محاوره شاتيه صباح الجمعه 29/2/1429هـ

[سناعيس]

محاوره شاتيه صباح الجمعه 29/2/1429هـ
بين الطائر المهاجر وسناعيس وشارك بها علي الغامدي
:

كلام وابغى من جنابك دليله=والا على كيفك كِذا تكثر اللوم (الغامدي)
احسن من اللي ماتبيه الحليله=يجلس طوال الليل ويشادي البوم (سناعيس)
شباب ضايع ما لقى له دليله=مرزقه في لبسه وما ياكل اليوم (المهاجر)
الغراب يقنص بوم والحر شيله=على الحبارى لسعته خط موسوم (المهاجر)
كنه هنيدي وضايع من كفيله=يمشي ويبزق وريحته ريحة الثوم (سناعيس)
ولو هو تفكر في المعاني الجميله=في يوم يصبح عود والموت محتوم (المهاجر)
المشكله لاجاك شايب هبيله=يموت متحسر من العز محروم (سناعيس)
ولا انت يالعارف فلا فيك حيله = تطيح متواسي ولا يلحقك لوم (سناعيس)
العز ماهو في منى او جليله=العز قرشك يرفعك لا دنى القوم (المهاجر)
هذا الكلام اللي بغينا نجي له=جبته لنا ياوافي القول مرسوم (سناعيس)
مخلوق عبد للأناثي وسيله= في وسط بطحا مابها شي مقضوم (المهاجر)
انا اشهد السيل وان سال سيله = ماله عن الوادي ولو كان مردوم (سناعيس)
تفني حياتك ملعن سنسفيله = مقبور حي ولاحقه غم وهموم (المهاجر)
بنات حوا كالبحر لاتجي له=يسحبك للقيعان لو تعرف العوم (المهاجر)
وبعض البشر ودك يلبس بشيله = ويقعد مع النسوان ويصير محشوم (سناعيس)
وبعض البشر لا من تناقص فتيله=اسراج ابودنان من تحت مخروم (المهاجر)
وبنات حوا كالفواكه جميله=طب وتخير دون عقد ومعلوم (المهاجر)
الله اكبر ياحياة الخميله=ياعيشة الهاوي ويا ماكثر النوم (سناعيس)
خلك تطارد معه يومه وليله=واليا انتهى عمرك فلا فادك اللوم (المهاجر)
امنول(ن) ياطير ناكل عسيله=واليوم بدلناه بجلكسي وحلقوم (سناعيس)
ماكول نسوانٍ بعصر الهزيله=وصرتوا مثلهن مابقى غير الهدوم (المهاجر)
اية رذيله يازعيم الفضيله=مابه ضمير حي للفكر مفهوم (المهاجر)
تساوت الألوان والوقت ميله=اصبح وضوح ولا بقى شي مختوم (المهاجر)
اللي يبي العليا لاينشد دليله=عقله براسه والفوايد تجي دوم (سناعيس)
من عاش وقت فيه بوش وخليله=انا اشهد انه بيصبح الصبح مكلوم (سناعيس)
بوشٍ عرف وشلون يحكم بذيله=وروس العرب تحته تدور على النوم (المهاجر)
وبوشٍ مضى عمره مع الفي حليله=ولمن وصل للسقف ركد عن الحوم (المهاجر)
بلاك من اللي من العرب يرتخي له=فكره نخره السوس ولازال مخروم (سناعيس)
المشكله ياطير وهي الفشيله=انا نحسب الغرب عنده لنا علوم (سناعيس)
وبوشٍ بزنده وصل ما انهد حيله=مهوب ترثة شيخ بالغرب مسيوم (المهاجر )
لان العرب ياصاحبي مستزيله=نسيو علوم الدين والفكر ملخوم (سناعيس)

[نجم الإبداع]

لا هذي ماعليها كلام

صحت قلوبكم

تحياتي

عز الله صح لسانكم

صحيح فطاحله ماشاء الله عليكم

والكبار كبار قول وفعل

عافاكم مولاكم

مساجله جميله جدا

مشكور سناعيس على نقلها

تحياتي

[ابوعبدالرحمن القريشي]

بيض الله وجيهكم وما قصرتو
اححيتم الفطاحلة بهذه المحاورات

دمتم بود

[الطامي]

الله عليكم شيبان الفطاحله
بداها الغامدي وولعها بينكم
شكرا لكم جميعا
وصح السنتكم
ولاهنتو

[داعي الشوق]

سناعيس ، الغامدي ، المهاجر

صح لسانكم وما قصرتوا

أمتعتونا ،،،

صح لسانهم ولاهنتوا

[صعبة المنال]

المشكـلـه ياطـيـر وهـــي الفشـيـلـه انا نحسب الغرب عنده لنا علوم (سناعيـس)
وبـوشٍ بزنـده وصـل مـا انهـد حيـلـه مهوب ترثة شيخ بالغرب مسيوم (المهاجـر )
لان الـعــرب ياصـاحـبـي مستـزيـلـه نسيو علوم الدين والفكر ملخوم ( سناعيس)


الله الله على الطائر وابوالنخوات


صعبة المنال

تسلمون وصح السنكم