مساجله عبر رسائل الجوال بين عبيد وبنت ال

[عبيد دعيع القلادي]

السلام عليكم ورحمة الله وبركاته
اعضاء هذا لمنتدى الشامخ
كل عام وانتم بخير وسرور
عدنا لكم بكل محبه وشتياق
ومهما ابعدتنا الظروف انتم دائماً في القلوب
سوفى نتواصل معكم
وكل عام وانتم بخير
جرت مساجله بيني وبين بنت تسمي نفسها
بنت النشامى عبر الرسائل الجوال
كنت انا وبعض الزملاء في جده جالسين على الشاطئ
وفي حوالي الساعه العاشره ليلاً
دق الجوال نغمة رساله ففتحت الرساله
لهي أبيات من بنت النشامى

تقول:بنت (النشامى)

اناتراني بنت عن عشرة رحال=وبنت النشامى ماتخون الوصيه
ماكل من يلبس له شماغ وعقال=قالوا عنه رجال مافيه زيه
بعض الرجال النواع بالطيب واشكال=واكرمهم الي صان حق البنيه
باعطيك سرً تنظرب فيه الأمثال=ان ماعرفت الحر حطه شويه
هذي بيوتي جاريه عبر الأرسال=عطني جوابك تنتظرك الثنيه

طبعاً رديت عليها بهذه القصيده وبتدة المساجله::

جتني بيوتً مرسله عبر جوال=أبيات شعرً والنوايا خفيه
بنت النشامى بالشعر تضرب أمثال=متساويً طيب الرجل والبنيه
مابه مقارن بين حرمه ورجال= الفرق واضح دامت الشمس حيه
حنا حماة الدين يابنت الأبطال=حنا مقابس الوغا يالغضيه
ليادق طبل الحرب في حامي الال=كلاً يابي بالروح يفدا خويه
دون الوطن وحمايتك دمناسال=والرواحناللموت تجلب هديه
بنت الوطن عن واهج القيض بضلال=ماسال كحل العين في ظل فيه
تبقا لنا بالبيت وتربي أطفال=مصيونةًبالبيت ويضامحميه
حياتنامن غيركن مالهافال=مااذمكن بالقول نفسي بريه
وقت الرخاء لعل يفدونكي انذال=تسوين من بعض الرجاجيل ميه
وختامهاحنا صناديد الأبطال=صلوا على المختار صبح وعشيه

(بنت النشامى)

ياصاحب الجوال خطك قريناه=وبنت النشامى ماتحب الميوله
افعولنابالقوم والخيل شفناه=جدي حفظناسيرته من افعوله
وان كانهابالطيب حناورثناه=ملكت كل الطيب عرضه وطوله
حتى المكان الي ورا الشط زرناه=وترى الشجاعه نعتبرهاسيوله

(عبيددعيع القلادي)

قال الرشيدي من بني عبس مجناه=كل العلوم مقيده ومعقوله
الطيب يابنت النشامى وسمناه=وسمً البوي وسم كل الحموله
بشت الفخر بالطيب حنا لبسناه=ولا الردا يابنت ماني بحوله
وقت الجهل يابنت راح وتركناه=قتل البري يابنت مابه بطوله
العلم نور وشرع ربي عرفناه=وكلً على ماقيل قيد ذلوله

(بنت النشامى)

هذي حقيقه واضحه ماهي بزور=وكل الحقايق واضحه ومعروفه
اعلن كلامه بين لجنه وجمهور=وحقق مناته ماحسب كل خوفه
وقت الدراسه نرسم بخط طبشور=وكل الحقايق واضحه ومعروفه

(عبيددعيع القلادي )

مدام نفسك بالخطاصابهاغرور=اكيدمانتي من النشامى معروفه
بنت الرسائل صارت عيونهاعور=االحق واضح مير عيت تشوفه
ابأنصحك يابنت والفعل مخبور=مدام شعرك هابطاتن حروفه
الحر يشهر ماكره عالي القور=والبوم بوم وبيناتً وصوفه
يابنت يابنت الرسائل لكي شور=بعضً من الاوقات ماهي مخلوفه

(بنت النشامى)

سألت شايب نجد عن كل ماصار=وجاوبني بكل العلوم الصحيحه
قال الحقيقه واضحه وزمن دار=وسنينهم يابنت صارت شحيحه
اقفت ركايبهم مع ارجال وصغار=صوب الديار الممطره والفسيحه
حتى فعول الطيب نشرة بالأخبار=وأفعالهم بالضيف دايم فليحه
قال الشجاعه ضدها ناسً كثار=تجمعوا والكل تسمع فحيحه
وتفرقوا بعد الغزو قبل الأسحار=وكلاً على ماقيل ينقل جريحه
أستغرب الشايب وهوشبه محتار=وقال الزمن هذا علومه شحيحه

(عبيد دعيع القلادي)

حنا بدو يابنت مع حسك الأوبار=نتبع البراق الحياء في مطيحه
الدار نحميها على قب المهار=والي طمع بيض العذارى تصيحه
وندرا خوي الدرب ونقدر الجار=والضيف ماجوبه علينا ذبيحه
صحيح منا من قطع زرق الأبحار=وكل القبائل مثلنا يامليحه
نصف لقبائل بدلت دار في دار=يوم المراعي بالجزيره شحيحه
البعض منهم يم بغداد ويسار=والبعض منهم وسط كسلا مريحه
العلم وصلك وتركي نظم الاشعار=بكثر الرسائل تحرقين الشريحه

وكل عام وانتم بخير[/color]

[نفحات حساسة]

صح السانك,,,ولسانها

وتسلم على نقلك..

[محمد بن عمار]

صح لسااااااااانك وجاد بيانك يالشاعر عبيد ولاهنت يالذيب ،،،

[عبدالعزيز العمار]

صح لساااانك يالقلادي وصح لساااان بنت النشامى

مساجلة ممتعه ورائعه وجميله

وكل عام وانت بخير وعيدك مبارك

[عمر ال شيبي]

الله عليك ما اجمل ردودك وما اجمل اثارتها

صحت اقلوبكم

[داعي الشوق]

صح السانك مليوووووووون,,,ولسانها

وتسلم على نقلك الرائع ..

[عبير الورد]

صح لساااااانك شاعرنا
وصح لساااااان بنت النشامى

مشكور على النقل المميز الله يعطيك العافية

[الطامي]

القلادي
صح الاسنك والسان الشاعره
الحقيقه هجوم ودفاع من الطرفين
نقض وفتل لافض فوك اخي
شكرا لك على امتاعنا بها

[عبيد دعيع القلادي]

نفحات حساسة

صح بدنك

اسعدني وشرفني مرورك العذب

كل عام وانتم بخير وسلامه

[عبيد دعيع القلادي]

شاعرنا محمد بن عمار

صح بدنك

اسعدني وشرفني مرورك العذب

كل عام وانتم بخير وسلامه