شارع الغالي ..الا عزّمت امرّه

[نورة الشبيلي]

شارع الغالي .. الا عزّمت امرّه
القى قلبي قد سبقني .. يحتريني


من عقب صدّه غدا بالقلب حرّه
من حواجز حطّها بينه.. وبيني


والاكيد.. انه لقى عاذل.. وغرّه
بكلامٍ.. او مكيدة.. مبتليني


يجرح احساسي.. واسامح كل مرّه
انا.. مدري.. كيف اقبل ما يجيني


اسال الله جال همي والمضرّه
هو وكيلي.. شايفٍ ما صار فيني


كيف اوصّل له عتابي واتشرّه
وكيف ازيل.. هجوس حيرة .. تعتريني


يا الهي.. دعوتي لك مستمرّه
ما .. ابي .. غيره وليفٍ يهتويني


شفت انا منه السعادة.. والمسرّه
وذكرياتٍ عذبةٍ..احيت حنيني


صورته فيذا.. وفي هذا .. مقرّه
تاج راسي..واقسم انه.. هو يميني


الغلا.. له.. ما نقص مثقال ذرّه
والذي نفسي بيدّه.. محتويني







--------------------------------------------------------------------------------

صورته فيذا.. وفي هذا .. مقرّه
ـــــ تاج راسي..واقسم انه.. هو يميني

الغلا.. له.. ما نقص مثقال ذرّه
ـــــ والذي نفسي بيدّه.. محتويني


الله الله


صح قلبك ووجدانك

قصيدة غايه في العذوبه والجمال


وعاداتك الابداع يا شاعرتنا القديرة


اعجابي بلاحدوود


وتقبلي مودتي وتقديري

خضوع لأجل الحب .......
عموما قصيدة رائعه جدا في مفرداتها وصياغتها ومعانيها
صح لسانك أختي نوره الشبيلي
وألف شكر على هذه القصيدة الرائعة

/


غاليتي ..


نــورة ..


كـتـبـتِ ..


فـ .. أبـدعــتِ ...


صـ لسـانـكـ ـح ..


مــدد .. بـ .. لا .. عــدد ..


دمــتِ .. كمـا .. أنــت ..


بـ انتظـار .. الـ مـزيـد ..


عزيزتي ..

/

[نسناس الهوى]

اعتراف بما تخفين له من مشاعر ..
جعل .. من حروفك العذبه ، بركان ينفجر بقوته وجزالته وصدق معانيه ..
صح لسانك ولاهنت ِ .. سجلي اعجابي برائعتك ..

[سهيل الشمري]

شفت انا منه السعادة.. والمسرّه
وذكرياتٍ عذبةٍ..احيت حنيني


صورته فيذا.. وفي هذا .. مقرّه
تاج راسي..واقسم انه.. هو يميني


الغلا.. له.. ما نقص مثقال ذرّه
والذي نفسي بيدّه.. محتويني

.


الله عليك


اصيلة بمفرداتك صادقة بنبضك


طاب فالك يابعدي وصح قلبك




سهيل

[يزيد النمي]

الله الله

صح لسانك يانورة الشبيلي

[نورة الشبيلي]

ابن العم الكريم

ثامر الشبيلي

حياك ربي

اسعدني حضورك الطيب

واعتز بشهادتك

لك تقديري

رعاك الله

[ابو زياد]

الاخت نوره الشبيلي
صح لسانك ودام تميزك
ابيات قويه واحاسيس شاعريه

ياسلام يانورة .
مشاعر راقية وعاطفة جياشة ..
تعبير لطيف عما يجول في الخاطر ..
صح لسانك اختي العزيزة والى الامام ..