الراس شاب وقلبي اليوم ماشاب

[الطائر المهاجر]

الراس شاب وقلبي اليوم ماشاب = كني شبابٍ ما تعدى الثلاثين
لا من نصحته مفتهم لي ولا تاب = مفتون في شوف العذارى المزايين
يفز كالحاقول لاشاف له داب = ودّه يطير ولا نبت له جناحين
مدري متى يركد قبل يوم ينصاب = ويغرق ببحرٍ خادعٍ للمحبين
وتْجيه غارات النواعس والاهداب = تاخذه معها مادرى تاخذه وين
مرٍه اقول انه يبي عسف وعتاب= ومرٍه اقول الحق معه ابراهين
فمن لايحب الزين من عكف الاشناب= ماهوب حي ولو يعمّر مدى سنين
وطاوعت قلبي لكن الظن ما خاب= ادري خفيّف لا لقى داعج العين
ليلة خميس وشاف من يفتح الباب= ظبيٍ بنور البدر في ليل تشرين
غضٍ غضيض الطرف من عال الانساب= مانيب حوله لو ملكت الملايين
قرّبت حول الباب والقيت ترحاب = واقعد على الزلفه وهي ترقب الشين
عودٍ نحيلٍ من نظر له فلا ارتاب= شوفه قليل وماتعدى الحجاجين
عطشان ما به حيل من كثر الاتعاب = من يكسب اجره مالقى عضد ومْعين
قالت غريب وقلت من ضمن الاغراب= قالت تفضل راجعه من بعد حين
وادخل واوقف انتظر عال الارتاب = والبس درابيلي لعل اكشف الزين
وجتني تبادح كنها كاعب اتراب = والعطر يسبقها بورد ورياحين
وجسمٍ شبه عاري فلا ستر وحجاب=يوم اقربت وثري عمى القلب والعين
اعجيّز شمطاء بها الفكر يرتاب = لو شافها الشيطان قال الهرب وين
تحلق شنبها والفناخر كالابواب = خدامة جتنا من اقصى الفلبين
وانحاش منها مثل من تلحقه داب = لاعاده الله قلبٍ اخضر على لين
من طاع قلبه علته مالها اطباب= إلا بعقلٍ يحكمه منهج الدين

[العيناء العامريه]

يسعدني اكون اول القارئات ......

صح لسانك ....... ماشاء الله مبدع و تخطيت حدود ابداع الازمنه و الاكوان.......

دمت لنا بالف خير

[الطامي]

يسعدني اكون الثاني
الابسالك هذي من ايام الشباب والا والا
صح السانك

فمن لايحب الزين من عكف الاشنـاب
ماهوب حي ولو يعمّـر مـدى سنيـن


إبداااااع ياابوعبدالله

ماشاء الله القلب خضر



صح لسانك مدد بلا عدد




إحترامي

[محمد الأحمري]

هههههههههههههههههههه
صح لساااااااااانك مليووووون ولا يكفون
ياغالي
والله جزلة وجميلة ورائعة ومضحكه
ولكن عندي تعليق؟؟؟

استاذي الكبير
الحب ..
والشوق ..
والهيام..

مايعرف ولا يرحم كبير وصغير
وعمر الولع ماله دخل في العمر

ناس اعمارهم كبيره وقلوبهم خضراء
تحن وتتولع وتحب
ولو الحب بشكال ورسوم ماكان فيه حب اصلاً

والكلام هذا مو موجه لك
فأنت شاب وروحك خضراء
والله نضحك ونسعد بما ترسمه هنا


يا الطائر اقلوبنا اليوم معذورة=شي(ن) يليج داخل القلب مانام
الزين لقبل او تبادى حضوره=كاالطير كافخ لاشكى عود اوحام
هذا انت دكتورٍتبي طب تكتوره=تسهر تداري قلب رطبٍ وهيّام

[الطائر المهاجر]

مايهرول الذيب عبث يامحمد
الهدف من القصيدة واضح
لاهنت

صح لسانك يالمهاجر

تسلم على هالابيات الجميله

لو ان الحظ لك عليه

بس قصيده رائعه لاهنت

تحياتي

[إستبرق]

من طاع قلبـه علتـه مالهـا اطبـاب
.. .. إلا بعقـلٍ يحكمـه منـهـج الـديـن

قصيــدة هــآدفــة تحمــل بيــن طيـآتهـآ الكــثيــر مــن الـروعــة ..

هـكـذآ أنــت أيهـآ الـمهـآجــر للــرقــي .. دومـآ رآقيــآ بفكــركـ وطـرحـكـ وبـوحكـ

صـح لسـآنـكـ .. ودآمـ إحســآســكـ ..

وعـآفـآكـ آلــرحمـــن ..




آرق التحـآيآ..


إستبرق

[ابومياس]

تحلـق شنبهـا والفناخـر كالابـواب
000000000000خدامـة جتنـا مـن اقصـى الفلبيـن
وانحاش منها مثـل مـن تلحقـه داب
00000000000لاعاده الله قلـبٍ اخضـر علـى ليـن


الله يعينك

الشوف شجر والقلب خضر

ابو عبدالله انت ممتع

في نسج الحروف وتحويلها الى قالب

ساخر يناقش موضوع هادف

صح لسانك ودام راسك

دمت بخير

[مبارك أبوظهير]

منت هين ياالعود







صح لسانك .. وقواك الله




أبدعت لاهنت




مبارك