( ( ( قــصــــر دخــفـــــــــه ) ) )

[سالم محمد اليامي]

مساكم شعر

اذكروا الله
وصلوا على محمد
وتعوذوا من ابليس



بسم الله الرحمن الرحيم
السلام عليكم ورحمة الله وبركاته

يآقصر دخفه لآ يجي خآطرك شين=وآلوعد آنآ ويّآك عيد آلضحيّه
يآقصرنآ قصر آلشيوخ آلسلآطين=آهل آلوفآ وآلطيب وآهل آلحميّه
يآقصر آبوي إللي بكوه آلوفيين=ونآحة على فرقآه كل بدويّه
يآقصر دخفه يآوكور آلشيآهين=مآتنطفي ضوّك وذآ آلعين حيّه
يآقصر عندي لك عذر وآسمعه زين=آسمع ولو مآ للعذر قآبليّه
عذرٍ يرج آلقلب قبل آلشرآيين=وعذري ورب آلبيت مآهو شويّه
تدري وش إللي مبطيٍ بآحمر آلعين=إني آجيك ورآحتين خليّه
عذري لقآك ودون آلعذر تدوين=وخل آلمغني يضبط آلشآذليّه
ليت الوليد يدفني بآلملآيين=ولآ يخليني بقآمت خويّه
ولاّ ينغنغني بشآصٍ ورنجين=ولآ بقصرٍ من يمينه هديّه
ولآ ترى بشكيه لكن على مين؟؟؟؟=مآلي ومآل آهل آلمتون آلقويه
وآزرعك يآدخفه ورود وبسآتين=وآجعلك دُره في عيون آلبريّه
آلبآرحه غنيت وآلنآس ممسين=ضآيق وفيني ضيقةٍ عآلميّه
مآهي بضيقه من هلآت آلفسآتين=إلا من حظوظ آلزمآن آلرديّه
كبدي تشب ودآخل آلكبد نآريين=وكآتم لهبهآ بآلظلوع ألآبيّه
لكن جوآلي يعيد آلموازيين=ويبدل آوضآع آلعيون آلشقيّه
لآ دقت إللي كل عمري لهآ ديين=فديتهآ في كل صبح وعشيّه
وفديتهآ بآلعرض وآلطول آمين=ويآلله عسآني فدوة الحُفليّه
ست آلحبآيب سآحرتني بسحرين=أُمي حبيبة قلبي آلآوليّه
لآ رن جوآلي وقآلت هلآويين=قلت آرحبي ثم آرحبي يآأسعديّه
تبغى تصبحين بصبح آلبدآويين=صبح آلقلوب آلوآصلآت آلوفيّه
وآبسط معآها لين آفل آلحجآجيين=وفي صوتهآ آلرنآن لي جآذبيّه
وآنسى آلعذآب وحزة آلهم وآلبيين=وتنشط خلآيآ المُخ بآلشآعريّه
وآجيب مآيطرب عقول آلوفيين=ومايكسر آهل آلجهل وآلجآهليه
ومآيثبت إن آلرآي مآهو برآيين=وفطرة شعر يآهل آلعقول آلغبيّه
ولآ آعرف التنقيح ولآ آلتلآحين=ومستفعلآن وطقة آلفآعليّه
ومن دون لآ شده وضمه وتنوين=وآلعجز بعد آلصدر تسمع دويّه
وإذآ مدحت آمدح من آلنآس غآلين=غآلين ولهم دآخلي مقدريّه
آحب آنآ شمر كعآم آلمعآديين=وآلنعم للعتبآن لين آلحويه
وآحب حرب آللي علآ آلحرب ضارين=سقم آلحرين آللي نوآهم بسيّه
ومطير عندي دآخل آلروح عآلين=ويشوش رآسي لعتزة وآيليّه
ولنآ مع آلسبعآن جدٍ وجدين=لاعودت بين العرب طآيفيّه
ولآ عآش من لآ يحتمي في آلقحآطيين=ذولآ محلفنآ لآ غدة عنصريّه
وإذآ آعتزي عند آلدوآسر ورأعين=مآكني إلآ عزوة آلدوسريّه
وكل آلقبآيل نعم فيهم ونعمين=لو كآن مآجبت آلآصول آلبقيّه
وآنآ من آللي في آلمجآلس سلآطيين=صبيآن يآم إن صآر بآلوقت هيّه
على ألخيول تقول مثل آلشيآطيين=تقبل بني عمي سريه سريّه
آذآ آقبلت غيثٍ سقى كبد ضآمين=وطب آلخرآم وروسها ضيغميّه
وآن دبرت كنهآ زعوط آلمجآنيين=منيةٍ تآرد حيآض آلمنيّه
صبيآن يآم إللي تقص آلميآديين=آهل السيوف آلحدب وآلصيرميّه
إني ولد سعد على آلعسر وآليين=تبآشروآ بي يآمشآيخ رضيّه
يآقصر دخفه وين وديتني وين=وقف وسجل كلمتينٍ وصيّه
لو عشت في آلدمآم عآمٍ وعآمين=وآلله مآينسى آلخوي عن خويّه

