العرق دسّاس

[محمد بن عمار]

السلام عليكم .
جديد الليلة بين أيديكم
عسى أن ينول الرضا ...!

العرق دسّاس

مثل الجبل راسي ولا هزّني الريح = قدام من بعيون طبعه يرى الناس
علم ٍ كسبته من رجال ٍطحاطيح = على النقاء خذته من الراس للراس
اللي يد سّم شاربه بالمفاطيح = مهوب مثل اللي شفاياه يبّاس
وكم قلت أنا لأهل العقول المشافيح = أهل النمايم ، بين عاذل و بلاّس
الطيب شيمة في الوجيه المفاليح = لاهوب لا يوزن ولا هوب ينقاس
ولاهوب يصرف بالرخص والتصاريح = كل ٍ على مجناه ، والعرق دسّاس
لي مدة ٍ بنات فكري مساريح = متعومس ٍ الرآي والفكر منحاس
بالصاحب اللي ما اشترى للمصاليح = عرفي ولا أرخص حبناعدم الأجناس
حب ٍ نشأ من موجعات التباريح = مدعوم بأركانه ، ومبني على ساس
لأبو نهود ٍ مثل طلع التفافيح = إلى انهصّر قدّه كما هزعة الآس
مطلق على المتنين شقرٍ مداليح = كل ما تثنّى يا ردن روس الأطعاس
الخد يكسر ، نور كل المصابيح = ناصع بياضه ، مثل مصبوب الألماس
وبيض الثنايا مثل نظم المسابيح = وغض الورود ، بداخل الفاه ، غرّاس
إلى طرى لي قمت مفجوع وأصيح = يارد لي بهاجوس ، ويصدر بهوجاس
أفزّ مع طاريه ، وأقوم وأطيح = ولا جيت أبا اشرب شفت له طيف بالكاس
وأقول لأصحاب القلوب المجاريح = بحر الهوى يا ما غرق فيه ، غطـّاس
ومن هاب ، في مرقاه ، عالي المطاميح = يقضي حياته تحت الأقدام منداس

مودتي وتقديري
لتواصلكم العذب .

محمد بن عمار

10 / 6 / 1431 هـ

[يزيد النمي]

الله الله يابن عمار
عقب هالوصف طال عمرك ما ألومك لو تقوم وتطيح ..
صح لسانك ملايين .

[الطائر المهاجر]

وأقـــول لأصـحــاب الـقـلـوب المـجـاريـح
بحـر الهـوى يـا مـا غـرق فيـه ، غـطّـاس
ومن هاب ، في مرقـاه ، عالـي المطاميـح
يقـضـي حيـاتـه تـحــت الأقـــدام مـنــداس

الله ... الله
لله درك على هالباذخه
صح لسانك مليار ولا تكفي
ولاهان راسك
تحياتي

[عبدالرحمن الصباح]

ولاهوب يصرف بالرخص والتصاريح====كل على مجناه والعرق دساس
صدقت اخوي صح السانك رائعه من الروائع

[زهرة اللوتس]

شاعرنا الرائع محمد بن عمار
صح لسانك وفكرك
جزلة من جزل
لاهنت
تحية طيبه

[زهرة اللوتس]

ومن هاب ، في مرقـاه ، عالـي المطاميـح
يقـضـي حيـاتـه تـحــت الأقـــدام مـنــداس
صح لسانك

[شجون القصيد]

الله ااااااااااااااااااااالله

الصمت في حرم الجمال جمال

ابيات رائعه

تحياتي

[همس الورد]

صح لساااانك مليووووووون

و صح بدنك

بووووح رائع

تحيتي

[داعي الشوق]

ومن هاب ، في مرقـاه ، عالـي المطاميـح = يقـضـي حيـاتـه تـحــت الأقـــدام مـنــداس

صح لسااااااااااااانك يالشاعر محمد بن عمار

ابداع متناثر و رائع الوصف

لله دررررررك

وصح لساانك مدد

تقديري و اعجابي لك

ولاهنت

***************

[الـزلـزال]

محمد بن عمار

نص في قمة الروعة والجمال والأتقان

من شاعر متمكن وجزل في كل مايقدمه

مبدع دائمآ ومروي للذائقه كل طرحك

دمت بخير وسلام ودام لنا نبض حرفك المتألق

صح لسانك ملايين ملايين

ولك فائق تحياتي وتقديري