محاذيف الزمن تجني بساتينـي بليّـا شـور

[عبدالله بن عسكر]

انا من عاش بين الهم وجروح اليالـي سـور=اداري الهم خوف الجرح يلقـي داميـه حجّـه
انا لهفه انا ونه وسط قبر الثـري المهجـور=تباري في سموم الغيض نـود ٍطيفهـا عجّـه
سنينٍ يابعد راسي ابـادل شوكهـم بزهـورو=انوخ بالحشا صرخه سقيمـه مالهـا ضجّـه
محاذيف الزمن تجني بساتينـي بليّـا شـور=تغربل واحة الذكري سجين ساعتـه حرجّـه
عيوني كل ماحنّت تهـاوي رمشهـا المنثـور=يداعب فوق وجناتي عبايـر خـوف مرتجـه
تشوف الشوق من حولي شحيحٍ بابتسامة زور=الا يانعمة النسيـان قفّـي بـه معـا فجّـه
سلامي في مراسيلي الي قلبك شذي وزهور=سلامٍ شوّق القمـري وبـرق ياحـلا هرجّـه
نظمت الرد مدري سد والا صاحبـه مطيـور=رسم لبراج في ليلٍ تلاشـي واختفـي برجّـه

[الامير]

الشاعر عبدالله اليامي/
صح لسانك ابيات جميلة

[سناعيس]

الشاعر الرائع عبدالله اليامي
صح لسانك على هذه التحفة والدرة النادرة
سجل اعجابي بحرفك أيها الشاعر الجزل
لله درك ياولد يام وبيض الله وجهك

تحياتي

[يوسف الشقران]

ياسلام عليك ياليامي

امتعتني يالشاعر


جزاله وابداع


تحيتي والف صح لسانك

[ابومياس]

الاخ الكريم عبدالله اليامي

قصيدة جزلة من جزل

تحمل لنا الابداع

صح لسانك ودام حرفك

دمت بخير

[عبدالرحمن الصباح]

شاعرنا القدير المبدع عبد الله اليامي صح السانك وعلا شانك

[الطائر المهاجر]

صح لسانك
ولا هان راسك
على هالجزلة من راس جزل
دمت بخير
تحياتي

صح لسانك
ولا هان راسك
شاعرنا القدير عبد الله اليامي

[عبدالعزيز العقيدي]

الله الله عليك يا عبدالله اليامي
تسلم على هذه الفاخرة
تحياتي لك

[مبروك بن ماضي]

اخوي المبدع :
الشاعر /عبدالله اليامي
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي