أختر نسيبك 00 جديدة

[شجاع عمر الأكلبي]

جديدة هذه الليلة الجمعة 28/3/1429هـ وتتحدّث عن نفسها

أستغفر الله عدد مارفـّت بروقه=وعداد وبل ٍ يهلّه صادق حقوقه
وعداد حب ٍ يوفى الكيل في سوقه=وعداد مابين أراضيها وسابعها
وأسألك يالله في دنياي تسترني=وأطلبك عفوك بقبري لاتعذبني
وفي ظل عرشك نهار العرض تحشرني=ونفسي بعالي جنان الخلد ترفعها
ويانفس توبي لربك وأحسني الطاعة=ولأوامر الشرع والمحبوب منصاعة
لأجل إنها لك تجارة وأحسن بضاعة=تجارة ٍ مع أمين ٍ مايضيعها
وأنصحك يامن طريق الحق خالفته=تتبع هوى النفس والمحذور والفته
تمشي بظلام الخطا والحق قارفته=وأهل المعاصي تقدسها وتسمعها
عوّد ترى الموت مايخبرك بقدومه=وقلبك على طاعة الله نشط عزومه
طاعة وليّك لقلبك خير مطعومه=وأحرص على سنـّة المحبوب وأتبعها
وترى رضا الله برضا اللي تلاقوبك=أبوك وأمك يومنك صغير بروبك
أبوك يتعب عليك وكبّر جنوبك=وعيونه بغيبتك سالت مدامعها
وأمك ترى حقـّها من بعد حق الله=ومن بعد حق النبي بشير خلق الله
مافيه حق ٍ يساوي حقــّها لله=الحمل كره ٍ ووضعك كره وأوجعها
ومن بعد وضعك عليك الليل سهرانه=تسهر على راحتك لو كان تعبانه
ولشوفتك في سعادة دوم شفقانه=وثديينها من حنان الصدر ترضعها
واليوم ضعفوا يبونك تلتفت فيهم=وماقدموا لك يبونك به تجازيهم
وبطيّب الخلق والطاعة تراعيهم=تراهم أبواب جنـّة فاز طامعها
وأحذر من اللي عن الطاعة يصدونك=أهل المعاصي تراهم مايودونك
لكن مع دربهم والشر يبغونك=مراتع السو وأهل السو قاطعها
وجالس هل الدين وأهل الطيب يحذونك=ولطيّب الفعل والناموس يهدونك
اللي لياغبت عنهم مايسبونك=محبّة الله والناموس جمّعها
وأختر نسيبك من اللي صيتهم عالي=يفخر به إبنك ليامن قال ذا خالي
قرم ٍ يعدّل عدّوه كل مامالي=وعجفا رفيقه يسمنها ويرقعها
حتى عيالك بطيب الفعل يشفونك=ومادمت حي ٍ على الدنيا يبرونك
وأمرك عليهم قوام ٍ به يطيعونك=والضد عوجاه ماخلوك تبلعها
وبنت الردي يالبيب الروح جنّبها=لوكان فيها جمال ٍ لاتصاحبها
خسران ياللي كديش الخيل تركبها=ردية العزم والمنتوج قاطعها
وحقوق عانيك حذرا لاتجاهلها=قم في حقوقه بليا نقص وأكملها
وبنته مع الناس نومسها وجملها=والمخطية منك لاتطرق مسامعها
وحجاجك لضيف بيتك فكّه وفلّه=وبادره بالطيب والترحيب والدلّه
وأكرم جنابه مادام ببيتك وحلّه=دنياً بليا جميل ٍ ليش نجمعها
والجار قم في رضاه وكمّل حقوقه=وأدمح خطا زلّته مع ضعف منطوقه
وخلّك على أسرار بيته مثل صندوقه=وأحذر خطاياه تنبشها وتجمعها
وخل منزلك دايم ٍ بالعالي النايف=منزال حُر ٍ على مطلوبك وكايف
يحتار شانيك لوهو كاذب وزايف=وأهل الردى والخزا جنـّب مواقعها
وصلوا على من بعثه الله وأختاره=مانشا علينا سحاب وهل مدراره
وعداد من طاف بيت الله ومن زاره=على حبيب أمته أيضا وشافعها

