير *** يا عسى من طور الموقع يحقـق منــــاه
فيه من كل الفطاحل رجال(ن) مناعير *** كل رجل(ن) فيهم الشعر من ربي هبـاه

الكلمه للي بعدي ( الطير ) ..

[الطائر المهاجر]

الطير عودٍ طايحاتٍ سنونه = منتوف ريشه مالقى من يداويه
لا جا ولد ماجد بدع في فنونه=ولا راح جاه النجم يعلن تحديه

اللي بعدي:
اختر كلمه من البيتين السابقين وابدا بها

[الطامي]

ولنا مشاركه
وموضوع يثير الحماس ياكاسب
شكرا لك مقدماً

النجم غاب وبان نور الصباحي = والقلب به شوق على من تحراه
لعل من سبب غيابه الملاحي = هم ومرض ويقال ياعُظم بلواااه

اللي بعدي اختر من البيتين كلمه ابدأ بها

[نجم الإبداع]

فكره جيده ياعبد المجيد

صح لسانك ولسان الطائر والطامي

سلام ياكاسب وفكره جميله=وانا مؤيد فكرتك يابن الاجواد
يامرحبا والطير مافيه حيله =دايم يذكرنا برحله والازواد

اختار للي بعدي كلمة

(بقيت)

[داعي الشوق]

يا مرحبا و اهلين باللي تحدى = يا كاسبن نفسه على بدع قيفان
على العشا نعزمك والا تغدى = اختار منها و انت وافي و بطران

( اللي بعدي يختار ما طاب له .. و صح لسانه )

[طوفـــان]

قيفان شعري ماتعنّيها الأيام=تبقى شبابٍ لا عسرها المشيبي
حتى هجوسي فاقده من قبل عام=لحظة دعيته جاك يقدح لهيبي

اللي بعدي

اختر مايحلوا لك

،،،