تهتك وشاحه

[ساهر الليل]

هذه القصيده لها مناسبه وزمان ومكان,,,,امل ان تلامس الاذواق

حيرتني ياطير سدل جناحه=بين الطيور العابره صد عني
مدري صدودك فيه للعين راحه=والا نويت البارحه تمتحني
حيلك على قلبٌ تهتك وشاحه=ينبض بحبك لاتزيد التجني
ياطير !! لك في جو عيني مساحه=ماهي لغيرك لو يطول التمني
دارت بي الافلاك في كل واحه =والروح من سبة عناها تحني
حسبي على قلبٌ تزايد جراحه =ماجا على كيفي ولا حسب ضني
حبك تمكن به وتله وطاحه=واليوم يالمحبوب جرحك مكني
ان كنت سالي بين نسمه وباحه=والا نويت الصد والعذر مني
باعذرك ! واخفي عبرتي والصراحه=واترك من اسبابك سديمٌ حظني

[عبدالمحسن الرحمه]

الله الله عليك محبوكة حبكة لله درك
صح السانك وجاد بيانك موفق فاضلي

[عيادة الجهيلي]

ياسلام عليك مليون صح السانك مليون ياغالي لله درك ياشيخ

[هترل]

حيلك على قلـبٌ تهتـك وشاحـه
ينبـض بحبـك لاتزيـد التجـنـي
ياطير !! لك في جو عيني مساحـه
ماهي لغيرك لـو يطـول التمنـي


هااالله الله يابو نوا ف

صح لسانك وزان فالك وطاااب حالك
نص جميل وشاعر جزل ومتمكن الله يوفقك
تقبل مروري المتواضع

تحياتي وتقديري

[حي الضمير]

راائعه وابدعت شاعرنا الرائع محمد
ومدد صح لسانك يامميز

[الطامي]

هترررل
صح السانك ملايين
ابداع من مبدع
لاهنت اخي

[مشعل التريباني]

حيلك على قلـبٌ تهتـك وشاحـه
ينبـض بحبـك لاتزيـد التجـنـي
ياطير !! لك في جو عيني مساحـه
ماهي لغيرك لـو يطـول التمنـي
ساهر الليل
صح لسانك
ابدعت وامتعت
قصيده رائعه
ومؤثره جدا

[عبدالله الشويمان]

صح السانك يا اخ محمد

قصيده جزله مبنى ومعنى يا الجزل..

دمت بخير وصحه وسلامه..

[احمد المنتشري]

حسـبـي عـلـى قـلــبٌ تـزايــد جـراحــه
ماجـا علـى كيفـي ولا حسـب ضنـي
حـبــك تـمـكــن بــــه وتــلــه وطــاحــه
والـيــوم يالمـحـبـوب جـرحــك مـكـنـي
ان كنـت سالـي بيـن نسمـه وبـاحـه
والا نــويــت الــصــد والــعــذر مــنـــي


يالبيه يالشعر العذب القراح
نص وجداني جميل ومحبوك البناء
صح اللسان وسلم البنان ولا نضب لك فكر

الزهراني محمد

تحاياي لكـ

[منيع]

كل الروعة والابداع
شكرالكم
تحياتي