السلام عليكم ورحمه الله وبركاته
الشاعر محمد بن عمار اخ وصديق ، واستاذي ومدرستي الشعريه
والحقيقه اتشرف اطرح بين ايدكم هذه المحاوره ..
اتمنى ان ترتقى لذائقتكم
هترل
أنا لأهل الوفاء وافي وربعي صفوه الاخيار
وصحبتهم تشرفني وباقي الناس تحسدها
جريح القصيد
وانا ماهوب يجهلني مزايا مكرمين الجار
ولكن خايفٍ لحدٍ من الحساد يفسدها
هترل
اجل بتختبرني وأنت عارف جمله الأسرار
يدور الوقت والايام اليا دارت عوايدها
جريح القصيد
ترى يابن الكرام اللي سواتك لا لفا الخطار
بحق الضيف والواجب محكحكتن حدايدها
هترل
يدوم الطيب والمعروف دايم ما عليه اغبار
وليا من احتمى الموقف نهلنا من مواردها
جريح القصيد
كلامك يوقظ الهاجس ويربك معظم الافكار
يذكرني سنينٍ ، اشقت القلب بشدايدها
هترل
اجل اسمع مدام انك تبيني اوجز الأخبار
رفيقك ما تغيره السنين ولا شواهدها
جريح القصيد
متى ما ضامني وقتي نصيت الشاعر البيطار
مثل شرواك اذا زلت بي اقدامي يساندها
هترل
خطاك اللاش وأبن اللاش وأنت الفارس المغوار
ولامن جيت كرعنا الذبيحه مع سواعدها
جريح القصيد
وحولك دله الرسلان مركاتن بجنب النار
وخمس من الحباري يالخوي بالطير صايدها
وترى هذا العشم واكثر لدى مغليك بن عمار
ومن فضل الولي احوالنا ماشن معاندها
وتسلم ياغناتي من شقا الزلات والأشرار
عدد ما تكتب الاشعار وتنظم في قصايدها
04-03-2012, 03:45 PM
المواضيع المتشابهه
أنا لاهل الوفاء وافي ..مع الشاعر بن عمار