وسلامتكم
سالم اليامي

[صعبة المنال]

اللهم صلى وسلم عليه

مساك كادى يا اليامى

نص جزل ووافى

تستاهل الوالدة الله يخليها لك


والنعم بكل من ذكرت


صح لساانك مدد بلا عدد


صعوووووووب

[داعي الشوق]

صح لسانك يا بو محمد

وافي يا سالم و عساك سالم

ابداع جميل من شاعر مبدع و جميل

و لاهنت

********

[عبير الورد]

لكـن جوآلـي يعـيـد آلموازيـيـن
ويبـدل آوضـآع آلعيـون آلشقيّـه
لآ دقت إللي كل عمـري لهـآ دييـن
فديتهـآ فـي كـل صبـح وعشيّـه
وفديتهـآ بآلعـرض وآلطـول آميـن
ويـآلله عسآنـي فــدوة الحُفلـيّـه
ست آلحبآيـب سآحرتنـي بسحريـن
أُمـي حبيـبـة قلـبـي آلآولـيّـه
لآ رن جوآلـي وقآلـت هلآ ويـيـن
قلت آرحبي ثـم آرحبـي يآأسعديّـه
تبغى تصبحيـن بصبـح آلبدآوييـن
صبح آلقلـوب آلوآصـلآت آلوفيّـه
وآبسط معآها لين آفـل آلحجآجييـن
وفي صوتهـآ آلرنـآن لـي جآذبيّـه
وآنسى آلعذآب وحزة آلهـم وآلبييـن
وتنشـط خلآيـآ المُـخ بآلشآعريّـه
وآجيـب مآيطـرب عقـول آلوفييـن
ومايكسر آهـل آلجهـل وآلجآهليـه




الله يطول بعمرها ان شاء الله ويخليها لك

لاجــديد سوى انك البسـت الابــداع حلة جديده
سلمت ولاهنت ولاهان منطوقك الجزل

[عمر ال شيبي]

يالله حيك ياليامي

جزله وارويتنا شعرا وفكرا

لا هنت ابد
صح لسانك

[حي الضمير]

صح لسااااانك مدد شاعرنا المميز سالم اليامي

وقصيده شامخه وترفع الراس وعوااااااايدك ياجزل

[عبدالعزيز البليهد]

لآ دقت إللي كل عمـري لهـآ دييـن ......فديتهـآ فـي كـل صبـح وعشيّـه
وفديتهآ بآلعـرض وآلطـول آميـن ...........ويـآلله عسآنـي فــدوة الحُفلـيّـه



الله عليك ياسالم


هالبيت قصايد والباقي رجاحه

صح لسانك ولاهنت

وربي يحفظ لك الوالده ويطول بعمره

[أم ريما]

صح لسااانك

قصيده رائعه

يعطيك العافيه

ولاهنت

[عيدالماجد]

صح لسانك مدد بلا عدد تحياتي

[زهرة اللوتس]

قصيدة شامخة بكل معانيها
حروفها أورقت بالقلب
وأينعت بالعقل
مبدع واكثر

اجلالي

زهرة