امس جاني ضيف .. ليت الفطاحل تمسكه

[علي محمد العتيبي]

جديده ومتواضعه

اقبلوها كما هي

؛؛

؛؛

امس جاني ضيف واسمه مع الناس بركه = والله انه غير هالاسم مافيه بركه
قلت يالله حيّ من جاء ويامرحب هلا = والله ان ترحب وتقلط وفالك تدركه
واجبك ياضيف الاجواد من سمن وسمين = والغلا والبن الاشقر واخوك مرستكه
قال انا والهيل والبن مافيه اتفاق = عندي القيلون هاجد وهي بتحركه
قلت يارجّال قال الشعير احسن بديل = قلت تبشر لو تبي جبت هالحين تنكه
ثم جبت التمر نقوة خلاص من الحساء = قلت له اقدع وانا العود الازق افركه
قال انا عندي ربو والسنون مكسّره = قلت له في خاطري جعل تكسرك بلكه
قلت طيب بس تدري نويت اذبح طلي = العشاء مافيه شكٍ ٍ يطيح وتعلكه
قال انا رجلٍ مريض واشتكي عسر الهضم = ليت والله ياعلي لو تجيب لنا سمكه
ابك هذا كلّ مافيه جالس يوجعه = كلّ عضوٍ فوق الآخر يشنّ المعركه
قلت يابلفيت قدرك ترا ماهو قليل = قال لا يكثر ترا بعض هرجك فبركه
هبّ جعلك ماتبارك ولا تخطر رفيق = اشهد انك ضيف ماشفت مثله يابركه

[عيدالماجد]

قلت طيب بس تدري نويت اذبـح طلـي
العشاء مافيـه شـكٍ ٍ يطيـح وتعلكـه
قال انا رجلٍ مريض واشتكي عسر الهضم
ليت والله ياعلي لو تجيـب لنـا سمكـه


صح لسانك اخ علي العتيبي بعدين يااخي خله على راحته دامه يبي سمكه مافي داعي للخسارة عموما الف تحيه وتقدير لشخصك الكريم اخوك عيدالماجد

[الطامي]

ههههههههههههههه
علي محمد العتيبي
هذا الضيف المبارك
الرفيق المخسر عدو مبين
لاهنت وصح السانك
رائعة من مبدع دائما
شكرا لك

[ابومياس]

قلت يابلفيت قـدرك تـرا ماهـو قليـل
0000000000قال لا يكثر ترا بعـض هرجـك فبركـه
هبّ جعلك ماتبـارك ولا تخطـر رفيـق
00000000اشهد انك ضيف ماشفت مثلـه يابركـه

اوي والله ضيف

ههههههه

عزالله انه اللي يرفع الضغط

على اجدت التصوير ونقلت لنا واقعة هذه القصة سواءً من نسج الخيال

او من ارض الواقع 0

صح لسانك وبيض الله وجهك

دمت بخير

[all1=CC0000]الله عليك يابو محمد



ياخي في الوقت هذا ومع الغلا شكله متعاطف معك


فيه احلى من هيك ضيف ههههههههههههه



الله يرج سموك الكريم هههههههههه



على فكره صح لسانك وعقبال ضيف يوريك الشغل عدل



لاههههههههههههههههنت [/all1]

[راجي الحاج]

ههههههههه

الله يكثر منه

رائعه اخي علي

اسعدتنا بهذه الابيات الجميله

دمت بخير

هههههههه

صح لسانك ولا هنت

ضيف خفيف ما شاء الله

تحياتي

[سناعيس]

هههههههه
أجل ماله من اسمه نصيب
صح لسانك ياعلي فكاهية جزله
والمشكله ان اغلب الناس هالحين يعانون من مثل مايعاني بركه الله يشفيه ويشفي المسلمين
ضغط وسكر وامراض القولون العصبي والمعده وقل ياكافي
ملاحظه:
لو نقلتها للشعر الفكاهي يكون أفضل لانه مكانها الصحيح

تحياتي

[الخنساء]

صح لسانك اخي الشاعر علي
لاهان را سك قصيدة رائعه
سلمت وسلم شعرك
دمت بخير

[نجم الإبداع]

صح لسانك ياعلي

والله يعينك على هالضيف


ابدعت

لاهنت

فائق الاحترام