قرب وابعاد

بعد التحيه

هذه الابيات

امل ان تنال رضاكم

سلام يانبض الفكر قـرب وابعـاد=سلام من قلـب المحـب المعنّـا
سلام ياغلى من لفا القلب واعتـاد=سلام يـا عشقٍ بقلـبي تثنّـا
جذبت من بحر الشّعر لوبه اجهاد=واخذت من شعـرٍ بعيـد المغنّـا
احسّ في جوفي من الحبّ وقّـاد=لهيـب نـارٍ بالـفـؤاد يتسـنّـا
انا اشهد ان الزّين ينقـاد لاسيـاد=معزّتـه معـك وبـهـا يمتحـنّـا
معك بدا للزّيـن موعـد وميـلاد=ظهر معك يابنت من صغر سنّا
يهيم بك مخلص ولك دوم ينقاد=بنات جيلك من حلاك اشتكنّا
مالك مع الزّينات ياشوق انداد=اذا حضرتي كلهن يختفنّا
اهيم واعشق للغلا عنـدي ابعـاد=نظمت نبضـي والبنـات احتسنّـا
احبّ ذيك النّاعسه صحوة ارقـاد=مفـاتنٍ بالحـال لاسلـهمنّا
واحبّ زولك عندي هو عيد الاعياد=واحبّ حرف من الشّفاه انطقنّا
واحبّ ليلٍ لاغشى النّور وارتـاد=واحـبّ فيـك المرهفـه لابدنّا
واحبّ فكرٍ مطلبـه دوم الامجـاد=واحـبّ عـزٍّ يالغـلا بـك تغنّـا
واحبّ واهوى فيك من غير تعداد=بغيت اعـدّد والبيـوت خذلنّـا
زهمت شعري لكن الشّعر ماجاد=وصايفك فوق القصيد اعتلنّا
بقول احبّك من على روس الاشهاد=انـا هويتـك والجروح شهدنـّا

ودمتم بخير

[صنداح الزلامى]

[blink] ليــســــــــــت



قصــــــــــــيــــده[/blink]

















































































































جوهرة صح الله لسانك

وبيض الله وجهك تقبل مروري



المتواضع --------

[الطامي]

الله عليك يافهد
صح السانك
وصف جميل
الله يعينح على المحبه ودروبها
ايييه اسأل العود ابو عبد الله تراه مجرب

صنداح الزلامي

ياهلا وغلا فيك

حضور يشرفني واسعدبه

لاهنت وصح بدنك

لك التحيه والتقدير

منصور المري

ياهلافيك

صح بدنك يالغالي مشكور على حضورك هنا

اكيد هو اعرف منا بهالامور ومانستغني عن شوره

تحياتي لك

[عبدالله راشد الثويني]

مبدع مبدع مبدع
تسلم ولا هنت
كما عودتنا يا استاذ مطلق لا تحضر الا الروائع
تحيتي لشخصك الكريم

[نجم الإبداع]

فهد المطلق

صح لسانك وقلبك

عاطفيه راقيه


شكرا لاتحافنا

لاهنت

فائق الود
والاحترام

[ســُلاف]

مالك مع الزّينات ياشـوق انـداد
اذا حضرتـي كلـهـن يختفـنّـا
مااجمل ان تعشق الروح حتى تصل لهذه المرحلة لا ترى اجمل منها ولا يوجد من يضاهيها جمالاً
فهد المطلق
صح لسانك

[مبارك أبوظهير]

فهد المطلق



صح قلبك وفكرك .. أبدعت لاهنت



تحياتي وإعجابي



مبارك

الله عليك

ياعذب القصيد

متابعتي لك

يالغالي