هموم الوقت وجراحي(بالصوت)

[الطائر المهاجر]

هموم الوقت وجراحي وفجرٍ ما به اشراقه= وليل طال واقدارٍ تصرفني على كيفه
ادوّر مع شعاع الشمس فرحه لوهي اسراقه = ولكن كيف بلقاها بوقتٍ واضحٍ زيفه
زمان الصمت لا تقتل بربك روح توّاقه = كفايه قلبي المضنى تكسّر في مجاديفه
اولّع للأمل شمعه وريح الوقت سبّاقه = تطفّيها ولا تدري ربيع القلب من صيفه
ومخاييلٍ تلوح ولا امطرت والنفس مشتاقه= تبي ريح الندى يحمل بقايا ذكر من طيفه
ولكن الزمن عيّا غلق بالياس آفاقه = حرق باقي الطموح ولفّني باقصى متاحيفه
تماثيل الزمن وقفت تعزّيني على فراقه = بعد عمرٍ مضى في دوحته احرم سواليفه
اهاجر في سما النسيان علّ اسلى عن اشواقه = مثل طير فقد ريشه يهاجر رغم تنتيفه
قيوده تدمي عروقٍ بقلبٍ يسكن اعماقه = ابي لحظه يفك القيد وابعد عن مراهيفه
حبيبي والعشق عهدٍ نسيت اليوم ميثاقه= نسيت إنّك كتبته نبض كيف اليوم تحريفه
على بعدك على هجرك على حبّك وترياقه= احبك روح احبك قلب فانت الحب وتعريفه
ابنخى طيفك المسجون يمكن يطلق وثاقه= يجيني بالسنه مرّه ويسعدني بتشريفه
انا لولاك ما ابغى الكون مالي شفّ بدقاقه= وجودك بس يكفيني اقاوم في عواصيفه
ابي لو تقربي للقلب ما تخشين احراقه = مثلما كوكب الزهره سعى للشمس من كيفه
يبيها تدفي عظامه وتبعث روح دفاقه= ماهو مثلك نسيتي القلب حطمتي مجاديفه
مادام إن الجماد ايحن البعضه لحظة فراقه= علامك وانتي انسانه حرمتي القلب من طيفه
ابرفع شكوتي للي ضمن للطير ارزاقه = واقول الحب ياربي قتلني ظلمه وحيفه

[جلال العتيبي]

تسلم طال عمرك

وفالك المليون

ومافيك حيلة ؟؟؟

صحيح ابو عبدالله مافيك
حيله

الطائر المهاجر

ابي لو تقربي للقلب ما تخشين احراقه=مثلما كوكب الزهره سعى للشمس من كيفه

هنا إبداع واضح واقتباس من حقيقة الكون من حولنا..


الراقي /عثمان العبدالله

تقبل احترامي الدائم..

دمت بخير

[ابومياس]

اكتفي بالاستماع

فالصمت ابلغ

صح لسانك

دمت بخير

[نجم الإبداع]

ابو عبدالله

صح لسانك وفكرك

تصوير بديع لواقع مرير

الله يحلها وانا اخوك

لاهنت

تحياتي وودي

[بنت القصيد]

الله عليك يالقرم
صور خياليه من جروح واقعيه
صغتها بمهاره حرفيه لا يتقنها سوا فطحل شرواك يالقرم

صح لسانك
تحياتي
اختك بنت القصيد ..........

[حمد العيد]

القدير/ الطائر المهاجر

ابدااااااااااااااااااااع وامتااااااااااااااااااااااع استحق البقاء سلمت ولاغاب هالصوت وراعيه

لاهنت استاذي وصح لســـــــــــــــــانك

ودي وتقديري

روض الغلااا

[عذبة الطباع]

صح لسانك ابو عبدالله
رائعه بروعة حضورك
تحيات لك..

[ابو زياد]

صح لسانك يابو عبدالله يارائع
مسكت
ويعجز عنك التعليق