كشكـول . عبدالله الثـويني

[عبدالله راشد الثويني]

خير مبدا . ذكر وآل الكون ... رب العالمين = جل شانه .. مايخيب اللي بدابه والتجا
حافظ(ن) عبده بحفظه . عن يسار وعن يمين = مافلح ..في كل امره .. من فقد فيه الرجا
من عصى رب الخلايق ، لو ورى الحصن الحصين=أشهد أنه لو تذرّى ، من عقابه . مانجا

بسم الله الرحمن الرحيم

والحمد لله ولا اله الا الله والله اكبر . ..(اللهم اجعل مانكتبه لنا لا علينا يارب العالمين ) ...



لما لهذا الموقع من مكانه خاصه في قلبي . ومحبته من محبة من سعو للرقيّ به
اساتذه لهم الفضل بعد الله سبحانه ، فقد اخذت منهم الشي الكثير ومازلت استفيد منهم
منذ اللحظه الأولى بإنتسابي لهذا الموقع رأيت حسن التعامل الذي يدل على طيب معدنهم

شكراً من القلــب . لكل من افادني ولو بحـرف
وأتمنى من كل من يمر من صفحاتي المتواضعه ويرى مايحتاج للتوجيه ان يوجهني واكون له شاكر



تلميذكم / عبدالله

[الطامي]

ارحب يالثويني
ومبروووووووووووووووووووووووووو ووووووك الأفتتاح
عسى ماينشر فيه يكون شاهداً لك بالخير
والى الأمام ان شاء الله

[عبدالله راشد الثويني]

من قبل تهجررر

بس . ياليت تذكررر

إني على قلبــي وروحي موصــيك ....

وقف دقيقه بس ياليت تذكررر .؟


قلبً لفالك ياغناتي هديه

أحتلت كل القلب

طـووولــه .. وعرضــه

وقف .... دقيـقه

ياغلا القلب

لحظه

لحظه

لحظــه

لحظـــه ../ قـبل تعلن فراقك .. وترحـل = أسـمع كلام اللي من الناس .. شاريك
عمر الهجر . ماكـان ياغايتي حــل = راجع قرارك .. [ جعـل ربـّي يخليـك ]
الجفن . من همّ اللـيالي تكحـل = من يوم قلت إنك بتبـعد خطاويـك
ياليت تذكـر .. وإنت .. ماضن . تجهــل = إني على قلبي .. وروحـي موصيـك
ياكيف ورد الحب . والشـوق .. يذبل = كيف الفراق المرّ .. والهجر .. يرضيك
كنت الذي لا غبت .. تشره .. وتسئل = وأعود لك مشتاااق .. وآقـول لبـّيـك
الهجر ياسيد المواليــف يقتل = خاااف الوليّ .. وأرفق على قلب مغليــك

[عبدالله راشد الثويني]

المشاركة الأصلية كتبت بواسطة الطامي

ارحب يالثويني
ومبروووووووووووووووووووووووووو ووووووك الأفتتاح
عسى ماينشر فيه يكون شاهداً لك بالخير
والى الأمام ان شاء الله

أستاذي الغالي / الطامي
الله يبارك بأيامك .. يزداد المكان جمالاً بحضورك وتشريفك
كل الشكر .. ولا تحرمنا من طلـّـتك

[عبدالله راشد الثويني]

قطـرآت ...

