طبعــي والقصيــــد ... لقلوبكم النقيـــــة أيها الفطاحله ..!!!

[احمدابوانور]

هي من القصائد العزيزة والغاليةعلى نفسـي ..لما لهذا الوطن من مكانه عظيمة لدينا ...

أترككم معها وآمل ن تقبلوها كما هي ...!!!

((طبعي والقصـيــــــد))

ما تخاذلنا بعاداتٍ تسيد = لا ولا حتى تهاونا أبد
وأنت يااللي تنشد وتبغى افيد = خذ إفادة لك مع منهو نشد
عني وحالي وطبعي والقصيد = وعن بلادي كيف هيّ من بلد
الوطن له حق هذا شي أكيد = هو علينا فرض واجب ياولد
في غرامه صغت انا احلى النشيد = وفي ربوعة طاب كيفي والسعد
حيث عشقه بي ما ينقص يزيد = بيني وبينه وثيقه مع عهد
ساكنً حبه معي وسط الوريد = لين تاخذني المنايا للحد
هي بلادي وعزها شامخ مجيد = فوق مع ذيك السحايب والرعد
في قيادة حر ضرغامً عنيد = ابومتعب اللي فيها مستعد
للوطن وبكل ماعنده يجيد = كثر الله خيره اللي مجتهد
صاحب لحكمه مع رايً سديد = وصاحب لقلبً رحوم وما حقد
للكبير وللصغير وللوليد = دايم تشوفه معاهم هو سند
والعضيد أليا عتزينا به عضيد = ابو خالد اللي عنه ما أبتعد
ماهو مقصر جعل عمره مديد = هو معانا دوم وافي للأبد
بالأمان نعيش عيشة كل سعيد = وبالأمن نفخر بقيادة اسد
ذاك نايف قادها حربً تبيد = ضد منهو عاث فيها أو فسد
محتمين بعزهم من كل بعيد = ومنعمين بخير ولا فيها نكد
وكل يوم نعيش في صرح ًجديد = من مشاريعً عظيمة للبلد
وقبل لختم خذ مني هالمفيد = شرعنا القران والسنه سدد
ولا رضينا غيرها بحكمً يسيد = وكلمة التوحيد للرايه تشد
وبالصلاة اختم كلامي والقصيد = للنبي اللي دعاالله احد

وسلامتكم جميعاً أيها الأحبة ..

مودتي لكم

أح ـــمـــــــــد الـ ع ــــــــنزي

[الطائر المهاجر]

صح لسانك وبيض الله وجهك يابو انوار
الجزالة والقوة في قصيدة وطنية من ضمير مفعم بحب الوطن
كم يتشرف الوطن بأمثالك من المخلصين
شكرا على اتحافنا بهذه الدرة
لاهان راسك يالغالي
مع أطيب تحياتي

[الخنساء]

صح لسانك اخي الشاعر ابو انوار

لاهان راسك قصيدة رائعة

سلمت وسلم شعرك

[ابومياس]

ابوو انور ياصباح الخير

ياصباح الشعر

قصيدة للوطن ووما اجمل الوطن

صح لسانك ودام حرفك

دمت بخير وعافية

[منيع]

ابيات وطنيه رائعه
شكرا لهذا الحس الوطني الصادق
تحياتي

[عيد مشعل]

صح لسانك

وعلى شانك

قصيده جزله من شاعر جزل

دمت بكل الود

تحياتي وتقديري

[ماجد المهدي]

ابو انور

عز الله انها في غاية الجمال

صح لسانك وجميل التغني بالوطن وربي شوقتني للأهل والوطن يا القرم

لا هنت

تحياتي لك

ماجد المهدي

[نمرالعوين العتيبي]

ابو انووور


الله يمسيك بالخييير والسعااده ويسلم رااااااااسك على هالرااااااايعه
صح قلبك ولساانك وفكرك من رااااااااااااااااااااااااااااا ااقي والله راااقي
والوطن غاااالي ويستااهل اكثر والله يجعلك على القووووووه

اخوك نمر العتيبي

[طلال سويعد]

مـا تخاذلنـا بعـاداتٍ تسـيـد
لا ولا حتـى تهـاونـا أبــد
وأنت يااللي تنشد وتبغـى افيـد
خذ إفادة لك مـع منهـو نشـد

نعم هذا هو احساس المواطن
بل هي اصدق المشاعر
من قلب شاعر

يسطرها الرائع
احمد ابو انور
بالحب الخاص
لحبه الاول
الوطن

صح لسانك
ياحمد
مدد بلا عدد
على هذه
المتميزه

دمت على الابداع

[كريمة محمد]

رااااائع ما ابدعت اخوى
احمد
قصيدو جزلة من راس جزل
تسلم لنا اناملك يالغالى
ودمت ولا هنت
اختك فى الله كريمة