(((((( لا تـــلحقهـــــا ))))))

واقلـبـي الـلـي يـابـسـات عـروقــه=والكبـد مـن صـال الجمـر محرقهـا

والـراس (كـن) الـهـم خـيّـم فـوقـه=والعيـن دمـع(ن) جوفهـا يشرقـهـا

عليـك يـا حــرّ(ن) شـلـع بسبـوقـه=يــوم الـحـرار مـجـود(ن) سبـقّـهـا

لي صاحب(ن) مثل العسل منطوقه=وأيضا سوات الشمس في مشرقها

حـــرّه ونـظــرة عيـنـهـا سـابـوقـه=مهـره وأصيلـه مـا انكسـر بيرقهـا

حلفـت لـه يـوم الـوعـد مــا بـوقـه=والروح عنكم حالف(ن) ما ادرقهـا

القلـب جـاك ومــا طلـبـت نسـوقـه=حـتـى الـقـدم فــي دربـكـم نطلقـهـا

آنـا العشيـق الـلـي وفــا معشـوقـه=واللـي تـجـي مــن يمـكـم نعشقـهـا

لـكــن بــعــدك لا تــلــوح بــروقــه=خطر(ن) على روح الفتـى يزهقهـا

قال انـت كـاس البعـد كيـف تذوقـه=روحـــك عـلـيّـه ثـــورت بـنـدقـهـا

إسـبـوع لـيـن القـلـب زدت فتـوقـه=مــا اقـبـل معـاذيـرك ولا اصـدقـهـا

من طب له في سوق ماهـو سوقـه=مـن مــرّ عـنـد بضاعـتـه يسرقـهـا

عـان السفيـنـه لا غــدت مخـروقـه=أدنـات مـوج(ن) ف البحـر يغرقهـا

قـلـت الله اكـبـر لا تضـيـع حقـوقـه=قلب(ن) معك روحه علـى مطرقهـا

ان كــان ولـيــن الـزمــان يـعـوقـه=ولا الـلـيـالــي قـفــلــت مـفـرقــهــا

ولا عـطـاه الـوقـت مـــا لا طـوقــه=ولا بـاقــي ألا كـلـمـة(ن) ينطـقـهـا

بيقـولـهـا مـــن لهـفـتـه بـطـروقـه=ويـشـيـلـهـا قـلــبــه ولا يـعـتـقـهـا

بيقـول احبـك وانــت كـمّـل شـوقـه=وان قـفّــت الأيــــاااام لا تلـحـقـهـا




احترامي

[طلال سويعد]

صح لسانك
مبدع ياصالح

وكل عام وانت بخير

[ابومياس]

القلـب جــاك ومــا طلـبـت نسـوقـه
00000000000حـتـى الـقـدم فــي دربـكـم نطلقـهـا
آنـا العشـيـق الـلـي وفــا معشـوقـه
0000000000والـلـي تـجـي مــن يمـكـم نعشقـهـا
لــكــن بــعــدك لا تــلــوح بــروقــه
00000000000خطر(ن) على روح الفتى يزهقهـا

شاعرنا القدير صالح

نص ممتع وجزل من شاعر

يجيد صنع القوافي

صح لسانك ودام حرفك

دمت بخير

[الخنساء]

صح لسانك اخي الشاعر صالح
لاهان راسك قصيدة رائعة
سلمت وسلم شعرك
دمت بخير

[الم الفراق]

صح لسانك وعلا شانك

سلمت اخي العزيز


ربي يحفظك

[ابوعبدالرحمن القريشي]

قال انـت كـاس البعـد كيـف تذوقـه
روحـــك عـلـيّـه ثـــورت بـنـدقـهـا

إسـبـوع لـيـن القـلـب زدت فتـوقـه
مــا اقـبـل معـاذيـرك ولا اصـدقـهـا

من طب له في سوق ماهـو سوقـه
مـن مــرّ عـنـد بضاعـتـه يسرقـهـا

اخوي صالح

صح لسانك

قصيدة جزلة من راس جزل
والله يبعد الفرقى

دمت بود

[حمد العيد]

القدير/ صالح الازوري

نص رائع من شاعر متمكن لاهنت وصح لسانك

ودي وتقديري

روض الغلااا

[الصريح العتيبي]

الاخ/صالح الازوري----------------------سلمه الله
الله الله الله
صح لسانك ابيات تستحق الوقوف امامها طويلاّ لاهنت على هذه الرائعه
تقبل مروري ودمت بخير

بوح رائع جدا

لاهنت ولاهان مغليك

صح لسانك مليون

[المتجاسر]

سجل اعجابي الشديد

بهذه الباذخه

تحياتي واحترامي