(( قصيدة سريالية ))

[فهد الغنام]

بسم الله الرحمن الرحيم ...

أسعد الله صباحكم بالورد والفل والياسمين >>> الله يعين الزهور علينا اليوم

صدقتوا إني بكتب قصيدة سريالية ...أصلا مدري وش معنى سرياليه ..

المهم قصيدة درامية .. لأني أعرف الشيبان يحبون القصائد الدرامية ...

وتراي ما قلت ابوعثمان انتبهوا ..

إليكم القصيدة ..... خلوها تعدي هالمره .. ولاعاد أعودها

جرّيت رجلي غصب من دون في دون = أدناة شي(ن) حاش رجلي عثرها
وساق القدم وإنساق ساقي بلا عون = تنساق رجلي وين ربي ومرها
وحدّتني القدره ومرّيت مشطون = بيته ورجلي مرّته من قهرها
ما هو هوا ياناس مبلّي ومفتون = من حاشر(ن) بالنفس ثار وحشرها
ساعة وصلت البيت من غير يدرون= قمت العلوم الفايتات أفتكرها
ذكرت يوم(ن) كل مهله ينامون = اسري وأجيلَه وأرتوي من نهرها
يومنها لا جيت ضايق ومحزون = تضحك بوجهي لوّ كواها كدرها
وترسل عليّ نظرات حب(ن) من عيون= سود(ن) تطفّي ملَتهب من سعرها
وذكرت قول(ن) قالته بالتليفون = يوم العرب نيّام وأسمع دررها
وذكرت يوم الكف بالكف مقرون = تبكي وراسي حطّته في نحرها
تقول أنا خوفي من الناس يحكون = ناس(ن) على النمّات ربي ومرها
ناس(ن) على فعل الحقيقه يزيدون = زيف الكلام احلوقها ما عسرها
ولحظة رفعت الراس لناس يمشون= كنّي بحلم ودققّت بي نظرها
عرفتها ياناس لا لاتقولون = هاذي قمر دنياي وأيضا زهرها
هاذي هي اللي عقبها جيبوا اكفون = يا لعنبو حظ(ن) عجز ما قدرها
وأبطيت أناظرها وأهلها يشوفون = حتى وهي ما همّها من حضرها
فزّت وجت تسحب خطاها على الهون = ما همّها ياناس شخص(ن) نهرها
يوم اقبلت شفت الذي زلزل الكون = شفته تصيح وغارقه في عبرها
قالت ترا العشّاق دايم يعذرون = إعذر حبيبك يا مساوي بشرها
قلت معذوره يا بعد من يعزّون = خلك بفقدانك وغيرك هجرها
قلبي بعد فرقاك ما هوب مسكون = قلب(ن) مواثيق الهوى ما غدرها
لا والذي يخلق على الكاف والنون = إن الزمن عقبك حلومي قبرها
وقفّت وأنا قفّيت والكل مفتون = ودّه تخاويني وقلبي عذرها
وقفّيت أهزّ الراس ما نيب مجنون = لا شك شي (ن) صار حالي دمرها
وياكثر ماب الكون ناس(ن) يحبون = وتجر السفينه وين هبّت بحرها
تمت وصلوا عد ناس(ن) يحجون= على نبي (ن) سالم(ن) من قشرها

فهد الغنام الشمري

[داعي الشوق]

صح لساااااااااانك يالشاعر فهد الشمري


قصيدة دراماتيكيه جميلة و رائعة

كما هو أنت دائما

شاعر جزل يا فهد

صح لساانك مدد

مع التحية لك و التقدير

***************

[الطائر المهاجر]

حبكة مميزه والقافيه جميلة الإيقاع صح لسانك وقلبك
ولا هان راسك
تحياتي

[جلال ابراهيم الصبيح]

صح لساااااااااااانك يافهد قصيدة متناغمة وكايفة

لاهنت وسلم راسك وفعلا قصيدة سيريالية هههههههههههههههه




صح لسانك يالغالي...


تحياتي

[صعبة المنال]

وياكثر ماب الكون نـاس(ن) يحبـونوتجر السفينـه ويـن هبّـت بحرهـا
جميل هذا البوح السريالى
وزانها الورد على الصباااح يسعد صباحك فهد


صعووووب

[الطامي]

اهلا السنعوس
هذا البيت يكفيني ,,,, وياكثر ماب الكون نـاس(ن) يحبـونوتجر السفينـه ويـن هبّـت بحرهـا

صح الاسنك ملايين
رائعة جدا
لاهنت يالشيبه

[الراقي]

صح فكرك

صح بيانك

ودام حرفك ..

و صح لسانك

[حرف وشعر]

الغنااام ياسلامي عليك يافهد

ماتجي الا بالدرر يابعد راسي


مودتي

[فهد الغنام]

المشاركة الأصلية كتبت بواسطة داعي الشوق

صح لساااااااااانك يالشاعر فهد الشمري


قصيدة دراماتيكيه جميلة و رائعة

كما هو أنت دائما

شاعر جزل يا فهد

صح لساانك مدد

مع التحية لك و التقدير

***************

============================== ====

يامرحبا ومسهلا فيك يا داعي الشوق ..

وصح بدنك ولاهنت وبيض الله وجهك يالذيب ..

بس عاد حنا متوهقين بسرياليه ..وانت جبت دراماتيكيه <<< ترا ما من ثقافه لايغرك

تحياتي لك .

محبك ... فهد الغنام الشمري

[حي الضمير]

صح لسانك ملايين يافهد
قصيده رائعه وابدعت بارك الله فيك
أجزل التحايا والاحترام