اليتيم في العيد

[نافع بن محمد البويت]

لوحة تلم الناس( ف)لعيد باصحاب = شايب يقبل راسه ابنه بتقدير
وامَ تجمَع حولها كل الاحباب = في صدرها فرحة تفوق التصاوير
واطغال ماتدري عن اهموم واتعاب = قمة براءه في عيون العصافير
تاخذ هداياها وتلهى بالالعاب = فوضى مرح وقلوب ماتكره الغير
شفت الينيم اللي توارى ورا الباب = زاره خيال امه وخانه بتقصير
زحمة فرح (ف) لعيدوالدمع ينساب = لوقال يمَه توصل الحلق وتحير
طفل(ن) فقد صدر الدفا والغلا غاب = كنَه عليل(ن) ماتفيده عقاقير
غربة حنان وعاشها بين الاقراب = واحيان يفقد مسحة الراس من غير
كفَ العطا لو لامس الهمَ ما طاب = جرح اليتامى مانفع فيه تخدير

[همس الورد]

صح لسااااااانك مليون

وصح بدنك

بووووووووووح رائع

تحيتي و تقديري

[نافع بن محمد البويت]

همس الورد اشكرك على مرورك وصح بدنك

[الطامي]

البويت
صح السانك ملايين
جزلة وهادفه لافض فوك اخي
شكرا لك

[منيع]

رائعه ومعبره
بارك الله فيكم
تحياتي لكم

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[نافع بن محمد البويت]

الشاعر الطامي اشكرك على مرورك الذي سرني كثيرا لاهنت

[نافع بن محمد البويت]

الشاعر منيع
اشكرك على مرورك وتسلم يالغالي

[نافع بن محمد البويت]

الطائر المهاجر
كل التقدير والا حترام رعاك الله
تقبل تحياتي

[داعي الشوق]

صح لسانك يالشاعر نافع

أبيات معانيها جميلها

كـ حضورك دائما

( ولو أن الابن هو من يقبل راس الشايب )

لاهنت

مع التقدير لك يالغالي

،،،،،،،،،،،