اذا منك بغيت تعرف امريكا (بالصوت)

[الطائر المهاجر]

اذا منّك بغيتَ تعرف امريكا وحقيقتها = ترى التاريخ ما يكذب ولو بالعمد يخفونه
على الإرهاب قامت مثلما قامت ربيبتها= على اجساد الهنود الحمر لا يمكن يخبّونه
قبل ما تغتصب/ فيها القبايل نبت تربتها= ملايين البشر عاشوا على المرعى ومن دونه
"كرستوفر كولمبس" وصلهم جاهل بوجهتها= يحسبنّه وصل للهند مع جيشٍ يقودونه
عثوا في الخلق تقتيلٍ وسبيٍ راح سبتها = حراير في مسار الرق باوربّا يبيعونه
ومن لازال بامريكا تمارس كل قوتها= عليهم والحجز محميّةٍ للي يصيدونه
بعيني شفت هالواقع بعد ما دجت ساحتها= ثمان سنين فيها فاهمٍ خطٍ يسيرونه
الى من ذكرت امريكا تورّى لي محبتها= الين إني رحلت وشفت ما عنّي يغطّونه
لقيت البيض جنب البيض تمسك في زعامتها= وباق الشعب ماله دور لو بالهرج يلهونه
واذا احتاجوا لشخصٍ عنده أفكارٍ لخدمتها= شروا منه الذي يبغون لو بالمال يغرونه
ولو شفت الثراء والعز باول شوف بوهتها= ترى فيها الفقارى فوق ما بالكذب يحصونه
ولو هم رحّبوا بطلاّبنا أدري بفكرتها= عطوهم قشر ماينفع مقابل ما يقبضونه
فلا من علم ذرّه او سلاحٍ في دراستها= ولا حاسوب متطوّر ولا علمٍ يفيدونه
يبون الطالب ابليّا شعوره ضمن لعبتها = اذا منّه غسل مخّه نفع للي يريدونه
يجي رافع شعاراتٍ ولا يدري بطبختها = وهي كذب وسلاحٍ للتدخل يوم ينوونه
على دم الشعوب البائسه تجمع بثروتها = وعلى ثرواتهم تبني قلاع الشرّ وحصونه
الا يا جاهلٍ فيها ترى امريكا بخطتها = عدوٍ فاحذره ماهي على العربان مأمونه
ولو بعض العرب قدّم تنازل لاجل كسبتها= فهي تمشي على خطٍّ مقرر ما يعدلونه

[الأموره]

صح لسانك و علا شانك

سلمت يالشاعر و سلم هالبوح

الف شكر لك ،،

دمت برعاية الخالق ،

[راجي الحاج]

يسلم لسانك وفكرك يادكتورنا

الله معاك

[عبدالعزيز ابراهيم المنصور]

جَمِيلٌ .. جَمِيلٌ
نَّصٌ فِي قِمَةُ الجَمَال
أبْدَعت ..
أستَمْتَعتُ كَثَيرًا بِقِرأتَ الأبَيَات
لافَضّ فُوَك
دُمْتَ سـَاميـًا
دُمْتَ بِخَير

[صعبة المنال]

قصيدة قوية


فى هذا البيت اختلفت الكلمة
كرستوفر كولمبس" وصلهم جاهل بوجهتها
يحسبنّه وصل للهند مـع جيـشٍ يقودونـه

بدل يقودونه = يجرونه


صعووب

[الطامي]

الله عليك ماروعك دكتور
محلل ومميز بأفكارك الطيبه
لافض فوك استاذي
وشكرا لك

[نفحات حساسة]

الله لا هنت والله وصح الله لسانك مليون
يعطيك العافيه

[الطائر المهاجر]

شكرا الأموره
على كريم المتابعه
لاهنتي
اطيب التحيه

[منيع]

الا يــا جـاهـلٍ فيـهـا تــرى امـريـكـا بخطـتـهـا=عـدوٍ فاحـذره ماهـي علـى العربـان مأمـونـه
ولـو بعـض العـرب قـدّم تنـازل لاجـل كسبتهـا=فهـي تمشـي علـى خـطٍّ مقـرر مـا يعدلـونـه

اجدت واصبت
شكرا لك
تحياتي

[الطائر المهاجر]

شكرا منيع
على كريم المتابعه
لاهنت
تحياتي