واطر جيبي كان قفّى وأطرّه

[ماجد الزيد]

البارحة والهمّ صدري مقرّه=مانمت واعي والمخاليق نيّام
ارفع بعال الصّوت قافي واجرّه=لين الوحش من ماكره فزّع وحام
كنّه رسول ٍ جايب ٍ لي مسرّه=بشّر بها واقفى ونا اعضّ الابهام
جاني له بعلم ٍ على حين غِرّه=ما يدري انّ القلب من جيّته سام
مرسول من قلب ٍ على القلب فرّه=قلب ٍ احبّه مير وش خانته , ظام
ويله من الله , بس لله درّه = حتى الخطا منّه احبّه من العام
يشره علي وآنا حـرام آتشرّه=الحبّ علّمني فلا آجيه بخصام
والله لوهو حطّ بالجوف حرّه=الطف عليه مْن المطر في فضا الشّام
لله فلا تلحق حبيبي مضرّه = الموت اقرب لي وابنبيه قدام
اهواه من خيره الى حدود شرّه=تدرون وش شرّه ؟ الى من زعل , قام
ما قام زعلان ٍ ولا جاء بكرّه = لامن تضايق قام صلّى وثم صام
اطهر من اللي كل عمره مبرّه =واطيب من اللي ضيّعه كثر الاحلام
واطر جيبي كان قفّى وأطرّه=ويا طر جيب الوقت من ضعف الاسلام
تمرّني روحه وروحي تمرّه =يسهر على لانمت واسهر له ان نام
يسرّني شوفه وشوفي يسرّه=ون غاب عن عيني فنا شارب حْمام
ماهمّي مْن الوقت حلوه ومرّه = ودامه معي يبشر بحلوات الايام
مانيب خايف من زمان ٍ يغرّه=اخشى من هْبالي , يفجر بنا الغام
لعيونه الثّنتين والنّفس حرّه =بنيت له في صدري بيوت و خيام
هو موطنه من قبل حتّى يمرّه =حاميه فيه , ودونه رماح وحسام
كرّ اللقى يا غاية الرّوح كرّه=ما تدري انّ الوقت من غيرك حطام
البارحة والهمّ صدري مقرّه=مانمت واعي والمخاليق نيّام

[الجفول]

الله الله

قصيده مكانها القمم

رائعه ماجد الزيد

قمة الاحاسيس والمشاعر

واداء رائع

شاعر راقي غني عن التعريف

شرفني ان اكون هنا

دمت بود

[مشعل السلمان]

ماجد الزيد

صح لسانك وكلك يابعدي
لاهنت على هذا النص الجميل
ابدعت وامتعت يالغالي
لاهنت على هذا الإبداع

[داعي الشوق]

كرّ اللقـى يـا غايـة الـرّوح كـرّه= ما تدري انّ الوقت من غيرك حطـام

الشاعر ماجد الزيد

يا هلا بالشعر و اهله

و يا هلا بالابداع

صح لسانك يالقرم

و الحمدلله على السلامه

أسفرت و أنورت

طاب الشعر والقاف بعودتك يالغالي

صح لسانك مع التحية

و التقدير
************

[احمد الجريفاني]

اسعد لمعانقة جمال حرفك اينما كان سلم القلب ودام الاحساس

[الطائر المهاجر]

سلمت
وصح لسانك وقلبك
ولا هان راسك
تحياتي

[عبدالإله]

جمعت العذوبة والابداع هنا

صح لسانك

أشهد انك شاعر قرم

سلامي لك

مع تحياتي

$$$$$$$$$$

[ماجد الزيد]

الاخا الفاضلة الجفول صح الله بدنك واشكرك على المرور الراقي

[الطامي]

الزيد
صح السانك
رائعة جدا
شكرا لك

[ماجد الزيد]

مشعل السلمان
صح الله بدنك واشكرك على المرور الراقي