جبــــــــــــــــــــــــــال حائـــــــــــــــــــــــــــ ـــــــــــل

[ابومياس]

مع قهوة الصباح احيانا القهوة بالصباح
تهيض قريحة الواحد من الراس للكراس ( للمنتدى )
وليدة هذا الصباح ارجو قبولها كما هي 0 دمتم بخير0

يابعد من كان واللي صار كان = ويابعد كل الكتابة والرسائل
مد لي كفك وبعثرني حنان= مد لي والكف تعمل بي عمايل
الامان ان عشت بايدينك امان = والحنان اللي معك والله هايل
زد حياتي ( فرفشة زدها كمان) = وضمني للصدر غطن بالجدايل
وامسحي بالكف ندبات الزمان= فعل وقتٍ صار لي بالحيل مايل
بس وربي انتعش معك المكان= ومن عرفتك بالبشر ماني بسايل
كاسبٍ في حبكم احلى رهان= ومحتويكم بين الاضلاع النحايل
عنجهية مغرمٍ صابه جنان= ياجنان العقل سويت الهوايل
شاعرك لاقال قافٍ ماستهان = فيك يامن تلهمينه بالمثايل
لاذكرتك فالقصيد الكيف زان= ولا لمحت الزول صار الهم زايل
ولو كتمت الحب غصب الحب بان = اكتمه والحب كبر جبال حائل!!
ياحمامة بلغي صاف الثمان= خبريها ياحمامة بالمسائل
باختصار انه حناني والامان= ومدة الكفين تعمل بي عمايل

[مروان الشيخ]

لاذكرتـك فالقصيـد الكيـف زان
ولا لمحت الزول صار الهم زايل
ولو كتمت الحب غصب الحب بان
اكتمه والحب كبر جبال حائـل!!


صح لسانك مليووون ولا يكفووووون يابومياس

والله قصيده تستاهل الكيف

تحياتي

[عيد مشعل]

اسعدني ان اكون الاول

صح لسانك

وعلى شانك

جزله من شاعر جزل ومتمكن

ومنتضرين القهوه الثانيه

ههههههههههههههه


أقصد القصائد الجديده تحياتي وتقديري

[صعبة المنال]

احلى توريقة يا ابو مياسة على هالصباح من جبال حايل
دوم الكيف مية مية
لك شو هيدا
زد حياتي ( فرفشة زدها كمـان)
وضمني للصدر غطن بالجدايـل


احلى فرفشة يا ابو مياس ده الحب يعمل عمايل يحيى القلوب الميته
والكفوف تعمل عمايل

صح لسانك عدد ما رمشت عيونى
وحام الطير فى سما الرياض

دمت بكل الود

تحياتى

صعبة المنال

[إستبرق]

الله الله

شــآعـــرنــآ الــرآئـــع ..

آبو ميــآس .. آبو الطيبـه والإحسـآس

صـــح لســآنــكـ ويسلمـ إحســـآسكـ

نـــص رآقي ومعــزوفـه هــآديــه ..

ووصـــف ولآ آحـلى ..

دآيمـآ آستمتــع بقراءة جـديـدكـ ..

ما ننحرمـ من روعــة قلمـكـ آخـوي ..



آرق التحـآيـآ ..

إستبرق

[الطامي]

ياحمامة بلغـي صـاف الثمـان
خبريهـا ياحمامـة بالمسـائـل
باختصار انـه حنانـي والامـان
ومدة الكفين تعمل بـي عمايـل
؟؟؟؟؟؟؟؟؟؟؟؟؟؟؟؟
ابو مياس
شاعر محنه
صح السانك
لاكن احنا رحنا وطي وين انحلق مع مثلكم
اخذ وصاتي
حلقو بي معكم (( لو على ظهر الغماره )) مع الأعتذار للشاعر
ها ها ها يالغالي

[منيع]

رائع يابومياس
تحياتي

[عبدالله راشد الثويني]

ولو كتمت الحب غصب الحب بان=اكتمه والحب كبر جبال حائـل!!

صح لسانك يآبو ميآس انا اشهد انك ابدعت يا عزوتي
والله صرت اتمنى اقهوى معك لو يوم واسمع مثل ها الابيات يا الغلا

[عيد بن سعدون]

صح لسانك يآبو ميآس
تناثرت الرومنسيه في حروف المفردات

وغرد في المشاعر ناي الغرام

اتمنا لك التوفيق

اخوك
عيد بن سعدون

[سناعيس]

صح لسانك يالبناخي
وبيض الله وجهك

تحياتي