قصيدة الذكريات

[سعيد عوده الحويطي]

الاخوة اعضاء ومشرفين وزوار منتدى الفطاحلة الكرام
السلام عليكم ورحمة الله وبركاته وبعد
يسعدني ويشرفني ان اشارك معكم بهذه القصيدة
وهذه الأبيات وجهتها إلى صديقي العزيز الشاعر / مسلم العميري ، وأرجوا أن تحوز على رضاكم

يامسلم صار في قلبي حنيني=حن قلبي للسنين الماضياتي
حن قلبي للبداوه والضعيني= ودق في قلبي ناقوس الذكرياتي
شاقني شوف المزون اللى تبيني= كنهن روس الهضاب الشامخاتي
تسوقهن ريح الجنوب لهن رطيني= مرعدات مبرقات ممطراتي
شوفهن ذكر قديمات السنيني= وذكر ايام علينا غالياتي
ومر كل اللى مضى قدام عيني = كنهن قدام عيني مصوراتي
اتذكر يوم حنا راحليني= والرحايل بالحمول محملاتي
والرعايا للضعون مبارييني= مع طلوع الشمس كلهن راحلاتي
يوم كان البدو دايم ناجعيني= يتبعون الغيث في كل الجهاتي
وين ماحل الحيا له تابعيني= عشقهم شوف الديار مربعاتي
واتذكر يوم حنا نازليني= بيوتنا وسط الربيع مبنياتي
زين منظرهن وهن متجاوريني= وابوابهن للضيف دوم مشرعاتي
واتذكر يوم حنا مصبحيني= موقدين النار من بعد الصلاتي
شق بيت للهشيم مراكبيني= نارهن تدفيك عن لبس العباتي
مع دلال للنشاما جاهزيني= دلال كيف للنشاما مبهراتي
واتذكر يوم حنا سارحيني= والرعايا حولنا متفرقاتي
وكل هموم الناس عنها مبعديني= همنا في شياهنا اللي مرتعاتي
واليوم حنا في المدينه ساكنيني= في بيوتا بالابواب مقفلاتي
مقيلنا عن الشمس في ظل سميني= وعن السموم النوم تحت مكيفاتي
وحريمنا في بيوتنا متريحيني= وكل شغل البيت عند الخادماتي
وقهوتنا والشاي في ثلاجتيني= وكلهن عند العذارى مسوياتي
واطفالنا عالبلاي ستيشن ساهريني= والا سبايس تون والا مسلسلاتي
و اكلهم من البوفيه مشتريني= ساندويش وقمبري والملحقاتي
يامسلم لوني بيحت الكنيني= مايكفيني ثلاث مجلداتي
لكن كلمة حق للي منصفيني= اقولها بالصدق ماهي مجاملاتي
اقل شي من الحضاره كاسبيني= مكسب التعليم لعيال وبناتي
ويامسلم باللي قلته مكتفيني= وكتبت لك بايجاز اجمل ذكرياتي
وختامها صلوا معي ياسامعيني= على النبي المبعوث لكل الكايناتي

[عبدالعزيز العمار]

الشاعر سعيد الحويطي

صح لسانك وجاد بيانك ..

كتبت فأبدعت وأجزلت ..

تحياتي وتقديري ..

[عمر ال شيبي]

عليه افضل الصلاة والسلام


صدقت وصح لسانك

الله عليك ما اجملك


ما كسبنا من الحضاره غير تعليم العيال

وصح لسانك قصيده طيبه
وانتظر بشوق رد خويك مسلم

[داعي الشوق]

الله الله يا بو عودة

صح لسانك مليووووووووون

قصيدة جزلة من شاعر جزل و مبدع

ويستاهل مسلم ولا راح يقصر

وصح لسانك مع التحية لك

************

[سناعيس]

صح لسانك ياسعيد
وبيض الله وجهك

تحياتي

[همس الورد]

صح لسااااانك اخي سعيد

و صح بدنك

بووووح رائع

تحيتي

[عبدالله مذكر العقيلي]

صح لسانك

وعلا شانك

والله لايهينك

تحيتي

[نافع بن محمد البويت]

لاهنت ياسعيد

نثرت درر وجزالة

ممتعة دام حرفك

وفكرك

[عبدالعزيز البليهد]

اللهم صلي على محمد

الله المستعان تغيرنا وصار الماضي الجميل ذكرى صغتها بكل تفاصيلها بجزاله

صح لسانك ولاهنت

[علي سعود العازمي]

عليه الصلاة والسلام

صح السانك ياسعيد لاهنت

عندي سؤؤؤال طال عمرك

القصيده على اي بحر من بحور الشعر

لاتواخذني تجهلني بعض البحور

دمت بخير