نووووووووومة الجح

[نجم الإبداع]

السلام عليكم
الاخوه الاخوات الفضلاء
هي كيبورديه لاتخلو من الفكاهه
لقلوووووووبكم

لاصرت رايق ومالت شمسنا للزوال=قربت لي (جحه) وناظرت في حَبها
اكلت منها ونوخت الفِكْرْ بالدِّلال=وسادتي كم بكت لي علّي اطبها
النوم نعمه وراحة نفس في وقت مال=لكن من وين اجي للنومه أدبها
غفيت مادري رقادي في صدى النفس طال= مارتاح الانسان لو يسرح معا ضبها
غمضت عيني واثار القلب فيه اشتعال=وزارني حلم وافكاري نوى شبها
وارتعت من صوت ناداني يقول الحلال=قلت الصلاه عالنبي وش قال في لبها
اذكره نادى وقال الله يهد الظلال = وينصر الدين عقب الصبرياصبها
يَبْنْ ادم ارجع لربك قبل طي الحبال=فالدين لاشك يابن الادمي طبها
خلقت من طين وإلى الطين حط الرحال= وبينها نفس تشكي من لضى حبها
قارون مارد عنه الموت كثر الغلال= ولا خذا من متاعه غير حملن بها
الارض تغري وتتزين على كل حال=يفتنك حتى خرير الماي في جبها
والمال ويا البنون اعلامها لامحال=تسحر عيون الخلايق صاغها ربها
ياحب الانسان فيها لانوى بالجدال=ينسى مصيره ويتباهى على غبها
يانومة الجح ماجيتي بذا في الخيال=والجح نعمه من البطيخ ماسبها
تمت وصلو على خير البشربالكمال=محمد المصطفى الهادي عدد حَبها

[النهج المختلف]

يانومـة الجـح ماجيتـي بـذا فـي الخيـال
والجـح نعـمـه مــن البطـيـخ ماسبـهـا

الشاعر الرائع فلاح بن منشار ,,,,
صح السانك على القصيدة الرائعة المليئة بالجح ,,,,
والله انك مبدع ورايق على الآخر لاهنت يابومحمد الله يعطيك العافية ,,,,
عقب قصيدتك أخاف يرتفع سعر الجح في السوق ,,,,,
تحياتي وتقديري ,,,,

[ماجد المهدي]

عليه الصلاة والسلام

صح لسانك يا فلاح

قصيدة جزله من جزل

ومعاني كايفه لله درك


تحباتي

ماجد المهدي

[عبدالله الشويمان]

اللهم صلي على نبينا محمد

صح السانك يا اخ فلاح..

وجزاك الله خير على هذه القصيده التوجيهيه الرائعه..

دائما جزل يا الجزل..

دمت بخير وصحه وسلامه

ومع احترامي تقبل سلامي

[ابومياس]

تمـت وصلـو علـى خيـر البشربالكمـال
..................محمـد المصطفـى الهـادي عـدد حَبهـا

اللهم صلي على سيدنا محمد


فلاح نومة الجح غير ياصاحبي

نص راقي وجزل كعادتك

صح لسانك وبيض الله وجهك

دمت بخير

[سناعيس]

اخي الفاضل فلاح بن منشار
هي بالفعل كانت بالبداية لا تخلو من الفكاهه
ولكنك عدت الى جديتك وايصال المقصد بكل جزاله واتقان
لاهنت وألف صح لسانك

تحياتي

[منيع]

ابيات جميلة
شكرا يابومحمد
تحياتي وتقديري

[داعي الشوق]

صح لسانك يالشاعر فلاح

دائما ممتع بكل معنى

لك أسلوبك الخاص في ذلك

وتعودنا على الابداع منك ،،

صح لسانك و جزيت خيرا

تحياتي لك ،،،

[صعبة المنال]

ههههههههههههههههههه

اللهم صلى على سيدنا محمد وعلى ال سيدنا محمد






صح لسانك يا فلاح


صعووب

[الصريح العتيبي]

الاخ الشاعر/فلا ح ابن منشار

صح لسانك واعتلى شانك
اراى في كل يوم لون وطعم
فيما يخطه يراعك
لاهنت على هذه الرائعه
دمت بخير حال