الطيب ضايق ودّه اليوم مخراج

[عذب القوافي]

	((الطيب ضايق ودّه اليوم مخراج)) كيف أرتفع في وقتنا كم هلباج=وذلوا رجال ٍ ياجماعه كريمين والطيب ضايق ودّه اليوم مخراج=وصار البخل محمود عند اللئيمين وبعض العرب في وقتنا دون منهاج=وأهل الردى ياكثرها صارت تبين كيف الغني في هالزمن صارمحتاج!=يأخذ لو إنه في حسابه ملايين محروم عايش في متاهات واحراج=من شاف لبسه قال مسكين مسكين يسبح على بحرالمذّلة بالأمواج=وفي موتته حتى عياله سعيدين ياللي مسكت المال مربوط بأدراج=وش ينفعك مادام عمرك ثمانين بكرى بتحمل للمقابرعلى ساج=ويعرض سجّلك ماحوى الشين والزين وأستثني اللي فعلها الدر والعاج=قوم ٍ تصّدق بالخفاء للضعيفين تعطي ولاهي تملك قصوروأبراج=تعرف تقول الدار مابه مقيمين وترى الحساني راعية توّج بتاج=يجني ثمارالبذل محفوظ بعدين والختم صلوا عد مايحرم الحاج=على محمد رحمة ٍ للمسلمين تقديري للجميع ,,,,,

[نجم الإبداع]

اللهم صل على محمد

عبدالكريم بن خزيم

وصح لسانك على القصيده الراقيه

والله يصلح الحال


لاهنت

تقبل مروري

وتقديري

[ناصر عبيد الهواوي]

اللهم اصلي على رسول الله
اصبت بالخزيم بهذة القصيدة حال الكثير من اصحاب الأموال الذين يجمعون لغيرهم ولا يجنون من ذلك
لاثناءا في الدنيا ولا ذخرا في الآخرة لله درك ولا فض فوك ودمت كما أنت مبدعا

[سعيد الصاعدي]

الاخ الفاضل / عبد الكريم بن خزيم
صح لسانك لاهنت
نص شعري رائع
من شاعر جزل
تسلم ويسلم فكرك يالغالي
تحياتي
أخــــوك
س / ص

[عذبة الطباع]

صح لساااااااااااااانك ملاييييييييييين
تقبل تحياتي

[منصور العبدالله]

وأستثني اللي فعلها الـدر والعـاج
...................قوم ٍ تصّـدق بالخفـاء للضعيفيـن
تعطي ولاهي تملـك قصوروأبـراج
....................تعرف تقول الـدار مابـه مقيميـن
وترى الحساني راعيـة تـوّج بتـاج
..................يجنـي ثمارالبـذل محفـوظ بعديـن



صح لساااااااااااااااااتك يابن خزيم


اخوى عبد الكريم

قصيده وافيه وجزله وانت منبع الجزاله يالقرم

[سناعيس]

صح لسانك ياعبدالكريم
وبيض الله وجهك
قصيدة رائعه كالعاده

لاهنت


تحياتي

[زهرة اللوتس]

عبد الكريم بن خزيم
سلمت وصح لسانك حتى ترضى
جزلة من شاعر جزل
لاهنت
والله يعطيك العافية
ولك مني
اطيب تحية

[الـزلـزال]

عبدالكريم بن خزيم



قصيده هادفه من شاعر متمكن ورائع في بوحه


أبدعت غالينا في تناولك للموضوع بكل جزاله


صح لسانك ملايين ملايين


ولك فائق تحياتي

[همس الورد]

[all1=33FF99]تسلم شاعرنا عبد الكريم


صح لسانك مليون

و بيض الله وجهك

قصيدة رائعة

لاهنت اخي الكريم[/all1]