قصيدة هيض المشاعر

[سعيد عوده الحويطي]

الاخوة اعضاء ومشرفي وزوار هذا المنتدى الرائع منتدى الفطاحلة

السلام عليكم ورحمة الله وبركاته

اولا اود ان اشكركم جزيل الشكر على ردودكم الرائعة والمشجعة واود ان اشارككم بهذه القصيدة على امل ان تحوز على رضاكم واعجابكم

الشعر هاض بخاطري واستعدي = وزين القوافي جاهزه مستعده
لا هاض شعري بين هزل وجدي= اترك هزيل الشعر واخذ بجده
بيني وبين الشعر دايم تحدي = ودايم على زين المثايل نحده
وشعر بلا معنى عسى مايردي = ولايسير له بين النشاما مرده
واسباب مابيح خفايه وسدي = غفرا على دربي وقف به وسده
ينهم على معزاه ويشر بيدي = شنطه على كتفه ودفتر بيده
شي على راعي الغنم مستجدي= موضه جديده توها مستجده
منول راع الرعيه يعدي= ويجهزوه اهله بقربه وعده
واليوم يسرح للدلع والتفندي= والسبت يدرس عند عبله ورنده
واشرت له باليد يازين عدي = خل الطريق ارجوك يازين عده
ولديت فيه الشوف والزين لدي = واللي حصل ماغير لده ولده
ماباين الا رمش عينه وخدي = سبحان من صور جماله وخده
واقفى يهد اخطاه بالمشي هدي = مدري خجل والا شقاوه يهده
اكيد شاف الشيب فيني وصدي = ودايم بياض الشيب مثله يصده
وقمت اتذكر مامضالي ومدي = وقت مضالي من سنين ومده
ايام في راس الطويله نعدي= وكثر الشقا في عيشنا مانعده
ايام فيها للمعيشه نكدي = والعيش فيها بالشقى والمكده
بدوا فضانا واسع مايحدي= ماله زمان ولا مكان يحده
منين ماحل الحيا له نشدي = والبيت من فوق الرحايل نشده
وعاداتنا من فضل ربي نمدي = ولانبخل عالمحتاج باللي نمده
الضيف له ترحيب مع طيب ودي= وعاداتنا للضيف طيب وموده
الكل منا في لزومه يسدي = وقت اللزوم اللي يحضره يسده
واليوم صرنا للحضارة نلدي = وعيش البداوه مالنا فيه لده
واقع حقيقي مالنا منه بدي= ولاعاد ينفع فيه بده وبده
والله ماني للحضاره بضدي= والعلم والتطوير ماني بضده
عبرت عن رايي وهذا مردي= واللي معه رايا علينا يرده

[حي الضمير]

ياسلام يابوعوده
ابدعت حيل ياجزل
ومدد صح لساااانك يامميز

[عبدالعزيز البليهد]

للبدواه طعم رغم شغف العيش وقساوة الظروف لايدرك حلاوتها الحضر

وصفت فأجدت واخذتنا معك في جو جميل يفتقده اهل المدن وحتى من كانو باديه

والشيب وقار يابوعوده لو إن العفراء ماتبيه

قصيده جزله لاهنت

صح لسانك واعتلا شانك

[أم ريما]

صح لسانك

قصيده رائعه

يعطيك العافيه

ولاهنت

[مسلم عواد العميري]

صح لسانك ابوتوفيق
والله هيضتنا الليله
خاصه ان الديره ممطوره
توها’’’’
لاعدمنا تواجدك العطر.

[الطائر المهاجر]

صح لسانك وقلبك
جزلة وقوية من شاعر جزلات
واليوم يسرح للدلـع والتفنـدي
ياليتها:
واليوم يسرح للدلع في تردي
لاهان راسك
تحياتي

[الخنساء]

الضيف له ترحيب مع طيب وديوعاداتنا للضيف طيب ومـوده

الكل منا فـي لزومـه يسـديوقت اللزوم اللي يحضره يسـده

واليوم صرنا للحضـارة نلـديوعيش البداوه مالنا فيـه لـده

واقع حقيقي مالنـا منـه بـديولاعاد ينفع فيـه بـده وبـده

والله ماني للحضـاره بضـديوالعلم والتطوير مانـي بضـده

عبرت عن رايي وهـذا مـرديواللي معه رايـا علينـا يـرده

صح لسانك مليوووون ولايكفوون

قصيدة جزلة من شاعر جزل

سلمت ودام حرفك

[الـزلـزال]

سعيد الحوطي

نص رائع ومميز

من شاعر متميز ورائع في كل مايقدمه

أبدعت شاعرنا وامتعت كالعاده

دمت بخير ودام لنا نبض حرفك

صح لسانك ملايين ملايين

ولك فائق تحياتي وتقديري

كتبت فابدعت فأمتعت
صح لسانك
لاهنت
احترامي

[همس الورد]

الله الله رووووووعة

صح لسااانك مليوووووون و صح بدنك

بووووووح رائع

تحيتي