ابنصحك ..

[عبدالعزيز ابراهيم المنصور]

بسم الله الرحمن الرحيم

ابنصحك ياللي مع الناس طايب= لاتغرك البسمات في وجيه الانذال
البعض يبدي الطيب ولو كان خايب= لكن بعد وقت ٍ يبين ولو طال
كذبه وتقصيره الا صرت غايب=حقده وترديده على قيل ٍ وقال
قلوا هل المعروف وكثرو الزلايب=ناس ٍ بها نمام وخاين ومحتال
لاطبت مع ربع ٍ تبيهم حبايب= ولاقدروا فعلك ولاقدر مثقال
احسن تجافي اللي من الناس عايب= وادور اللي للحلاحيل حلال
اللي يفرق بين مخطي وصايب=اللي مجنب كل تايه ومختال
رجال ٍ اخوتها في وقت النوايب= تسد اللزوم وتستحق اسم رجال
لاشك فالدنيا نشوف العجايب=وكل ٍ يصادف في حياته من اهوال
احد ٍ شكى من جور ناس ٍ قرايب=واحد ٍ شكى من سبة الحظ لامال
وانا اشتكي والقلب في الجوف ذايب=سبة هموم ٍ نازله مثل همال
ولا شكيت الا لكثر السبايب= اللي تخلي كامل العقل يهتال

شكرا لإمتاعنا بإبداعك
لاهنت
تحياتي

[سالم المغيلث]

احد ٍ شكى من جور ناس ٍ قرايـب

واحد ٍ شكى من سبة الحـظ لامـال

صح لساااانك يالعزوه ولاهنت يالغالي

تحيااااتي

[عبدالعزيز العمار]

صح لسانك يابوابراهيم وجاد بيانك

قصيدة طيبه وجزله وأكثر من رائعه

تقبل مروري وخالص تحياتي

[زهرة اللوتس]

صح لسانك وفكرك
لاهنت
تحية طيبه

[الـزلـزال]

عبدالعزيز المنصور

نص رائع وجميل

من شاعر رائع ومتميز في كل حالاته

ابدعت وأمتعت شاعرنا رعاك الله

دمت ودام حرفك

صح لسانك ملايين ملايين

ولك فائق تحياتي وتقديري

[محمد بن عمار]

ابن منصووووووووور
صح لسانك وجاد بيانك
لاهنت ولاهان غاليك

[داعي الشوق]

صح لسااااااااااااااااااانك يا عبدالعزيز المنصور

نصيحة طيبة و غاليه ،،

تقبل مروري السريع ،

ولاهنت

************

[حي الضمير]

صح لسانك مدد
على هذه الابيات الجزلة .
لا عدمناك يا مميز

[هترل]

صح لسانك اخوي عبدالعزيز
ابيات جميله وحضور مميز لاهنت

تحياتي وتقديري