انا خوي اللي يحب التواهيق

[منيع]

من الارشيق القديم جدا امل قبولها

جون السحاب اللي ترادف تلاحيق=عيني ياعبدالله تخايل امزونه
عله على الاصفر الى نايف اطويق=تسعين ليله والعرب يسمعونه
من بعدها يلحق عناالنفس تشويق=والفلب يبعد عنه زايد اشطونه
ودي مع صحبة اعيال مطاليق= يم الحماد اللي يعرفة زبونه
لي مع مصاليع القفار الشواهيق=وجد سكن مابين جفني ونونه
احبهامن دون وصف وتعليق=وخوي عنده علم نفسي فتونه
لوكان حاصل بيننااليوم تفريق=القلب باقي في هواه وجنونه
عبدالله عطني علم حامض على الريق=عن مامضى ومقبل وماتعرفونه
قل لي يابوالهمه تحوم الغرانيق=والجن وبوراس الحمر وين كونه
وعن ازرق الجنحان ياخوك تحقيق=عل وعسى هجسي اصدق ظنونه
وان قدر الرحمن لي بالتوافيق=انارفيق الصيدوعرف فنونه
اناخوي اللي يحب التواهيق=ولاابتلش ماهويكشراسنونه
قدره وطاقه بين حدب المعاليق=الله عطانيهاولابهامهونه
ذاقول من يهرج بلياتلافيق=وعنده على الضيقات عزم ومرونه
بعض العرب لوقال في القول تبريق=ولاالبعض يكفيك نظرة اعيونه
عبدالله لك خطيت معناي توثيق=اني على عهد مضى مااخونه
وطير الهدد لوهو ربيط السوابيق= له هدة تدمي وتشفي شجونه

[على قدي]

صح لسانك

يامنيع




و صح لسانك

[عدنان كريزم]

ابو حمد


صح لسانك

ولا هنت ع الجزله يالغالي

[نجم الإبداع]

ارحب يامنيع

وصح الله لسانك على المصافحه الوافيه

ونعم بك وبعبدالله

لاهنت

تقبل مروري

وتقديري

[عمر ال شيبي]

التواهيق

الله عليك صح لسانك

قويه وللصيد دعوات

[الطائر المهاجر]

سلمت
وصح لسانك وفكرك
ولا هنت
تحياتي

[حي الضمير]

صح لسانك شاعرنا الرائع منيع
قصيده جزله وابدعت بارك الله فيك
أجزل التحايا والاحترام

[الطامي]

منيع
رائعة يابو حمد
والنعم فيك قول وفعل على الوجه الأبيض
صح السانك اخي
شكرا لك

[داعي الشوق]

الله الله

صح لسانك يا بو حمد

تصوير جميل و معاني جميلة

لله دررررررك يا منيع

و صح لسانك مع التقدير لك

،،،،،،،،،،،،،،،،

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^