خمسين عامٍ من الستين

[الطامي]

لايوجد اشد من ذكرى الطفوله على الأنسان الشاعر اذا كبر عمره ومر به الطريق على مكان تربى فيه ،،،،، وانا كذلك حين مريت على مدينة عين خالد غرب مدينة الدوحه قطر

مريت ماضي قديم وصابني شاضي = هاذي رسومه بقت والا اصلها وينه
دوجت فيها وبعيني شفت الانقاضي = لازال باقي والاخرى مالها عينه
يادار تكفين لون تحكيين عن ماضي = ماضي لنا فات قد قفت به سنينه
اذكر الا جا المطر يغط الارواضي = والبيت سقفه من الدنكل وتلبينه
وانا صغير مثل غيري بمركاضي = ويلمنا الليل خوف من معادينه
نسرح ونضوي وفكر الادمي فاضي = ماحاسب الوقت مافكر بتقنينه
ماهمنا الوقت كله مالنا حاضي = ماغير نلعب ونمرح فيه يازينه
ذكرت فيها لنا عودٍ مايعتاضي = وذكرت اخٍ عزيزٍ مع اخاوينه
وذكرت جيراننا والكل متراضي = ولف ومحبه هل الطالات مرسينه
خمسين عامٍ من الستين والماضي = اقفى به الوقت والذكرى عناوينه

[منيع]

ياسلام عليك
ابيات رائعة وهل هناك اجمل من الذكريات وزمان الصبا
تسلم يامنصور
ربي يرعاكم
تحياتي

[الطامي]

منيع
صح بدنك
صدقت مأجمل من الذكريات الطيبه الا ذكرها في كل وقت
شكرا لمرورك
لاهنت اخي

[طوفـــان]

آيييه الله المستعان ...

تمشي السنين وحنا ماندري ...

سلمت يالطامي على هالقصيدة الطيبة

تحياتي وتقديري

[محمد بن عمار]

الله عليك / يابو محمد
وصححححححح لسانك ياشايب
والعمر كله وتشوف احفادك
وتفرح بأولادهم .
ويالله حسن الختام

[فارس القوافي]

الله اكبر يابو محمد

عز الله انك حركت المشاعر

نص جزاله ومعنى وقافية وذكرى جميله

صح لسانك ولاهنت

يعطيك العافية


دمت بخير

[الطائر المهاجر]

صح لسانك
ولا يتذكر الشايب سوى ذكريات الطفوله
فالذاكره بعيدة المدى تكون اقوى من قصيرة المدى لكن
لو سألته وش غداه امس ما يتذكر
يالله حسن الخاتمه
اعتراف صريح
لاهنت
تحياتي

[روح الشعر]

الطامي

صح لسانك اخي

جزل دوما


لا هنت يابعدي

[جهاد الشعلان]

صح لسانك اخوي منصور

رغم صغر سني اللا اني حسيت باللي حسيت به

من ابداعك بالقصيده

ولا اظن هناك اجمل من الذكريات بحلوها وبمرها

فهي الشي الوحيد الذي ينتشل الشخص من الحاظر المرهب

تقبل مروري

[داعي الشوق]

صح لسانك مليوون يا بو محمد

ابيات جميلة و معطرة بريحة الماضي و الذكريات الجميلة

صح لسانك مدد

ولاهنت يالشاعر