ياهل الفطاحل بلغوها سناعيس

[نجم الإبداع]

يامن يوصلّ لي تحيه وتقدير = ياهل الفطاحل بلغوها سناعيس
وشب العلاقه صابها اليوم تخدير = ياونتي ياصاحبي ونة العيس

[سناعيس]

صح لسانك أخي الغالي
الشاعر فلاح بن منشار
ولي الشرف بأن ألعب مع شخصك الكريم
لأستفيد
والعذر والسموحه على التقصير
لكن عاد انت عارف عطله وعروس ماتخلص
استلم لاهنت

لاوالله اللي ذابحتنا المشاوير=عن صاحب له وزنه اللي بلا قيس
جيتك وانا من فرحتي حول ماطير=بنلعب وحنا أحباب وبنلعن بليس

[نجم الإبداع]

ارحب حياك الله
ياسناعيس
مامن قصور وانا اخوك دايم وافي
ياخوي تغيرت الدنيا
وتتالت الاحداث

صح لسانك

استلم لاهنت

ياصاحبي ربي يصبحك بالخير = مشكور لحضورك وهذي الاحاسيس
ياطير شلوى ماحصل منك تقصير = لكن ودي معاك نبني الهواجيس

[سناعيس]

صح لسانك وفكرك

الله من هوجاس يتبعه تفكير=في مامضي والمقبلات المراويس
لكنها ياصاحبي ماتجي غير=عاداتها دايم حروب ونواقيس

[أم ريما]

يعطييييييكم العاااافيه


متابعه

تحياتي لكم

[نجم الإبداع]

حياك الله
اختي ام فيصل
لاعدمناك

بترولنا مافادنا لو بتكرير = نخشى الحروب ونستمع للنواميس
كل العلوم اليوم ماغير تزوير = راح المثنى حسرتي عالقرانيس

[سناعيس]

بترولنا جبناه من جمة البير=الله رزقنابه من عقب تفليس
لابوش لاأوبك حتى ولابلير=يقدر علينا لابغيناه تسييس

[نجم الإبداع]

وش تاكل النمله مع كاسر الطير= شعوبنا ياخوي صارو متاعيس
جونا بالاسهم واجبرونا على السير = قالو حلال وضاع ليلى مع قيس

[سناعيس]

مادامنا ياخوي نهوى المزامير=لاترجي الرفعه ولاتامن نخيس
حتى ولو طار المؤشر والأنبير=لابد للعقل المفكر من رويس

[نجم الإبداع]

الذل فينا والكرامه لجنقير = عزّ العرب صارت كمنجه وترويس
هز المتون وعندنا الف تبرير=سني وشيعي ياحياة الملاحيس