في غابةٍ فيها صنوف الحصاني

[الطائر المهاجر]

في غابةٍ فيها صنوف الحصاني = وكلٍ يحوش النار لارنب يصيده
بعض يتسلق عاليات المباني= حتى يصل للي بنفسه يريده
وبعض بمكانه صايد كل عاني= يدور على حقٍ ولاقى جحيده
وبعض فتات يلقفه في هواني= من فضله لحصني كبير اللغيده
واحد يبيع الارض سر وعلاني= واحد يبيع الدين بقيمه زهيده
حتى ولو تفتف فلا له وماني= منافق يمشي بوجيه عديده
حصاني لا ذمه وضمير ووماني= كلٍ يفكر كيف يرفع رصيده
ومن بعد مالغابه بها اجمل جناني= بدت تثير غبار صعب تهجيده
والذيب غافي من ظروف الزماني=ولا هوب داري بالحصاني البليده
والحر بالغابه يعرف المعاني= يدري الحصاني ما تخلي شريده
يدري بعضها جا من اقصى مكاني= وبعضٍ خشاش ولا عرف له بديده
ما كل شي يترجمه باللساني = يكفي بحرف الجر يبدا قصيده
من ضحك له وقته ووصل الأماني= يجيه ما يترك عيونه سهيده

[منيع]

جزل ومبدع وحكيم
شكرا لك ولحرفك الذي يرقب ويرصد الاحداث دائما
تحياتي لكم

[داعي الشوق]

الله يكفينا شر الحصاني

وصح لسانك وحرفك ياعود

واضح انك شايف لك شي .. بس علمنا عنه

[بنت النور]

صح لسانك وعلتى شانك
لاهنت
ابيات في قمة الروعه
تقديري لك

[الطامي]

صح منطوقك والسانك
طيبه ومعبره
لاهنت

[الطائر المهاجر]

شكرا منيع
على كريم المتابعه
لاهنت
تحياتي

[علي القرني]

صح لسانك الى يوم الدين

جزالة وضياء من الحكمة وعمق فكري

ابدعت استاذنا لا عدمناك

احترامي وتقديري

[احمد الكثيري]

بـعـض يتسـلـق عالـيـات المبـانـي
والبعض والبعض والبعض ابداع شعري مكتوب باحرف مميزه