لله درّ الملك والفارس الفيصل

[نجم الإبداع]

لله در الملك والفارس الفيصل=فالماقف الي يبيض وجه دولتنا
لاقال ابو متعب الكلمه سما توصل=وكلمة الحق فوق الناس علتنا
ويل الطواغيت تقتل شعب وتنيصل=والدّم يجري وتشهد به مسلتنا
راح المراقب وراغه سم قتل وصل=فوق الجثامين ماظله مظلتنا
قال الملك دام قتل الشعب متواصل=لاترسلون المراقب في مجلتنا
شهر الرقابه قتل فوق الف بالبوصل=والفرخ يشهد شهادة زور دلتنا
ياويل بشار ليته قبل صام وصل=وش له بظلم العباد وقهر خلتنا
ماحلل القتل في بغداد والموصل=الا اللذي خالفو بالجهل ملتنا
من حكّم الشرع بين الخلق له فيصل=يالله تحفظ ملكنا واحم دولتنا

[نواف السعداني]

صح لسانك اخوي فلاح

عسى ربي يفرج هم اخواننا في سوريا


وربي يحفظ لنا مليكنا أبو متعب اللي محبته ما يختلف عليها اثنين
ولو مدحناه بملايين القصايد صدق ما فيها نفاااق

[داعي الشوق]

ولله درررررك يا فلاح

ابداع يسابق الحدث و الاحداث

مع تمنياتنا للشعب السوري الشقيق بحياة آمنه و استقرار

و صح لسانك يا نجم الابداع و الامتاع

ولاهنت

[هترل]

صح لسانك يابو منشار
جزل ووافي لا عدمناك


تحياتي وتقديري

[الطائر المهاجر]

صح لسانك
جزله من جزل
تحياتي

[التخيفي]

صح لسانك وبدنك
مبدع وممتع
لاهنت
تحيتي الطيبه

[حرف وشعر]

نص رائع واحساس رائع بمعانات اخواننا فى سوريا

شكرا لك والله يفرج على الامة ماتمربة

من احداث جسام

[منيع]

اكثر من رائعة ومعبرة
شكرا لك
تحياتي

[طوفـــان]

صح لسانك يابن منشار ، والله يعجل بالفرج ويهلك كل طاغي ومجرم ..

والله يحمي بلادنا وبلاد المسلمين أجمع ويحفظ حكامنا وشعبنا الغالي ..


تحياتي لك أخي أبن منشار

[الطامي]

فلاح
صح السانك ملايين
رائعة جدا
والفيصل من نوادر العرب في ها الزمان
لاهنت اخي