الدكتور مطلوب الليله - اقلط لو سمحت

[نجم الإبداع]

الذيب يعوى وللنمر المرقط زئير = والصيد معدوم في ناوان والا الجبوب
حتى المطر قل والدنياء سماها تنير= مابه سحابه تفيينا وصحراء جدوب

[الطائر المهاجر]

شايف تشاؤمك زايد لو شربت العصير = يمكن تروق وتهدأ من صوال اللهوب
الرزق مضمون من عند العلي القدير = يطردك حتى يصل لك قبل وقت الغروب

[نجم الإبداع]

اقول ياعود صار الوقت هذا عسير = تقول كب التشاؤم واتبع اهل الهروب
هذي حقيقه وبين الناس زاد الصرير= والحمد للوالي ولامسنا من لغوب

[الطائر المهاجر]

خلك من الناس فيهم عادي او ضرير = ودام ما مسك لغوب فليش صوتك نحوب
اثبت يامال الغنيمه لا تطري الكسير= كل زمانه موكّف بالمطر والهبوب

[نجم الإبداع]

ياصاحبي جف جدولنا وجف الغدير= في عصر رايس تصحر سهلنا والحدوب
ماعاد نعرف شهيق النفس والا الزفير=الحق مقلوب باطل والمعاني تذوب