المرجلة

أدنيت كيف الراس حبرنٍ وقرطاس = جبت القلم والمسطرة والمجله
بنيتلي بيتٍ على راسي الساس = اللي قرى قافي صيعيبن يمله
المرجلة تبنى على قيس وقيساس = ماهي على ماقيل نجرٍ ودله
حلو الكلام الزين من بين الأضراس = وإلا سماج الهرج نقص ومذله
أمقابل الطيب على العز نوماس = ودرب الردي حذراك لا لا تدله
حل المشاكل لا بدابة تعوكاس = وقت الخصومة كلمتٍ مسمهله
تصفي قلوب الناس وتزين الأنفاس = ويرجع على ماقيل كلن محله
يرجع ردي البا س للشر مقباس = يجر ثوب العار متقنعله
ماله قبولن عند ناسً على ناس = ولاله اضلالٍ بالشدايد يضله
ماله أعصابة راس توضع على الراس = ولا ينطلب للحق دقة وجله
ودك تحمسة حمس بنٍ بمحماس = تجمع عليه من الحطب وسط مله
وإلا تحطة بين دورات الأتراس = وتل قير الهاف عشرين تله
وإلا يجيه الموت قطاع الأنفاس = اللي أخذ قبله أرجالن مطله
وصلاة ربي عد رملٍ بالأطعاس = على نبين بين الحق كله

فهد الرحيمي

[الطائر المهاجر]

هلا بك اخي الفاضل
جزلة من راس جزل
فإن كانت لك الرجو موافاتنا برابطها وروابط
لقصائدك التي نشرتها في منتديات شعريه معروفه
حتى تعاد للهمس ، أما إن كانت لغيرك فأرجو توضيح
اسم صاحبها
لاهنت
تحياتي

[محمد عبدالله البدراني]

العزيز الموقر فهد الرحيمي سلمه الله

والله انا اقول صح السان القائل سواء انت او غيرك

لكن بما انك ذيلت القصيده باسمك فمن المفترض ان تكون لك خصوصا وانك ماأشرت الى ذلك بمقدمه توضيحيه ..

وشوف كلام الطائر المهاجر واعمل بموجبه مع الشكر واضيف ان لم يسبق لك النشر بالنت فهناك تعليمات لذلك اطلع عليها ..

وهذه تحياتي
مع اسمى ايات الشكر والامتنان فائق التقدير واطيب المنى رعاك الاله

[ابراهيم عبدالحميد]

فهد الرحيمي

أهلا بك و مرحبا اخى الحبيب كلمات تحوى من المعانى أجملها و أروعها
دمت و سلمت و غنمت

[ماجد الزيد]

صح الله لسانك يافهد الرحيمي وجاد بنانك
إبداع وإمتاع

[الطامي]

الرحيمي
صح السانك
ياهي ابيات طيبة جدا وعلى معنى جدا جدا
لله درك
وياليت تكمل نواقص التعليمات حتى نضعها لك بالهمس
شكرا لك اخي

[الخنساء]

المرجلة تبنى على قيـس وقيسـاسماهـي علـى ماقيـل نجـرٍ ودلـه
حلو الكلام الزين من بين الأضـراسوإلا سمـاج الهـرج نقـص ومذلـه
أمقابل الطيب علـى العـز نومـاسودرب الـردي حـذراك لا لا تـدلـه
حـل المشاكـل لا بدابـة تعوكـاسوقـت الخصومـة كلمـتٍ مسمهلـه
تصفي قلوب الناس وتزين الأنفـاسويرجـع علـى ماقيـل كلـن محلـه
يرجع ردي البـا س للشـر مقبـاسيـجـر ثــوب الـعـار متقنعـلـه

صح لسانك ولاهنت

ابيات ترجمت زين الافعال والمعاني

دمت بخير

[حي الضمير]

منقول رائع لشاعر جزل وصح لسانه ولسانك
والف شكر على النقل

[الجارح]

سلمت على النقل ولاهنت

[صعبة المنال]

السلام عليكم ورحمة الله وبركاته
نقل متميز
صعووب