ياهل المنتدى ...

[حمود جارالله المزيني]

ياهل المنتدى ناموا لعلـّي أنام = كل ماشفتكم واعين جـدّ السهر
ليلةٍ ماجرت لي هاج فيها الغرام = والله انّه بليله بس يكفي شهر
جاني العلم من بعد العـِـشا ثم هام = قلبي وصرت مثل اللّي يصارع بحر
قالوا انـّه يبي ينشاف بدر التمام = قلت واويل عيني كيف تقدر نظر
قال مرسولهم : يلقي عليك السلام = جيـّته بعـْـد يوم وسهـْـرته للفجر
قلت : وشلون .. قالوا : خذ وكاد الكلام = كل دنياك تجري فوق كف القدر
قلت : انا بي جروحٍ واصله للعظام = كان ريحانهم ذعذع لحقني خطر
قالوا : انت بخطر من يوم وصفك غلام = كيف خفت المنايا يوم حان الكبر
قلت : ويش الذي جابه ووين المقام = قالوا : انه يبي يرقص بهاك القصر
ثم رابت عظامي مثل من فيه زام = سم دابٍ بنيبانه لدغـْه وفغـر
قلت : ياليتكم عنـّي كميتوا حرام = كيف تكوون قلبي لين ولـّع جمر
قالوا : انت الموصـّي كل عام وعام = لو كمينا تلوم ومايفيدك عذر
قلت : هم يذكروني ؟ قال لي : ياسلام = مثلك ايضا يوصـّي عنـْك يطلب ذكـِر
قلت : راحت سنيني مع سنينه احطام = كان عديتها عشرين ماهن عشر
قال : عطنا القصيد صويحبك له مرام = قلت : مافيه شي .. وقال : لو هي سطر
آه واويل حالي طير بلواي حام = هـدّ له هـدّةٍ خلت قليبي نثـر
احسب ان الهوى لاطال يرجع رمام = لكن الغصن لو يـيبس يعـّود خضر
ويش اسويّ ونار الشوق تضرم ضرام = شبّ كل الحشا من حيرتي واستعر
حيلتي قافٍ اهوج مالنظمه نظام = لاتلومون قافي كان صابه كسر
آتنهد وهذي حال من هو يضام = تقصـِـر اليدّ منـّه مع قصور البصر
والحكايه قديمه له بقلبي وشام = الصبا والصبايا ( حب ) باول عمر
يوم بعـْـض العذارى مرةٍ له لثام = واكثر الوقت تبلج بالنحـر والثغر
حب عذري نحسبه مع مرور الكرام = مرنا .. مادرينا انه ترك له أثر
أي اثر ؟ والله انه حط مثل الختام = بالضماير نقشها مثل نقش الحجر
راح ليل ( المزيني ) لين شق الظلام = مايحسـّب لطول الليل كاتب شعر
مايسوغ السكات ولايطيب المنام = المطيه قوافي والفيافي سهر

[زهرة اللوتس]

سلمت وصح لسانك
الشاعر
حمود جار لله المزيني
جزلة من شاعر جزل
لا فض فوك ولله درك
في انتظار جديدك
تقبل تحياتي

زهرة

[داعي الشوق]

الله الله

يالشاعر حمود

صح لسانك يالرائع

إبداع جميل

و خيال رائع

في الوصف و التعبير

شاعر كبير و مميز دائما

صح لسانك مدد بلا عدد

مع التحية لك و التقدير

[همس الورد]

صح لسااااانك مليووووووون

و صح بدنك

بووح رائع

يسلمووووووا

[حمود جارالله المزيني]

المشاركة الأصلية كتبت بواسطة زهرة اللوتس

سلمت وصح لسانك
الشاعر
حمود جار لله المزيني
جزلة من شاعر جزل
لا فض فوك ولله درك
في انتظار جديدك
تقبل تحياتي

زهرة

زهرة اللوتس
شكرا ..
حفظك الله أختي الكريمة

[الـزلـزال]

حب عذري نحسبه مع مـرور الكـرام=مرنا .. مادرينـا انـه تـرك لـه أثـر
أي اثر ؟ والله انه حـط مثـل الختـام=بالضماير نقشها مثـل نقـش الحجـر

حمود المزيني
بوح في قمة الجمال والروعه والجزاله
من شاعر عودنا على تقديم كل مايليق
مبدع شاعرنا وممتع
طاب لي المقام بين حروفك المميزه
رعاك الله وأسعدك
صح لسانك ملايين ملايين
ولك فائق تحياتي وتقديري

[مشعل الشايقي]

لاهنت يالمزيني


صح لسانك مدد بلا عدد


على هذه الرائعه المميزه



تقبل حضوري المتواضع واعجابي




مع خالص التحية والتقدير

[سعيد الصاعدي]

الاخ الفاضل / حمود جارالله المزيني
صح لسانك لاهنت
نص شعري رائع
من شاعر جزل
تسلم ويسلم فكرك يالغالي
تحياتي
أخــــوك
س / ص

[حمود جارالله المزيني]

الأخ الشاعر / سعود العتيبي
مشكور وماقصرت .. ولك خالص شكري

[الطائر المهاجر]

قلبك اللي رهيف وما ضبطته تمام= ماتعرف ان المحبه من بلاوي البشر
ركده بالحديث وقول سيد الأنام= وابتعد عن دروبٍ كل ابوها خطر

صح لسانك
ولاهنت
تحياتي