[عبدالعزيز العقيدي]

تسلم الشاعر

شجاع عمر الأكلبي

قصيدة جزله من رتاس جزل
تحياتي لك

[هاجس نجد]

المشاركة الأصلية كتبت بواسطة شجاع عمر الأكلبي

جديدة هذه الليلة الجمعة 28/3/1429هـ وتتحدّث عن نفسها

أستغفر الله عدد مارفـّت بروقه=وعداد وبل ٍ يهلّه صادق حقوقه
وعداد حب ٍ يوفى الكيل في سوقه=وعداد مابين أراضيها وسابعها
وأسألك يالله في دنياي تسترني=وأطلبك عفوك بقبري لاتعذبني
وفي ظل عرشك نهار العرض تحشرني=ونفسي بعالي جنان الخلد ترفعها
ويانفس توبي لربك وأحسني الطاعة=ولأوامر الشرع والمحبوب منصاعة
لأجل إنها لك تجارة وأحسن بضاعة=تجارة ٍ مع أمين ٍ مايضيعها
وأنصحك يامن طريق الحق خالفته=تتبع هوى النفس والمحذور والفته
تمشي بظلام الخطا والحق قارفته=وأهل المعاصي تقدسها وتسمعها
عوّد ترى الموت مايخبرك بقدومه=وقلبك على طاعة الله نشط عزومه
طاعة وليّك لقلبك خير مطعومه=وأحرص على سنـّة المحبوب وأتبعها
وترى رضا الله برضا اللي تلاقوبك=أبوك وأمك يومنك صغير بروبك
أبوك يتعب عليك وكبّر جنوبك=وعيونه بغيبتك سالت مدامعها
وأمك ترى حقـّها من بعد حق الله=ومن بعد حق النبي بشير خلق الله
مافيه حق ٍ يساوي حقــّها لله=الحمل كره ٍ ووضعك كره وأوجعها
ومن بعد وضعك عليك الليل سهرانه=تسهر على راحتك لو كان تعبانه
ولشوفتك في سعادة دوم شفقانه=وثديينها من حنان الصدر ترضعها
واليوم ضعفوا يبونك تلتفت فيهم=وماقدموا لك يبونك به تجازيهم
وبطيّب الخلق والطاعة تراعيهم=تراهم أبواب جنـّة فاز طامعها
وأحذر من اللي عن الطاعة يصدونك=أهل المعاصي تراهم مايودونك
لكن مع دربهم والشر يبغونك=مراتع السو وأهل السو قاطعها
وجالس هل الدين وأهل الطيب يحذونك=ولطيّب الفعل والناموس يهدونك
اللي لياغبت عنهم مايسبونك=محبّة الله والناموس جمّعها
وأختر نسيبك من اللي صيتهم عالي=يفخر به إبنك ليامن قال ذا خالي
قرم ٍ يعدّل عدّوه كل مامالي=وعجفا رفيقه يسمنها ويرقعها
حتى عيالك بطيب الفعل يشفونك=ومادمت حي ٍ على الدنيا يبرونك
وأمرك عليهم قوام ٍ به يطيعونك=والضد عوجاه ماخلوك تبلعها
وبنت الردي يالبيب الروح جنّبها=لوكان فيها جمال ٍ لاتصاحبها
خسران ياللي كديش الخيل تركبها=ردية العزم والمنتوج قاطعها
وحقوق عانيك حذرا لاتجاهلها=قم في حقوقه بليا نقص وأكملها
وبنته مع الناس نومسها وجملها=والمخطية منك لاتطرق مسامعها
وحجاجك لضيف بيتك فكّه وفلّه=وبادره بالطيب والترحيب والدلّه
وأكرم جنابه مادام ببيتك وحلّه=دنياً بليا جميل ٍ ليش نجمعها
والجار قم في رضاه وكمّل حقوقه=وأدمح خطا زلّته مع ضعف منطوقه
وخلّك على أسرار بيته مثل صندوقه=وأحذر خطاياه تنبشها وتجمعها
وخل منزلك دايم ٍ بالعالي النايف=منزال حُر ٍ على مطلوبك وكايف
يحتار شانيك لوهو كاذب وزايف=وأهل الردى والخزا جنـّب مواقعها
وصلوا على من بعثه الله وأختاره=مانشا علينا سحاب وهل مدراره
وعداد من طاف بيت الله ومن زاره=على حبيب أمته أيضا وشافعها

