دمعة يتيم

[نجم الإبداع]

آه من عبرةٍ رقّت لدمعة يتيم = فارق امه وضني عينها ماتنام
قصتي واقعيه وقعها بي اليم = يوم جاني الخبر صورتها بالتمام
قلتها للرجال وقلتها للحريم = كل ماقلتها للناس قالوا حرام
اربعه وامهم من عقب طعم النعيم=حاصر الموت ابوهم واندفن قبل عام
رحمة الله عليه الحمل عقبه جسيم=يالله اسكنه بالجنات بين الكرام
بعد موته تغير شربهم والنسيم= وانطوت صفحة الماضي بدار السلام
خيّم الحزن وارسل فوق الابصار غيم=والتجوا لاهلهم ذي ماعليها كلام
غير تشتيتهم سوى بقلبي حطيم=كيف يصبر على الفرقاء صغير الحمام
اكبر اطفالها ودوه يم القصيم =والثاني حول جده عند عمٍ همام
والبنات احظنتهم عند جدٍ سقيم=في ديارٌ بعيده كيف تقوى الضرام
قلت للي يعلمني كفى يافهيم = كيف ذا صار قال ارجوك دون الملام
قلت مشكور ليتك مافتحت الجحيم=ليتني ماسمعت الحزن والانفصام
اتفكر واقول اليتم شيٍ عظيم = وادعي الله لهم من قلب بين الانام
ادعي الله يجمعهم فللبعد ضيم=واشهد اني حزنت وقلت هذا حرام

الله عليك صح لسانك معنى وغرض رائع سلمت
وسلم بنانك

[ابو أنس]

الفاضل فلاح ابن منشار.......................
دائما تتيح لك شاعريتك الإبحار في هموم ومشكلات المجتمع
نص جميل ومعبر
سعدت بقراءته
لك كل الشكر

[الأموره]

جميل ما كتبته اخي الكريم ،،

و جميل صدق الاحساس ،،

سلمت اخي الكريم ،،

صح لسانك ملايين ،،

الف شكر لك ،،

دمت برعاية الخالق ،،

[الصريح العتيبي]

الاخ/فلاح بن منشار00000000000سلمه الله
صح لسانك واعتلى شانك ابيات موثره
الله يجمع شملهم ويرحم فقيدهم
تقبل مروري ودمت بخير

[علي محمد العتيبي]

ابن منشار

ياسلام عليك

قصيده رائعه ومؤثره

ومعنى هادف

صح لسانك لين ترضى


اعجابي واحترامي

صح الله لسانك

شاعرنا المبدع

ودمت سالم غانم للكلمة
ابيات ابت الا ان تبقى حول مدار واحاسيس الروعه
روووووووووووووووووووووووووووعه
رغم حزن كلماتها

[ماجد المهدي]

ابن منشار

صح لسانك حتى ترضى

قصيدة في غاية الابداع والتمكن منك يا الفطحل

تحياتي

ماجد المهدي

[عبدالرحمن الصباح]

واشهد اني حزنت وقلت هذا حرام====
ابداع كالعاده تصوير غايه في الروعه الله يرحم ابوهم صح السانك اخوي فلاح جزله من شاعر جزل تحياتي وتقديري اخوي

[مبروك بن ماضي]

الاخ الفاضل الشاعر الجزل / فلاح بن منشار
صح لسانك قصيدة رائعه وابيات مؤثره
الله المستعان 00الله يرحمه وموتي المسلمين
تقبل تحياتي واحترامي ،،