بنت تقيم علاقة مع اب وابنه!!!

[الغريب]

بسم الله الرحمن الرحيم

بدخل في الموضوع بدون ديباجه او مقدمات وكل اللي ابيه منكم الصبر وتقرون اللي بكتبه للاخر وتساعدوني في حل لو تكرمتم

لأول مره أجد نفسي عاجز عن الكلام وما اقدر ابدي رأي لو مجرد رأي بعيد كل البعد عن القضية أو إن أجد حل حتى لو الحل ينكب راعيه ويودية في خبر كانا

اتصل فيني احد الاصدقاء وقالي ابي اتقهو عندك بعد المغرب وابيك في موضوع شخصي وكبير ،،،،، انا من الناس اللي يحبون يعرفون لو راس الموضوع احسن من اني اتعلق رحت صليت وشكل صلاة المغرب ماهي مقبوله بصراحه سرحت وكل ما ابي ارجع اسرح وش يبي وش السالفة المهم

جاء وتقهوينا وتبادلنا الحديث الصدمة
باختصار قالي اليوم صار موقف مع ولدي الكبير اللي يبلغ من العمر 19 سنة قلت له خير وش صار قالي بصراحه ولدي خش على كمبيوتري وطلع الفضايح والمستخبي انا على طول طرت وقلت له شاف صور او مقاطع اباحية
قال لا قلت طيب وش ها البلاوي اللي شافها قال ولدي لقط ايميل احد المضيافات عندي في الماسنجر وكلمها وقالها انا فلان ولد فلان في نفس اللحظة البنت كانت مع الابو على الماسنجر وهي اللي قالت له لحظة فيه احد طلب استضافتي يقول سئلها وش يبي قالت مرسل رسالة يقول يبيني في موضوع ضروري للغاية واثناء الكلام قالت لابو الولد اللي استضفته ولدك الابو ما صدق قالها الولد نايم يقول انا مريت عليه ولقيته نايم قالت اقولك يقول اسمه كذا قالها لحظة يقول انه طلع لقى الولد صاحي وشاف جواله منور سكت الابو ونزل يكلم البنت قاله اسأليه هو من وين يكلمك قالت يقول انه من الجوال وصارت البنت تقوله كل شي عنهم وعن أشياء في البيت الرجال انصدم يقولي انه بيطرد ولده من البيت لانه اقتحم خصوصيته وفتش في اشياء ما تخصه

قلت له صحيح انه مو من حقي ان احاسبك على تصرفاتك او اتدخل في خصوصياتك طيب انت سمحت لنفسك تكلم بنت وانصدمت من ولدك صح قال صح قلت له طيب انت غلطان ولا لا قال انا معترف اني غلطان بس ليش ولدي يفتش في أشيائي وانأ ما عمري فتش أغراضه
قالي ابي أتخلص من الولد باي شكل لانه تعد الخط الاحمر قلت له صلي على النبي انت ليه أضفت البنت يعني تصرف مراهق حلف ايمانات الله انه أضافها على انها رجال وهي تشتغل في شركة خدمة بطاقة الكمبيوتر وكل اللي بينهم انها تساعد في حل مشاكل الجهاز ويقول ماعمره شافها ولايدري من أي ديرة هي اساساً
الرجال محتار وغضبان ف ينفس الوقت من ولده قالي الولد لازم يظهر من البيت باي شكل من الاشكال والا انا بظهر عنهم قلت له اهدا وتجاهل الولد او انك توضح له حقيقة العلاقة اذا انت صادق قال انا ماهمني وش نوع العلاقة انا ابي اعرف وش اللي خلاها يفتش في اغراضي

عاد انا بصراحة ماعرفت أتصرف كل اللي قلت له انتظر لبكرة بحول الله اعطيك الحل ومثلكم خابرين ها المواضيع يبيلها استشارة اكثر من واحد وتجميع الـ أراء والوصول لحل ينقد ها الولد من الطرد ويحفظ ماء الوجه للأب

ممكن تساعدوني جيتكم وكلي ثقة ويقين بحكمتكم ورشدكم

[همس الورد]

عن جد سالفة غريبة

بس احنا نقول في مثل مغربي بحاول اكتبه بالعربي

(من وين داك الغصن من داك الشجرة)

يعني لثنين غلطوا الابن و الاب

لهذا لو الاب شخص زي ما بتقول ما سوى شئ غلط

يمكن يكلم ابنه عادي و يعاقبه اي عقاب

مش يدواي الداء بدواء فاسد هو طرد الولد الى الشارع

تحيتي الغريب قصة كثير لها اهداااااااف

[الأموره]

