تركته والفراق اكبر جريمه في نهاياتي

[سعود المحجان]

تبعته للغرام اللي يتوهني مسافاتي=تبعته والفراق اخر محطاتي ومحطاته
تركته والفراق اكبر جريمه في نهاياتي=تركته في غلاه اللي يتوهني مسافاته
احبه (قل )اعشقه عشق ولاغيره سكن ذاتي=وهو مثلي عشقني عشق ولا غيري سكن ذاته
هديته كل ما املك ولاحدٍ سوًى اسواتي=وهداني كل مايملك ولااحدٍ سوُى اسواته
يسامحني على الغلطه وانا ياكثر غلطاتي=وهو ماقد علي اخطا ولا حسيت غلطاته
يبادلني غرام احباب اضيًع كل وجهاتي=واموت ابصوته الدافي ولــله در همساته
موسيقة حب محرومه من ابداعي وكلماتي=ينام الليل بعيونه على صوته ونبراته
وانا ونجيت اقايس حب قدراته وقدراتي=لقيت ابداع رومنسي وماني يم قدراته
تمكن لعنبو حيًه في صحواتي وغفواتي=ياليت اني تمكنته في صحواته وغفواته
اعيش الليل من دونه على موال حسراتي=وانا والليل والعبره وجر الليل آآهاته
أغني فالقصيد اللي يخفف من معاناتي=واحس الليل يسئلني على تركه وفرقاته
تلعثم صوتي البارح وضاعت كل اجاباتي=واخاف الليل يسئلني بروحاته وجياته
انا برسل عليه امن الغلا فيني تحياتي=سلام الله على ذاك الغرام وبسمة اشفاته
وسلام الله على حبٍ يتوهني مسافاتي=وانا ماقدر على حبٍ تتوهني مسافاته
وهذي قصة البارح وهذي من خيالاتي=وانا شاعر وكل شاعر يئلف من خيالاته

[الطائر المهاجر]

سلمت
وصح لسانك وفكرك
ولاهنت
تحياتي

[داعي الشوق]

لله دررررررك يالشاعر سعود المحجان

ابداع شاعر فنان في توظيف الكلمات

صح لسانك مليوووووووون

مع تحيتي لك

و عيدك مبارك

‘‘‘‘‘‘‘‘‘‘‘‘‘‘‘‘‘‘

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^

[عبدالعزيز ابراهيم المنصور]

كلمات رائعة صح لسانك وكذلك بحر القصيدة رائع دمت مبدعًا دمت بخير

[حوريه]

وسلام الله علـى حـبٍ يتوهنـي مسافاتـي
وانا ماقدر علـى حـبٍ تتوهنـي مسافاتـه

الشاعر سـعـود 00

صح لسانك وعلا شأنك

نص جميل وراقي00

كما عودتنا على تقديم الأفضل والأجود

تحيتي ومودتي

0

0

[منيع]

في منتهى الروعه والابداع
تسلم
تحياتي لكم

[عبدالعزيز البليهد]

صح لسانك ولاهنت

بوح جميل ونص ابداعي

[نجم الإبداع]

ارحب ياسعود

وصح لسانك على المصافحه الراقيه

وكل عام وانت بخير

لاهنت

مودتي

[الخنساء]

صح لسانك وعلا شأنك

قصيدة جزلة من شاعر جزل

سلمت ودام حرفك