يشيب راس الفتى ما شابت همومه

[الطائر المهاجر]

يشيب راس الفتى ما شابت همومه= يكبر وتكثر وتتعبه ببلاويها
تغار كالخيل تطرد لانوى نومه = ولا من صحى جات له تعلن تحديها
اهموم وقتٍ ردي بانت علومه = فيه الذيابه غدت تخشى حصانيها
كم وافدٍ وصلنا متسلف هدومه= مع التستر غدا متحكم فيها
مؤسسات كبار خلفها بومه = يحمي الاجانب وهو بالاسم راعيها
يوظف على الكيف من اخوال وعمومه = ويرسل ملايين لبلاده واهاليها
وعيالنا كل واحد طاحت سهومه = معه الشهادات لكن وين باغيها
من دون "واو" وظهرمحدٍ بغى سومه= يعيش يومه بحسراتٍ يصاليها
بطالةٍ تنتشر باسباب مفهومه = فساد ماله حدودٍ في نواحيها
مابه رقيب وحسيب يحسب قدومه= دامه يحسّب حسابات يداريها
لو كان يخلص تلقّى الهوش او لومه= ويمكن يهمش ويخسر في تواليها
يسكت على اللي يشوف وياخذ رسومه= مهوب ملزوم يصلح من ترديها
الفقر والجوع مثل الارض ملغومه = ياسرع ما تنفجر محدٍ يطفيها
والداء لا من بدا في راس منجومه = ماله سوى الكي كود انه يداويها

[الطامي]

صح السانك دكتور
رائعة وهادفه
شكرا لك

[داعي الشوق]

ههههههههه ولله لا كي ولا مي ينفع 😬

عسى ربك يحلها بس ..

و صح لسانك مدد بلا عدد يا بو عبدالله

ولاهنت

[نفحات حساسة]

الله يكون بالعون...

وصح السسسانك...ولاهنت

ويعطيك العافيه

[منيع]

جزل ومبدع ورائع
بارك الله فيكم
تحياتي

[ساهر الليل]

هذا بلاك ياعقاب!!!!!

نص فيه غايه لازالت

غائبه , في ظل واقع الحال

كان الله في عون كل عاطل

وصح لسانك ياعووود

[بنت النور]

صح لسانك وعتلى شانك
يعطيك العافيه ياشاعر الفطاحله
لاهنت تحياتي وتقديري

[نجم الإبداع]

صح لسانك يادكتور

تقديري

[حي الضمير]

صح لسانك مدد ابوعبدالله
ابدعت وعوايدك

[الراقي]

جزله من راس جزل
صح السانك مداد
مع ارق التحايا لكم