ماكنت من يهوى السهر طـول ليلـه=عمر السهر ماكان من عادة [ السمح ]
إليـن شافـك ، زاد همُـه وويـلـه=ماتهتني عينه ، قبـل يطلـع الصبـح

لايصيبك ياغـلا قلبـي ذهـول=لوسمعت القاف في ذكراك طـال
عاشقك ياغايتـي مهمـا يقـول=يكتفي عن ذكركم .... هذا مُحال
دام طيفك عن عيونـه مايـزول=لا تلومه لـو بلـغ حـد الهبـال
شفت بك مافاق تفكيـر العقـول=ما أبالغ لو أقـول إنـك خيـال
حبٌك اللي صار في دمٌي يجـول=له حياتي يامُنى العاشـق حـلال
حيٌ زولك فارقه عـن كـل زول=يافريد الخلق ياحسـن الخصـال
خافقي صحرا .. وترجيك الهطول=ياسحاب الحب يالعـذب الـزلال

يضيق صدري .. وأحاول أخفي العبره=والناس تسأل .. عيونك ويش صايبها ؟
أكذب عليهم .. واقول الجو ، به غبره=وأصدقُ الكذبه . اللي صـرت كاذبهـا

الله معك ../ ماعاد باقي معي شي !=قدمت كـل اللـي ملكتـه ولا فـاد
قبلك وانا قلبي / كواه الهـوى كـي=بسباب منهو رآح عني .. ولا عـاد
وش عاد لو تنسين ذكراي يا ضي=قلبي على اللوعات والهم .. معتـاد

ياللـه . ياقاضـي ،على كل طاغوت =يامبعد(ن) عن قلب داعيـك .. خوفه
تجيب لي من غاب ، ماعاد له صوت =وافرح بقربه بعـد . همـّي ،، واشوفه
تسعد عيوني ، من قبل لحظة الموت=نفسي على. لـقـيـا وليفي . لهوفه
اسـمه وربـّـي داخـل القلـب منحـوت=تبقـى على مــر اللـيالي حــروفه

كفـّي دموعك ياعيون الشقاوي=إلي متى وإنتي بهمٌك سهيـره
إدعي لمن هاجر كثير الدعاوي=لعل في بعده عن العين .. خيره

[سناعيس]

الله الله
شاعرنا وغالينا عبدالله الثويني
أولا أبارك لك افتتاح هذا الكشكول الذي على مايبدو
سوف يكون مزارا لكل من أراد أن يكحل عينيه ويروي ذائقته
اسلوب جميل وأبيات راقيه جدا وجزالة متناهيه ولا أظنك تحتاج لمن ينقد ماتبوح به
وسوف أكون متابعا لما يجود علينا به بوحك العذب وما ينتثر من مدادك هنا وسوف نتابع كل الدرر

تحياتي

[نفحات حساسة]

الله عليك يالثوينى
وصح السانك مليون ولا يكفون
والف مبروك افتتاح الكشكول
تقبل مرورى..
ولى عودة..تحياتى لك

[رفيعة الشان]

لحظة

.


لحظة

.
هنا اعلن مرابطتي
لأكون في حضرة الشعر والأدب الراقي والجميل
ومن هذه اللحظة

[ترانيم المطر]

أولا أبارك لك افتتاح هذا الكشكول الرائع

اسلوب جميل

وأبيات راقيه جدا وجزالة متناهيه

ولا أظنك تحتاج لمن ينقد ماتبوح به

سجلني من ضمن متابعين إبداعك

ودمت بود

تحياتي

[عبدالله راشد الثويني]

المشاركة الأصلية كتبت بواسطة سناعيس

الله الله
شاعرنا وغالينا عبدالله الثويني
أولا أبارك لك افتتاح هذا الكشكول الذي على مايبدو
سوف يكون مزارا لكل من أراد أن يكحل عينيه ويروي ذائقته
اسلوب جميل وأبيات راقيه جدا وجزالة متناهيه ولا أظنك تحتاج لمن ينقد ماتبوح به
وسوف أكون متابعا لما يجود علينا به بوحك العذب وما ينتثر من مدادك هنا وسوف نتابع كل الدرر

تحياتي

أستاذي الغالي والقريــب للقلـب / سناعيس
مرورك شرف لي وكلماتك ستظل وسام على صدري افخر بها
تسلم ولا هنت .. والله يعطيك العافيه
تكرار زيارتك يعني لي الكثير اتمنى ان تعاود طلتك الرائعه
تقبـّل وُدي