قصيدة خالد الفيصل الأمارة

[داعي الشوق]

https://a.top4top.io/m_2106xaxc51.mp4

نظم أمير منطقة مكة المكرمة الأمير خالد الفيصل ‏قصيدة وطنية جديدة.

قال فيها:

الإمــــاره

شرّفنـــي الله بالعمل في الإمـــاره

إمــارةٍ تخــدم جميــــع المسلْمـــين

العز فيهـــا والشــرف والحــضــاره

والمرجله في خدمة الــدار والـدين

ماهيــــــب تقلـــيدٍ ولا مُــسْتــــعاره

ما مثْلـــها إلّا بيـن نخلـه وسيفــين

أسّـــسْ لهــا عبـدالعزيز الصـــداره

وبرايــةٍ ما ترتـــخـي للســـلاطـــين

لا واهنــــيْ مـــن دارانــا مثــل داره

ما مثلـــها قريـــب والّا بعيـــديـــن

البعـــض لَى ســافـر يــدوّر سفـاره

وانا إذا سافــرت ساهـرني البـــين

يامغـــنّي أبْيـــاتي تــراهــا عبـــاره

عمّا يدور بخاطري أمـس والحين

-----------

[داعي الشوق]

المعنى في الشطر هذا مو جايز لي ..

لا واهنــــيْ مـــن دارانــا مثــل داره


.. عندي انه معكوس
احد يشرحه لي ؟

[الطائر المهاجر]

هههههههههه
منتب سهل
بالفعل هو اراد القول لا وهني من داره مثل دارنا
شكرا لك
وصح لسانه

[منيع]

ملاحظة في محلها
ويادكتور لو كتبها مثل ماقلت تختلف القافية هو باني على ا ر ه
شكرا لكما
تحياتي

[الطائر المهاجر]

لا واهنــــيْ مـــن دارانــا مثــل داره
ممكن يقول
الا واهني كل سعودي بداره

[منيع]

وممكن
لاواهني من دارناهي مزاره

[منيع]

الظاهر المعنى صحححححححح وانتم غلط الامير يقصد ان من دخل السعودية يتعتبرها مثل داره يعني بيته الثاني والله اعلم

[الطائر المهاجر]

صارت مزار شريف
عموما ما علينا منه هو ابخص

[الطائر المهاجر]

لا واهنــــيْ مـــن دارانــا مثــل داره
ممكن
الا واهني من دارنا هي دياره

الا واهني من زارنا من دياره

[داعي الشوق]

المشاركة الأصلية كتبت بواسطة منيع

ملاحظة في محلها
ويادكتور لو كتبها مثل ماقلت تختلف القافية هو باني على ا ر ه
شكرا لكما
تحياتي

اترك القافيه على جنب يابوحمد .. انا اختلافي في المعنى لاهنت
واللي قاله ابو عبدالله هو اللي انا اقصده بالضبط