وماقالت (الطائر ونجم)

[نجم الإبداع]

الطائر)سلام الله على ضبٍ لقيته ضايع بلبنان= لبس طربوش كود انه يخفي عكرة مالت
سألته ليش متخفي وقال بسر دون اعلان= اما مالي بمن قالوا و لو هي بالجزم قالت
نجم)هلا يامرحبا ياقرد شفته من شفى بيضان=ولامني ذكرت اهل المكارم قال لي مالت
يناقز بالغصون وكل غصنن فيه له ميزان= ومنه اسنون مكسوره وبعض سنونه انشالت
الطائر)اذا منه بغى الديسكو ينادي فرقة الطيران=ويطمر في السما كنه جراده في السما تفالت
نجم)على الشرقه لقيته يوم يتفلى وبه جرذان=ويومن شافني باها ومنه لعابته سالت
الطائر)الا ياضب متمدن تبي حالك كما الحضران=ولكن البدو عيوا ولو عكرتك انزالت
نجم)انا ياقرد مالومك ولوّك قاعد بصيوان=لانك لاشبعت اعجمت واليا جعت لك قالت
الطائر)ابي لو شفت لو لحظه لوجهك ياغصين البان=اظنك تنفجع لاضب لا قرده ولو طالت
نجم)تمنى في العيون السود وانته بالهوى غلبان=وانا لاصحت في القطعان عني كلها حالت
الطائر)اعرف انك مثل عنزٍ تثاغي باسفل القيعان= واذا من شافت لذيبٍ على خلقانها بالت
نجم)كفى يام القرين الي تحبي عشرة الغربان=على علباك باضرب بالعصى وزنيبرك فالت
الطائر)تبي لك كيةٍ تصحى بعدها عند ابن عشبان= يركب فقرة العلبا بعد ماهي انشالت
نجم)انا صقرن تعلى بالسماء وانته ورى الضلعان=تميل مع الهبوب وتتبع الناس الي احتالت
الطائر)الا وشلون ضب صار له ياصاحبي جنحان= اظن العكرة القشرا على التفكير انهالت
نجم)اشوفك منتشي والخوف مني لايجيك جنان=ولاتلقى طبيب يعالج جروحٍ بك اختالت
الطائر)اكيد العنز بتخوف اذا من جيت للصخلان=تقاوم غير ما تقدر اذا من صالت وجالت
نجم)اعرف العنز والرخله واعرف الثعلب ابو اذان=تحوص وماتلاقي غير عثرة ساق وتوالت
الطائرواعرف ان العرب مثلك غدو لا عنز ولا ضان= هروج كثار واسرائيل في تذبيحهم صالت
نجم)تعرّف المقديه لكن مافي بالك اطمئنان=تحاول تلتوي يالثعلب المكار لو لالت
الطائر)انا وياك مثل النيل لا من مر بالسودان= يبونه ينفسم واصواتهم بالقسمه اتعالت

[هاوي نجد]

مساجله ممتعه للغايه ويعطيكم الف عافيه
وصحت السنتكم ودمتم بخير

[عبدالعزيز العمار]

صحت السنتكم وماقصرتوا يالشعار
ابدعتوا وأمتعتو الله لايهينكم
تحياتي وتقديري

[داعي الشوق]

هههههههههههههههه

محاورة غييير

صحة السنتكم

ولاهنتوا

[عبير الورد]

هههههههههه

ممتعين

صحت ألسنتكم

ويعطيكم العافية

[نفحات حساسة]

صح السانكم ولاهنتواااا

مبدعين..

[الطامي]

صح السانتكم
رائعة جدا
لاهنتو

[بيدي رسنها]

ههههههههههههههههه
صحت السنتكم ولاهنتوا وبيض الله وجيهكم .. مساجله أكثر من رايعه .. تحياتي لكم ...

[نجم الإبداع]

المشاركة الأصلية كتبت بواسطة سعيد حزام القحطاني

مساجله ممتعه للغايه ويعطيكم الف عافيه
وصحت السنتكم ودمتم بخير

ارحب ياسعيد

شرفنا مرورك واستر ماواجهت

لاعدمتك

[عمر ال شيبي]

الابداع ايداع في رصيدكم شعراءنا

صحت قلوبكم