الشاعر الكبير والأستاذ القدير
شجـــــــاع عمــــر الأكلبـــــي
صح لسانك وعلاشأنك
جميع كلمات الإشادة والإطراء لن توفيك ما تستحق
شاعر كبير بالفعل في شاعريتك وفي عزة نفسك
وفي نظمك ونصائحك التي هي أثمن من الدرر
قصيدة تدل وعي شاعرها وثقافته العالية
وشموخ وعزة نفسه / هذه المعلقه من أجمل ما قرأته
وهي نصيحة قيمه لا تقدر بثمن
بيض الله وجهك من حيث ما توجهت
تقبل تحياتي وتقديري
أخـــــوك
سعــد بن عبــد الله العبيـــد
هاجس }{ نجـــــد

[سناعيس]

شجاع الأكلبي
صح لسانك
قصيدة رائعه وجزله الله لايهينك

تحياتي

[الطائر المهاجر]

ضافيه لجميع المبادئ والقيم العربية الأصيله
وافيه كل من يرغب التفكر وتذكر
ما كان عليه الآباء والأجداد وما بدأنا نلاحظه من
انحسار لها في ظل المد الغربي المادي مما يحتم
علينا ان نحمل الشعر رسالته لنأتي بمثلها
منزلك خله رفيع بعالي النايف
الله اكبر عليك قلت فأجدت
صح لسانك ولا هان راسك يالغالي
تحياتي واحترامي

[ســُلاف]

وأسألـك يالله فـي دنيـاي تسترنـي
وأطلبـك عفـوك بقبـري لاتعذبنـي
وفي ظل عرشك نهار العرض تحشرني
ونفسي بعالي جنـان الخلـد ترفعهـا
اللهم آمين والجميع

وترى رضا الله برضا اللـي تلاقوبـك
أبوك وأمك يومنـك صغيـر بروبـك
الله يرحم حال بعض الاباء والامهات ربوا وتعبوا واخرتها انرموا في دور العجز
دايماً يخطر على بالي سؤال لو الام والاب مر شريط لقدام وعرفوا
ان طفلهم مستقبلاً راح يسيء لهم
هل راح يقسون عليه لانهم عارفينه بالمستقبل كيف بيجحدهم وينكر فضلهم
لا والله !!

وبنت الردي يالبيـب الـروح جنّبهـا
لوكـان فيهـا جمـال ٍ لاتصاحبـهـا
تدري ياالاكلبي كثير بنات طيبات وزنهم ذهب
حتى وإن كان الاب ردي وش ذنبهم؟!

شجاع ابيات نحتاجها
ونصائح من حكيم
اطلب الله ان تكون في ميزان اعمالك
صح لسانك

[علي محمد العتيبي]

عوّد ترى المـوت مايخبـرك بقدومـه
وقلبك على طاعة الله نشـط عزومـه
طاعة وليّـك لقلبـك خيـر مطعومـه
وأحرص على سنّة المحبوب وأتبعهـا


الاكلبي
ياسلام عليك
ابداع في ابداع
كفيت ووفيت


صح لسانك ملايين


اعجابي واحترامي

[الخنساء]

صح لسانك اخي الشاعر شجاع
لاهان راسك قصيدةرائعة
سلمت وسلم شعرك
دمت بخير

[النهج المختلف]

وأنصحك يامن طريق الحق خالفته=تتبع هوى النفس والمحذور والفته

تمشي بظلام الخطا والحق قارفته=وأهل المعاصي تقدسها وتسمعها


الأخ شجاع الأكلبي

صح لسانك لاهنت

على المعاني الطيبة

القصيده كلها رائعة

أعجبتني هذي النصيحة

تسلم ما قصرت

تحياتي وتقدير لما قرأت

مشاعر
ملؤها الروعه و الإبداع
ننتظر المزيد من روائعك
دمت و لا هنت