يخوي لو طرد ابنه

ما سوى شي

غير انه رح يخرب ابنه لو كان صالح

و يسوي مشكله أكبـر

بعدين يعني هو مشكلته ان ولده اتجسس عليه ؟

خليه يكون صريح


هو خجلان من نفسه و من اللي قاعد يسوويه

و جاي الحين يقول بطرد ولده

المفروض لو ان كلامه صح و ان ما بينه و بين هالمرة شي

يفهم ولده هالنقظة اول شي

ثاني شي يفهمه انه مو من حققه يفتش من ورآه

هذا الاب العاقل يسوي كذا

يتفآهم مع ابنااءه

مو يطردهم

و الله لو كذا معناها كل العيال بالشواارع

[الغريب]

المشاركة الأصلية كتبت بواسطة همس الورد

عن جد سالفة غريبة

بس احنا نقول في مثل مغربي بحاول اكتبه بالعربي

(من وين داك الغصن من داك الشجرة)

يعني لثنين غلطوا الابن و الاب

لهذا لو الاب شخص زي ما بتقول ما سوى شئ غلط

يمكن يكلم ابنه عادي و يعاقبه اي عقاب

مش يدواي الداء بدواء فاسد هو طرد الولد الى الشارع

تحيتي الغريب قصة كثير لها اهداااااااف

اشكرك يا زهرة اللوتس

انا قلت له ليش ما تواجه ابنك وتكون المبادرة من عندك

قالي انا لو بادرته ماراح يصدقني وحجتي تكون ضعيفة انا سويت نفسي ما ادري عن شي وان المرأة ما جابت لي سيرة ليش اروح واكلمه لكن اكيد هو بيفتح الموضوع وهاك

الساعة اعرف كيف اسكته والعن خيره عشان مايفتش في اغراضي بعدين اقوله ان ها البنت موظفة في شركة بطاقة وهي تضيف العملاء عشان تساعدهم

قلت له اناابيك تكون هادي شيل من راسك عملية الطرد

الاب يقول انا ماني زعلان ان ولدي شاف بنت مضافه عندي ف يالماسنجر واصلاً مافي غيره في الماسنجر وهذا دليل قوي اني انا ما امشي في ها الامور بس ابي اعرف ليه
يفتش في اشياء ما تعنيه وهو مراهق انا مستعد افتش في اغراضه وانا متاكد اني راح القى بلاوي وفضايح ومع هذا قلت في نفسي انه مراهق راح يتعلم ويشوف ومااقدر اسوي شي

شكرا زهرة

[صنداح الزلامى]

الغباء له دور ولو ما الغباء ماجاء الصح


طيب الرجل اللي معه بنت وعلى علاقه ويميلات

كيف يترك جهازه لمن هب ودب ويلقي اللوم على الولد

انا اقول الرجل اخطاء ويتحمل خطاه ويصالح ابنه لايكشف

لاسرار والله لو الولد يعلم امه ريوح الرجل في خبر كان وتدهور

ويمكن مايجلس بالبيت لكن لي سوال هل الرجل بدوي ام حضري

[داعي الشوق]

بغض النظر عن علاقة المرأة بوالد الإبن

هل هي علاقة عمل وبطاقات مثل ما يقول أو غير ذلك ،،

.. لا يوجد حل لأي مشكلة أخي الغريب إلا بالمواجهة و المصارحه بشفافية و عقلانية هادئة

و إذا كان الأب زعل كثيرا على تدخل إبنه في أمور شخصية تخص الغير ،

فهذا ناتج من تقصير الوالد في تربية إبنة منذ الصغر ، و علية أن يتحمل ما حدث

و أعود للمواجهه و المصارحة ،،

على الوالد مواجهة إبنة و طرح الأمور و توضيحها وبعد ذلك

توضيح أن ما قام به الابن خطأ فادح و غير مقبول و يجب عدم تكراره ،

مع من يكون .

و السلام

[الطامي]

الغريب
الله يعينك ويعينه
واما مني فلاتعليق
شكرا لك

[الغريب]

المشاركة الأصلية كتبت بواسطة الأموره

يخوي لو طرد ابنه

ما سوى شي

غير انه رح يخرب ابنه لو كان صالح

و يسوي مشكله أكبـر

بعدين يعني هو مشكلته ان ولده اتجسس عليه ؟

خليه يكون صريح


هو خجلان من نفسه و من اللي قاعد يسوويه

و جاي الحين يقول بطرد ولده

المفروض لو ان كلامه صح و ان ما بينه و بين هالمرة شي

يفهم ولده هالنقظة اول شي

ثاني شي يفهمه انه مو من حققه يفتش من ورآه

هذا الاب العاقل يسوي كذا

يتفآهم مع ابنااءه

مو يطردهم

و الله لو كذا معناها كل العيال بالشواارع

اموره بدون زعل انا تفق معك الطرد ماهو علاج ولا حل بالعكس راح يازم الموقف ويفتح ابواب مقفله

