ليت عينك مع عيني ياعمر الشيبي

[الطامي]

ليت عينك مع عيوني ياعمر الشيبي = ثم تشوف اللي اشوفه وانشدك وش حالك
عزتي لك ياعمر وان شفتها بالسيبي = غير تضيع وجهتك والله علم باحوالك
واتّلعثم من حكاها والدموع اصبيبي = وان نوت تاخذك بالنظره تركت اعمالك
عينها عين الوحش لافك من تقطيبي= وعنقها عنق الغزاله حض من هو مالك
لاهرج لك كن في هرجه رمح تصويبي = لوبغيت تروغ منها نوب مايمدالك
واعذابك من عناها لابقت تقريبي = لوتولعك بهواها نوب ماتصفالك
عزتي لك لاتنوشك ثم دواك صعيبي = مير طعني وترك المجمول رح بفالك
كم شجاع قد رحل مافاد به تطبيبي = ومثلها ياكثرهم يسعون في غربالك
قبلنا وافي وشيمه لوّها تركيبي = مثلهم كثر الحقايق من سببهم هالك
البني مثل العسيف اللي تبي تاديبي = المروفه فيهم ومنك فلايطرالك

[داعي الشوق]

صح لسااااااااانك يا منصور

مشاكاة جميلة و رائعة

يعطيك العافية يا بو محمد

و الشيبي ما راح يقصر ابد

**********

[كظيم]

الطامي
الله عليـك
صح لسـانك وفكرك
قصيده جزلـه ووافيــــه
والله يعينك على النظرات
قلبك خضــر يابعـــدي
ابدعت لله درك
تقبل مروري المتواضع لاهنت
ودي وتقديري

[حي الضمير]

صح لسانك ملايين
قصيده رائعه وابدعت بارك الله فيك
أجزل التحايا والاحترام

[المحيط الهادي]

صح الله لسانك قصيده في غايت الجمال والروعه

[عبدالعزيز العمار]

صح لسانك يالطامي ولاهنت

صوت رائع وجزل في طرحك وننتظر صدى عمر آل شيبي

تحياتي لك ولهطولك الجميل

[الطائر المهاجر]

صح لسانك ولا هان راسك
دمت كماانت مبدعا
تحيتي الطيبة

[حوريه]

صح لسانك مبدع دائما يالطامي
دمت ودام حرفك ونبضك
تقديري

[هاوي نجد]

الطامي صح السانك ملايين
مراسله رائعه يعطيك العافيه
تقبل تحياتــــــــــي

[عبدالله راشد الثويني]

صح لسانك يابعدي .. أبدعت وامتعت كعادتك
تسلم يمناك على ماخطت
طامعين بجديدك دائماً
تقبـّـل تحيتي