مركبة الفطاحلة تنطلق

[الطائر المهاجر]

سلام رديّةٍ ياهل العقول الفطينه = ونا لي الله ولا ارجي في النهايه سواه
السالفه يالفطاحل والعقول الرزينه= اسمع براس الجبل ذيبٍ تزايد عواه

يامرحبا في محلك ياربان السفينه=وانت فوق البحر وامسك بكيس النجاه
شفت لك ذيب واصلاً العرب خابرينه=وإن ضوى البدو بامر الله يحصل عشاه

[الطائر المهاجر]

ياذيب وش هيضك قال العلوم الرطينه = مانيب فاهم لجرحي لا ولا ادري دواه
الوقت بعدي تغير والعرب خابرينه = ساروا معه والفكر بالبحر موجه طواه
كسر العرب ياسعد عيا على جابرينه= وصرنا بحالٍ الاه الكون يعلم خفاه
احد ضميره موات ولا درى عن جنينه = واحد بنار القهر في القلب يشكي لضاه

من يعرف الأصول الله يمدد سنينه=وش حيات البصير اللي قلبه في عماه
انت تروي علوم سليم والا جهينه=عان طوال العدود الدلو جود رشاه
العرب حالها طيب والاوضاع زينه=ما بلش كود منهو ما يفيده جداه
راية العز عليا من يبيح بكنينه=واحد فيه حيل ومعه وجهٍ وجاه

[الطائر المهاجر]

راحت علوم الرجوله وش بقى ماسكينه = الوقت للبوم فرّخ عاليٍ في سماه
المال يحكم وقل المال عيبه يشينه = والرجل لو هو رجل ما حصل اللي بغاه

يادكتور انت قلبك ويش بينك وبينه=كل دكتور بعلم النفس يتبع هواه
يربح اللي يعيش ولا يفرط بدينه=ماحد حايز على حاجه والله ما عطاه

[الطائر المهاجر]

الرضا بالمقدر واجبٍ مبتغينه = ورزق ربي ضمان وكل مسلم قراه
لكن اللي اشوف وكلنا مدركينه= الخلايق تسلق لو بدرب الرداه

انا لو اقرب المرضان واسمع ونينه=قلت ياربي تعافيني من ما بلاه
عان ظهر الحصان وسل شلفا سنينه=اضرب القوم عرض ولا تخاف الرماه

[الطائر المهاجر]

شكرا لك أخي سعد وما قصرت
وعذرك معك .... والميدان مفتوح لمن أراد التكملة

[الــذاهبه]

الله واكبر

مشرفنا

سعد لاحرمنا الله وجودكم

دمتم بخير