بالفعل انا قلت له ابدءا وافتح الموضوع مع ولدك اليوم الصباح قالي ان الموظفة حلفته بالله لايقول شي للولد وهي بتوضح الامور للولد وانها على كلامه هي متزوجه وام عيال

الرجال حلف ايمانات الله مابينه وبين المرا اي شي ويقول اصلاص مافي غيرها عندي ف يالماسنجر مخلوق بس المشكله انها كاتبه اسم انثوي

يقول انا ابي اعرف ليه فتش في اغراضي هذا اهم شي عندي

قلت له طيب لو زوجتك وصلها علم بخلافك مع ولدك وش بتقول قال وربي لا اجيب الكمبيوتر واخليها تكلمها على انه انا وتشوف بنفسها لغة الحوار هل هي لغة ماجنة وخليعه او انها لغة استفسارات وبس

قلت له ارجوك اصبر وصدقني ولدك مراهق ومنصدم اكيد انه كان ينظر لك انك مثال للاخلاق وحس انك متناقض عشان كذا انصدم لكن لو ولدك وعى عليك وشافك راعي سفرات وتمشي مع مومسات راح ينظر للموضوع عادي لانه شايفك بهذي الصورة

المهم وعدته اني امره اليوم ونتجاذب اطراف الحديث

اموره انا ممنون لشخصك الكريم على الحضور والتفاعل اشكرك من الاعماق العميقة

[همس الورد]

المشاركة الأصلية كتبت بواسطة الغريب

اشكرك يا زهرة اللوتس

انا قلت له ليش ما تواجه ابنك وتكون المبادرة من عندك

قالي انا لو بادرته ماراح يصدقني وحجتي تكون ضعيفة انا سويت نفسي ما ادري عن شي وان المرأة ما جابت لي سيرة ليش اروح واكلمه لكن اكيد هو بيفتح الموضوع وهاك

الساعة اعرف كيف اسكته والعن خيره عشان مايفتش في اغراضي بعدين اقوله ان ها البنت موظفة في شركة بطاقة وهي تضيف العملاء عشان تساعدهم

قلت له اناابيك تكون هادي شيل من راسك عملية الطرد

الاب يقول انا ماني زعلان ان ولدي شاف بنت مضافه عندي ف يالماسنجر واصلاً مافي غيره في الماسنجر وهذا دليل قوي اني انا ما امشي في ها الامور بس ابي اعرف ليه
يفتش في اشياء ما تعنيه وهو مراهق انا مستعد افتش في اغراضه وانا متاكد اني راح القى بلاوي وفضايح ومع هذا قلت في نفسي انه مراهق راح يتعلم ويشوف ومااقدر اسوي شي

شكرا زهرة

اخي الغريب المعدرة هذا ردي انا همس الورد مو زهرة

لازم تركز في ردودك على الاشخاص الي يردون عليك و هذه ثاني مرة تغلط نفس الغلط

الشكر لك اهي الفاضل

[الغريب]

المشاركة الأصلية كتبت بواسطة صنداح الزلامي

الغباء له دور ولو ما الغباء ماجاء الصح


طيب الرجل اللي معه بنت وعلى علاقه ويميلات

كيف يترك جهازه لمن هب ودب ويلقي اللوم على الولد

انا اقول الرجل اخطاء ويتحمل خطاه ويصالح ابنه لايكشف

لاسرار والله لو الولد يعلم امه ريوح الرجل في خبر كان وتدهور

ويمكن مايجلس بالبيت لكن لي سوال هل الرجل بدوي ام حضري

انا طرحت عليه السؤال قلت له انت غلطان ليه فاتح جهازك

قال يامسلم ولده طلع راعي برامج وهكر فتح اشياء محذوفه من زمان يعني شغل تجسس صريح

انا ركزت ان الام مايوصله خبر بغض النظر عن العلاقة بين الاب والبنت لان الحريم مايفهمون ولا يتفاهمون في اي موضوع فيه بنت والله لو هي ممرضة درجة اولي

الرجال بدوي ياصنداح ومن روس العرب


اشكرك على الحضور وعلى المشاركة لاهنت ياشيخ الرجاجيل

بس عندي سؤال وش المشكلة اذا هو بدوي ولا حضري؟