لنا الشرف تبع الحرامي ونجيبه

[الطامي]

هذه القصيده هي بعد مداعبة احد الزملاء بمدينة الرياض لي بأني من قصاصي الجره
واحببت ان اوضح له شرف الوظيفه وهيبتها ،،، عسى ان تروق لذائقتكم

النا الشرف والنا الفخر ماهو بعيـب=نقـص جـرة الحرامـي ونجيبـه
ايلين ينفـذ فيـه حكـم التعاجيـب=قطـع يـده والا براسـه طليـبـه
ونكسب وراها لنا عدة مطاليـب=كسب الاجر والرزق وموت الحريبه
والناس فيها من مضى له تجاريب =وامسمياتٍ صار اسمها يعيبه
وعيب الرجل رده لبيت الاصاحيب =اللي أمنه وفاح له ريح طيبه
والا اذا صاحت ياستر الرعابيب=وتنخا هل العادات شافت مريبه
اقفى وخلاها بنحور الاجانيب=يبغي الحياه ومادرى انها مصيبه
وعيب الرجل لاصارهرجه مشاذيب=ورى الرفاقه صار مثل الرقيبه
وان كان تبغي لك افعول وتعاجيب =تاريخنا يشهد ولاهي غريبه
الجار بحقه والضيوف بتراحيب=والا خوينا افداه روحٍ حبيبه
انشد زياد الشيخ وش شاف ويجيب=من لابة تقدم ماهي تتقي به
ردو عليه وقالو اليوم مانغيب =نفدا خوينا ولا حياة المعيبه
نفخر بهم ونفخر بكل الاشانيب=اللي تروم الطيب ماهو غصيبه
وكل القبايل مانهثمها ولا نعيب=نعمٍ بها فعل وعلم وطيبه
وياللي تعذرب مهنة كلها طيب =لنا الشرف تبع الحرامي ونجيبه

[داعي الشوق]

كفو يا بو محمد كفو

و مليووون نعم

وصح لساانك

ولاهنت

[صعبة المنال]

وياللي تعذرب مهنة كلهـا طيـب
لنا الشرف تبع الحرامـي ونجيبـه

صح لسانك

صعوووب

[عبدالله مذكر العقيلي]

كفووووووووووووووووووووو

والله ونعم فيكم

صح لسانك

وبيض الله وجهك


تحيتي

[الطائر المهاجر]

صح لسانك
ولا هان راسك
جزلة من جزل
والنعم بك وربعك
تحياتي

[عبير الورد]

صح لسااااااااااانك ملايين
سلمت وسلم منطوقك الجزل
ربي يعطيك العافية

[مهدي الحبابي]

أخوي منصور المري

ومليون نعم بك وبربعك

صح لسانك واعتلا شانك

رايعه ووافيه من وافي

تقبل احترامي وتقديري

[عبدالله راشد الثويني]

ونعـــم يامنصور بك وبربعك
وصح لسانك مليون ولا يكفون
أبدعت وامتعت ياعزوتي
طامعين بجديدك دائماً
تقبـّـل تحيتي

[منيع]

اجدت وابدعت
شكرا لكم
تحياتي

[حسن الشريفي]

الطامي

صح لسانك

النا الشرف والنا الفخر ماهو بعيب
نقـص جـرة الحرامـي ونجيبـه

عزالله داعبته بالصميم ..