ان كـان بـه نــاس راحتـهـم اروبـيـه

[الطامي]

لاجيـت بـدلـه مــن الــدار الجنوبـيـه=ذكرنـي الـلـي يـصـور دوجـتـه فيـهـا
يسـقـى الــى مــن تـواعـدنـا بـمـاريـه=انــا وابـــو خـالــد المـنـعـور نبغـيـهـا
ياحـامـد الـقـرم لا مــن جالـكـم نـيـه=تبـغـونـهـا يالـسـنـافـي وش نتـنـيـهـا
حـمـل زهـابـك مــع البـتـرول والمـيـه=وانــــا بـاجـهــز بـواقـيـهــا مـاخـلـيـهـا
يــازيــن مـرواحـهــا لامــالــت الـفـيــه=فوق اربعين وميه ممشـى حراويهـا
مـــع خـــط قــــارٍ يــوجــه للجـنـوبـيـه=يبرى له البيب في الرمله بشرقيهـا
اذا وصلـنـا بـطـرف الـعــرق غـربـيـه=تــدبــر الــســـوم والـســكــه نـخـلِـيـهـا
وخفـف هـواء تايـرك وقيـاسـه بلـيـه=وركــب جـهــازك ولاتـنـسـى مدلِـيـهـا
لاروحـــــت فَــرقـــة ولابـــــه مـحـنــيــه=كنها الشواهين تنصا اللي يناديهـا
ارفع بصوتـك وقـت دنـدان عصريـه=واجــاوبــك مـثـلـهــا واردف بـتـالـيـهـا
تـنـبــه لـسـرعـتـك والــقــاع مـسـفـيــه=وحـذراك تخطـي زبـاره خيـط تاتيهـا
الـعــرق يـســراك والـعـفـجـه يـمـانـيـه=وشنانهـا والغضـى مانـت بحراويـهـا
ومـن السبـخ قطعـة كـنـك بمسحـيـه=شـرقـي الصبـابـيـح قـيــزانٍ تراعـيـهـا
لاوقـفــت اثـبــت الـمـنـهـاج لـلـضَـيِـه=جــنــوب شــــرقٍ وحــــذرا لاتـعـديـهــا
لاهـــوّد الـلـيـل قــدنــا فــــي حــراويــه=هديـب شــام الجمـاعـه دوم راعيـهـا
تـنــبــه الـنــورنــا نــــــادا بـجـهــريــه=شفنا انواره يـولـعـهـا ويـطـفـيـهـا
هادي ابـو خالـد ابـن مثيـب ياحيـه=تـلـقـى الـتـراحـيـب والــدلــه تـبـاريـهـا
وكبـشٍ سميـنٍ وكسـرة عـود هنـديـه=ومـــــــلال درٍ حـلــبــهــا مـايـخـلـيــهــا
وفلة احجاج مع اللي هنـاك وهنيـه=تــروح الايــام تنـسـى كــل ماضيـهـا
مـــــا نـسـتـمــع لـلـجـزيــره والـعـربـيــه=نرتـاح منهـا ومــن اخبارٍ تسويـهـا
نرتاح من الصجه اللي دوم عفويه=وكثـر الطلبـات مـن نـاس نحاتيـهـا
ان كـان بـه نــاس راحتـهـم اروبـيـه=فـانـا تــرى راحـتـي الـبــران واهلـيـهـا

الله الله صح لسانك

مبدع تقبل مروري

[كظيم]

ان كان به ناس راحتهم اروبيـه
فانا ترى راحتي البران واهليهـا

الله عليــك

الطـامـي
صـح لسـانك وقلبك
ابيـات جزلـه ووافيــه
وصفت ابدعت
وكل الراحـه في مضمون هالدرهـ
لله درك
تقبل مروري المتواضع لاهنت
ودي وتقديري

ما نستمـع للجزيـره والعربيـه
ترتاح منها ومن اخبارٍ تسويهـا

[عبير الورد]

صح لساااااااااانك ملايين

سلمت وسلم منطوقك الجزل

ربي يعطيك العافية

[بيدي رسنها]

الله الله عليك يالطامي .. صح لسانك مليون وسلم عمرك وحرفك .. ابداع من شاعر مبدع .. تحياتي ..

[عبدالعزيز ابراهيم المنصور]

الطامي
صح لسانك ولاهنت
دمت بخير

[داعي الشوق]

صح لسااااااااانك مليوون يا بو محمد

ولاهنت يالشاعر

قصيده معناها جزل ،،

البر طب النفوس الانطوائيه = يشرح صدور ٍ بها اللوعات تكويها

[عبدالإله]

صـح لســآنك و احساسك ،،

وزان حالك وبالك ،

اذا وصلـنـا بـطـرف الـعــرق غـربـيـه

تــدبــر الــســـوم والـســكــه نـخـلِـيـهـا

صح لسانك مدد بلا عدد

[نفحات حساسة]

الله الله

صح السسسسسسسانك مدد

ولالالاهنت يالجزل..نص رائع..يعطيك العافيه

تحيتي لك..